Sipas mediave amerikane, presidenti ukrainas Volodymyr Zelensky ka refuzuar një ofertë nga Shtetet e Bashkuara të Amerikës për t’u larguar nga vendi, së bashku me familjen e tij.
“Lufta është këtu. Unë kam nevojë për municion, jo një udhëtim”, tha Zelensky sipas raportimit të “Associated Press,” duke cituar një zyrtar të lartë të inteligjencës me njohuri të drejtpërdrejta të bisedës.
“Washington Post” kishte cituar gjithashtu zyrtarë amerikanë dhe ukrainas të cilët thanë se qeveria amerikane ishte e përgatitur për të ndihmuar Zelensky. Zelensky është vlerësuar gjerësisht në mediat sociale për reagimin e tij ndaj pushtimit rus. Ish-aktori i humorit kishte mbajtur më herët një fjalim emocionues në të cilin u zotua se do të vazhdojë të luftojë, duke thënë: “Kur të na sulmoni, do të shihni fytyrat tona, jo shpinën”.
Ai kishte postuar gjithashtu një video të vetë-xhiruar më herët të premten, duke treguar atë dhe ndihmësit e tij kryesorë në kryeqytet, duke hedhur poshtë raportet se ai kishte ikur nga Kievi raporton “BBC”.
“Ne jemi të gjithë këtu, dhe do të qëndrojë kështu”, tha Zelensky./albeu.com/
