Këshilli i Larte i Prokurorisë miratoi me 8 vota pro emërimin në SPAK për një mandat 9-vjeçar, të prokurorit Bledar Maksuti.
Kandidati Bledar Maksuti, ishte i renditur i 4-ti nga Këshilli i Lartë i Prokurorisë, kur u hap gara për 3 vendet vakante ne SPAK.
Komisioni i Posaçëm në SPAK skualifikoi nga gara prokurorin Ndini Tavani të renditur sipër tij. Kjo i hapi rrugën prokurorit Maksuti, për të cilin SPAK tha se plotëson kushtet për marrjen e detyrës pas analizimit të pastërtisë së figurës dhe pasurisë.
Kujtojmë se më herët KLP emëroi prokuroren Anita Jella, si prokurore e strukurës së posaçme kundër krimit të organizuar dhe korrupsionit me një mandat 9-vjeçar, pa të drejtë riemërimi.
Gjithashtu në mbledhjen e KLP u pezullua nga detyre drejtuesi i Prokurorisë së Vlorës, Aurel Zarka, i cili u arrestua pas operacionit të SPAK.