Të paktën 97 civilë janë vrarë dhe 365 të tjerë janë plagosur që nga shpërthimi i armiqësive midis ushtrisë sudaneze dhe paraushtarakëve, tha në një deklaratë sot Shoqata e Mjekëve Sudanezë.
Më herët, OBSH raportoi se të paktën 83 njerëz u vranë dhe 1,126 u plagosën në luftimet e ashpra midis forcave të armatosura dhe organizatës së fuqishme paraushtarake “Forcat e Mbështetjes së Shpejtë” (RSF).
Organizata, pjesë e sistemit të OKB-së, ka regjistruar vdekje në shtetet e Khartoum-it, Kordofanit të Jugut dhe Darfurit të Veriut.
Shumë nga nëntë spitalet që presin civilë të plagosur përballen me mungesë gjaku, materialesh transfuzioni dhe furnizime të tjera bazike. Ndërprerjet e ujit dhe energjisë elektrike dhe mungesa e karburantit për funksionimin e gjeneratorëve të spitaleve e bëjnë edhe më të vështirë funksionimin e tyre./albeu.com/
