Një gjykatës britanik ka pranuar se ka përdorur ChatGPT për të shkruar një pjesë të një urdhri gjykate.
Lord Justice Beers zbuloi se ai iu drejtua chatbot-it “të këndshëm e të dobishëm” për të përmbledhur një fushë të ligjit për të cilin ai nuk dinte mjaftueshëm, më pas kopjoi dhe bashkëngjiti përgjigjen që mori.
Gjykatësi i Gjykatës së Apelit, i specializuar në ligjin e pronësisë intelektuale, tha se mjete të tilla “kanë potencial të madh” për të ndihmuar njerëzit të bëhen më efikas në punët e tyre.
“I kërkova ChatGPT të më jepte një përmbledhje të kësaj fushe të ligjit dhe më dhanë një paragraf. Unë e di se cila është përgjigja sepse do të shkruaja të njëjtin paragraf. Por, kjo bëri për mua dhe e vendosa atë në vendim. Është atje dhe është jashtëzakonisht e dobishme”, vuri në dukje ai ndërsa fliste në një konferencë ligjore.
Megjithatë, ai theksoi se është gabim të mbështetesh në Inteligjencën Artificiale për çështje që nuk i di, duke shtuar se ndihej i sigurt në përdorimin e saj pasi mund ta pranonte përgjigjen si “të pranueshme”.
“Unë marr përgjegjësinë e plotë për atë që është në vendimin tim, nuk e hedh fajin diku tjetër”, shtoi ai.
