Një operacion ndërkontinental kundër trafikut të drogës, çoi në pranga 26 persona, mes tyre shqiptarë, spanjollë dhe kolumbianë.
trafikantët dërginin drogë nga Amerika e Jugut në Spanjë. Pas marrjes së nformacioneve se banda e narkotrafikut kishte përgatitur dërgesën e radhës nga Amerika latine në drejtim të Spanjës, u përgatit dhe aksioni nga ana e policisë, i cili çoi në pranga 26 persona.
Shqiptarët theksohet se kishin kryesisht rolin e ‘kopshtarit’.
Operacioni i quajtur “Lumebo”, i realizuar nga autoritetet spanjolle, çmoi rrjetin ndërkombëtar të drogës që operonte nga Galicia dhe lidhej me Amerikën e Jugut.
Mediat e huaja shkruajnë se hetimi lidhur me këtë operacion ka nisur në tetor të 2021, ku u mor një informacion për një organizatë që po përgatiste dërgesë nga Amerika e Jugut në Spanjë.
Në atë kohë hetuesit identifikuan personat kryesorë që qëndronin në krye të organizatës dhe që kishin lidhje me investitorë, transportues dhe financues të trafikut të drogës në Amerikën e Jugut.
Trafikantët përdornin varka peshkimi për të transportuar lëndën narkotike, por në atë kohë ndërhyrja e autoriteteve nuk rezultoi plotësisht e suksesshme.
