“Do të dilte jashtë funksionit Këshilli i Sigurimit?”

Eksperti i OKB-së, Richard Gowan nga Instituti “Crisis Group” është i mendimit, se kriza më e madhe për OKB që pas luftës në Irak e ka çuar Këshillin e Sigurimit në kufirin e kolapsit. “Çdokush e dinte, që Rusia do të përdorte fuqinë e vetos në Këshillin e Sigurimit për të hedhur poshtë çdo kritikë kundër këtij agresioni”, thotë Gowan. “Por askush nuk e dinte, se çdo të ndodhte me diplomacinë e OKB-së. Dhe nëse Këshilli i Sigurimit do të dilte jashtë funksionit.”

Sistemi i Kombeve të Bashkuara u diskreditua. Kërkesat për një reformë të KS po bëhen gjithnjë e me zë më të lartë, edhe nga SHBA. Por nuk mund të bëhen më shumë, se deklarata, thotë Gowan. “E dinin të gjithë, se Këshilli i Sigurimit nuk mund ta përjashtonte Rusinë.” Ashtu si ai nuk mundi ta përjashtojë SHBA-në pas marshimit në Irak në vitin 2003.

Të paktën KS arriti të funksionojë përtej luftës në Ukrainë: që nga ndihma për njerëzit në Afganistan në angazhimin në Siri apo sanksionet për grupet e armatosura në Haiti. Në Ukrainë vetë punojnë organizata të OKB, si UNICEf-i apo ajo për refugjatët. Guterres vetë është arkitekti i marrëveshjes për drithërat mes Ukrainës dhe Rusisë.

Eksperti Richard Gowan thotë, se është interesante të vërehet, se Rusia e ka shmangur ta minojë komplet OKB. “Kjo tregon, se Moska do ta mbajë OKB të hapur si kanal për të biseduar me perëndimin.”

Në mes të fronteve të një Lufte të re të Ftohtë

Më 2 mars Asambleja e Përgjithshme e OKB-së dënoi me shumicë sulmin rus në Ukrainë. Një moment emocional për shumë vetë në sallë, që nxorrën celularët të filmonin një ngjarje të tillë. Por më shumë se sinjale morale nuk u dërguan nga Asambleja. Moska përpiqet edhe këtu që ta përçajë këtë aleancë. Shumë vende afrikane dhe aziatike që janë të varura nga Rusia, ndjehen të futura në mes të fronteve të një Luftë të re të Ftohtë, thekson kreu i Programit të Zhvillimit të OKB-së, Achim Steiner. “Kudo që hedhim sytë në radarin gjeopolitik, kjo luftë ose ka krijuar më shumë skepticizëm ose ka zgjuar plagët e vjetra. Kjo luftë shkatërron pikërisht atë që kemi nevojë në këtë moment të historisë. aftësinë si kombe, si bashkësi ndërkombëtare për të vepruar së bashku. E kundërta ndodh këtë moment.”

Në rast shkallëzimi fundoset diplomacia e OKB-së

Vitin e ardhshëm shumë gjëra do të varen nga ajo, nëse fuqitë botërore do të kontribuojnë që Kombet e Bashkuara të bëhen sërish platforma, ku të gjendet zgjidhja për këtë konflikt. Steiner thekson rrezikun e një “vakuumi”, që krijohet, kur blloqet politike dhe palët në luftime nuk mund apo nuk duan të negociojnë me njëra-tjetrën.kjo situatë duhet të marrë fund. I këtij mendimi është edhe eksperti i OKB-së, Richard Gowan. Nëse lutimet do merrnin fund me një përfundim të pranueshëm për Ukrainën, bashkësia ndërkombëtare mund të marrë sërish një rol të fortë. “OKB mund të luajë rol për rindërtimin, të vëzhgojë tërheqjen e trupave ruse dhe Këshilli i Sigurimit mund të miratojë rezolutat për formësimin e një marrëveshjeje të paqes.”

Por në rast se luftimet shkallëzohen dhe Putin përdor armë nukleare, atëherë rrezikon që diplomacia e OKB-së të heshtë përfundimisht, është i mendimit Gowan. Sepse atëherë askush nuk do më të flasë më rusët./dw

The post Lufta në Ukrainë: OKB-ja në buzë të kolapsit appeared first on Albeu.com.

Deklarata përkatëse është bërë nga ministri i Jashtëm ukrainas Dmytro Kuleba, duke komentuar një sulm terrorist në Ambasadën e Ukrainës në Madrid, në kuadër të takimit të 29-të të Këshillit Ministror të OSBE-së në Lodz të Polonisë.

“Kjo është padyshim një formë e re terrori. Së bashku me autoritetet spanjolle, ne po punojmë shumë aktivisht për të zbuluar se kush qëndron pas kësaj. Pa dyshim, ne kemi një hamendësim se kush qëndron pas kësaj, por është e nevojshme të gjurmohet i gjithë rrjeti i agjentëve dhe njerëzve të përfshirë në këtë fushatë”, tha Kuleba.

Sipas Kuleba, përveç incidentit në Madrid, “ka pasur edhe ngjarje të tjera alarmante, që nuk lidhen me eksplozivët”. Në veçanti, disa ambasada ukrainase morën letra me “kërcënime shumë specifike”.

Kuleba shtoi se Ministria e Punëve të Jashtme të Ukrainës së shpejti do të japë një koment zyrtar në lidhje me këtë.

Më 30 nëntor 2022, një komandant i Ambasadës së Ukrainës në Madrid mori lëndime të lehta, pasi një letër bombë shpërtheu në duart e tij. Pjesa tjetër e punonjësve mbetën të padëmtuar.

The post Ministri i Jashtëm Kuleba: Dy ambasada të tjera të Ukrainës marrin letra kërcënuese appeared first on Albeu.com.

50.000 raste të dokumentuara me krime lufte

Së bashku me Gjykatën Penale Ndërkombëtare dhe Ukrainën, shtatë vendet duan të ndjekin penalisht krimet e dyshuara të luftës ruse që nga sulmi i 24 shkurtit 2022 në vendin fqinj. Sipas Buschmann, rreth 50.000 raste janë dokumentuar vetëm në Ukrainë. Janë rreth 600 të dyshuar dhe ndaj 200 autorëve të dyshuar janë duke u zhvilluar procedurat penale. “Kjo tregon se sa e madhe është sfida për të marrë masa ndaj këtyre krimeve”, thotë ministri nga partia liberale gjermane (FDP).

Buschmann akuzon Rusinë për sulme ushtarake kundër popullatës civile “që synojnë ekspozimin e njerëzve pa ngrohje, pa energji elektrike në një dimër, gjatë të cilit temperatura mund të arrijë në minus 30 gradë”. Ai thotë se kundër kësaj padrejtësie duhet të merren masa.

Ky është edhe qëndrimi i kryeprokurorit të Gjykatës Ndërkombëtare Penale, Karim Khan, edhe ai i ftuar në takimin e ministrave të drejtësisë të G7. Përgjegjësia dhe transparenca janë të nevojshme në mbarë botën, duke përfshirë Ukrainën, “për të siguruar respektimin e të drejtave themelore të njeriut.”

Autorët duhet të mbajnë përgjegjësi për mizoritë e tyre

Prokurorja e Përgjithshme Victoria Prentis nga Britania e Madhe tha se “dëgjuam se si sulmi i Rusisë ndau familjet, shkatërroi planet për të ardhmen dhe krijoi një terren pjellor për të traumatizuarit.” Prandaj është e qartë se një qasje e unifikuar e vendeve të G7 është shumë e rëndësishme “që autorët të vihen përpara përgjegjësisë për mizoritë e tyre”.

Komisioneri i Drejtësisë i Bashkimit Evropian (BE), Didier Reynders, theksoi edhe rëndësinë e sanksioneve kundër oligarkëve rusë: Deri më tani janë ngrirë pasuri në vlerën prej 18.9 miliardë euro. Këto para do të tentohen të konfiskohen për t’ia dhënë Ukrainës për rindërtimin e vendit.

Gjermania dhe Franca po bashkohen

Komisioneri i BE-së mund të llogarisë në mbështetjen e ministrit gjerman të Drejtësisë Marco Buschmann dhe homologut të tij francez Éric Dupond-Moretti. Në një artikull të përbashkët për portalin “Legal Tribune Online”, të dy bëjnë thirrje për masa europiane që shkojnë përtej përgjegjësive kombëtare për edhe për çështjen e sanksioneve.

Shkeljet e sanksioneve jo vetëm që duhet të ndëshkohen, por edhe të ndiqen. “Prandaj jemi pro zgjerimit të kompetencës së Prokurorisë Publike Evropiane për të përfshirë shkeljet e masave kufizuese nga Bashkimi Evropian”, shkruan dyshja franko-gjermane. Nga Komisioni Evropian ata kërkojnë që së shpejti të paraqesë propozimet e duhura.

I dyshuar për krime lufte: Vladimir Putin

Në një “Deklaratë të Berlinit”, ministrat e drejtësisë të G7 “dënojnë fuqishëm” luftën e agresionit kundër Ukrainës të urdhëruar nga Vladimir Putin. Lista e akuzave është e gjatë: vrasja dhe plagosja e civilëve dhe të burgosurve të luftës, zhdukja e fëmijëve, sulmet sistematike në infrastrukturën kritike, dëmtimi i gjerë i punonjësve dhe objekteve shëndetësore dhe dhuna seksuale.

“Federata Ruse po shkel hapur ligjin ndërkombëtar”, thuhet në deklaratën e përbashkët përfundimtare. Ministri gjerman i Drejtësisë Marco Buschmann shpreson që takimi i parë i G7 i ministrave të drejtësisë të këtij lloji do të japë një shtysë të fortë për ndjekjen penale të krimeve të luftës. Ministrat duan të sigurojnë prova edhe më të mira dhe të sigurta “në mënyrë që përgjigja jonë ndaj këtyre krimeve të luftës të përmbushë standardet tona dhe t’i sjellje autorët e dyshuar para drejtësisë.”

Parimet e G7: demokracia, humanizmi, e drejta ndërkombëtare

Nga Berlini dërgohet kështu një sinjal politik: Shtetet e G7 janë ekonomikisht të forta, “por edhe një komunitet vlerash që ndihet i përkushtuar ndaj parimeve të demokracisë liberale, parimeve të njerëzimit, ligjit ndërkombëtar, të drejtave të patjetërsueshme të njeriut”. Kjo përfshin edhe respektimin e ligjin ndërkombëtar të luftës dhe ligjit ndërkombëtar penal. “Krimet e luftës nuk duhet të mbeten pa u ndëshkuar. Pavarësisht se kush i ka kryer dhe pa marrë parasysh se ku janë kryer.”

Qëndrimi i qeverisë federale është që të punojë sa më shumë me Gjykatën Penale Ndërkombëtare në Hagë, thekson Marco Buschmann. Ekziston një unitet i madh brenda G7 që edhe udhëheqja ruse duhet të ndiqet penalisht. Megjithatë, ka kufizime për autoritetet kombëtare të hetimit, për shembull në lidhje me krerët e shteteve. Nga kjo po përfiton edhe presidenti rus Vladimir Putin.

“Ne do të përgatitemi mirë”

Megjithatë, këto kufizime nuk do të zbatohen për Gjykatën Penale Ndërkombëtare. Kjo është arsyeja pse ministri gjerman i Drejtësisë është për hetimin e të gjithë udhëheqjes ruse për krime kundër njerëzimit. Përpunimi ligjor i mizorive në Ukrainë do të marrë vite, ndoshta edhe dekada. “Por ne do të jemi të përgatitur mirë.”

Të njëjtën gjë shpreson edhe Prokurori i Përgjithshëm i Ukrainës, Andriy Koston, i cili ishte në Berlin me Ministrin e Drejtësisë së vendit të tij, Denys Maliuska. “Çdo ditë ushtarët tanë dhe të gjithë njerëzit në Ukrainë luftojnë për të mbrojtur sovranitetin e tyre,” tha Koston pas diskutimeve të përbashkëta me ministrat e drejtësisë të G7. Dhe ai shton: “Ne po luftojmë edhe për drejtësi – për të gjitha viktimat e pushtimit rus”./DW

The post G7 do të dërgojë Putinin në Hagë appeared first on Albeu.com.

Sipas Guardian, duke iu drejtuar ushtarëve ukrainas përpara ndërtesës së administratës në sheshin kryesor, Zelenskyy tha se ata po ecin përpara.

“Ne po ecim përpara. Ne jemi gati për paqe, paqe për të gjithë vendin tonë”, tha Zelenskyy.

The post “Ne po ecim përpara”, fjalët e para të Zelenskyyt në Khersonin e çliruar nga rusët (VIDEO) appeared first on Albeu.com.

Ukraina pretendon se dronët Shahed-136 goditën Kievin të hënën, duke vrarë të paktën katër persona, por Kremlini tha se nuk mund të konfirmonte apo mohonte nëse ky ishte rasti. Ndërkohë, Peskov tha se katër rajonet e Ukrainës që Rusia deklaroi se i kishte aneksuar bien nën mbrojtjen e arsenalit bërthamor të Rusisë.

“Këto territore janë pjesë e patjetërsueshme e Federatës Ruse dhe siguria e tyre sigurohet në të njëjtin nivel me pjesën tjetër të territorit të Rusisë”, tha ai.

Zëdhënësi Dmitry Peskov tha se nuk kishte informacion në lidhje me përdorimin e armëve të tilla me precizion të lartë me origjinë iraniane.

The post Dronët iranianë në Ukrainë, Kremlini: Nuk kemi informacion për përdorimin e tyre appeared first on Albeu.com.

“Udhëheqësi i një prej partnerëve më të rëndësishëm tregtarë të Rusisë e ka qortuar hapur Vladimir Putinin për luftën në Ukrainë. Gjatë një takimi televiziv në Uzbekistan, kryeministri indian Narendra Modi tha: “Tani nuk është koha për luftë”.

Është shenja e fundit që edhe vendet me lidhje të forta me Moskën po vënë në dyshim pushtimin”, tha CNN.

Gjatë takimit kryeministri indian u shpreh se demokracia, diplomacia dhe dialogu ato që ia bëjnë të qartë njerëzimit se cila është rruga që duhet ndjekur për të arritur paqen.

India deri më tani kishte qëndruar neutrale dhe nuk kishte shprehur në mënyrë eksplicite pikëpamjet e saj për pushtimin e Ukrainës nga Putin.

Nju Delhi kishte refuzuar të fajësonte publikisht Moskën për krizën, duke theksuar gjithashtu respektin tradicional të Indisë për sovranitetin dhe integritetin territorial.

Narendra Modi abstenoi në votat e OKB-së që dënojnë pushtimin e Rusisë.

Por takimi i tij i fundit me Vladimir Putin duket se tregon se India po distancohet nga Rusia.

Mosmiratimi i Modi erdhi vetëm një ditë pasi Putin pranoi publikisht se presidenti kinez Xi Jinping ngriti pyetje dhe shqetësime për luftën.

Komentet e Modi dhe Xi vijnë pasi trupat ruse janë tërhequr nga rajoni verilindor i Kharkiv.

Trupat ukrainase kanë kryer një kundërofensivë të suksesshme, duke i larguar trupat ruse nga rajoni.

Në një raport të inteligjencës, Ministria Britanike e Mbrojtjes vuri në dyshim nëse forcat ruse të vijës së parë kanë “rezerva të mjaftueshme ose moral të mjaftueshëm” për t’i bërë ballë një sulmi tjetër të bashkërenduar në lindje të vendit.

The post “Nuk është koha për luftë”, Vladimir Putin humb një tjetër aleat appeared first on Albeu.com.

Këtë e ka konfirmuar CEO i Baykar Makina dhe njëkohësisht dhëndri i presidentit turk Rexhep Taip Erdogan, Haluk Bayraktar, në një koment për CNN.

“Turqia dhe Ukraina kanë një nivel strategjik marrëdhëniesh, veçanërisht në fushën e hapësirës ajrore dhe të mbrojtjes. Këto janë vite përpjekjesh. Turqia po mbështet Ukrainën me teknologjinë e dronëve të armatosur. Ne gjithashtu blejmë motorë për dronë nga Ukraina. Ne kemi ndërtuar marrëdhënie me Ukrainën bazuar në një parim fitues, i cili u jep avantazhe të dyja vendeve. Dhe në këtë drejtim, ne e mbështesim qartë Ukrainën”, tha Bayraktar.

Kur u pyet për mundësinë e furnizimit të produkteve Baykar Makina në Rusi, ai tha se kjo nuk do të ndodhte kurrë.

“Ne nuk i kemi dorëzuar apo furnizuar atyre [Rusisë] me asgjë dhe nuk do ta bëjmë kurrë një gjë të tillë. Ne mbështesim Ukrainën, mbështesim sovranitetin e saj, mbështesim rezistencën e saj për pavarësinë e saj,” tha Bayraktar.

Më 27 qershor, Baykar Makina njoftoi transferimin falas të tre dronëve sulmues për Forcat e Armatosura të Ukrainës, për të cilat u mblodhën fonde si pjesë e projektit të Serhiy Prytula “Bayraktar i Popullit”. Për më tepër, Baykar Makina vendosi t’i japë Ukrainës një UAV Bayraktar TB2 falas, për të cilin u mblodhën fonde në Lituani. Fushata për mbledhjen e fondeve për blerjen e një droni Bayraktar për Ukrainën është duke u zhvilluar aktualisht në Poloni./albeu.com

The post Dhëndri i Erdogan mbështet Ukrainën: Nuk do t’i japin kurrë drone Rusisë appeared first on Albeu.com.

Temë diskutimi ishte invazioni i Rusisë mbi Ukrainën, me ç’rast Ministri Osmani riafirmoi pozicionin e shtetit për dënim të ashpër të intervenimit ushtarak, duke bërë thirrje kështu për ndërprerjen e veprimeve ushtarake dhe tërheqjen e trupave ushtarake ruse.

Osmani e rikonfirmoi mbështetjen për integritetin territorial dhe sovranitetin e Ukrainës, ndërsa gjatë bisedës përshëndetën ndihmën ushtarake dhe humanitare të ofruar nga të dyja palët si një shprehje solidariteti dhe mbështetjeje për popullin ukrainas.

Gjatë bisedës, u përshëndet dënimi nga mbarë bota për invazionin ushtarak, me çka u vërejt se mungon reagimi adekuat nga ana e RP Kinës me gjykim të qartë për agresionin rus. Në këtë drejtim, u theksua nevoja për thirrje të përbashkët globale ndaj Rusisë për ndërprerjen e aktiviteteve ushtarake, që paraqesin rrezik për sigurinë e Evropës dhe botës në përgjithësi.

Ministri Osmani falënderoi palën amerikane për mbështetjen e vazhdueshme për qëllimet strategjike të Maqedonisë së Veriut, si dhe kontributin e përgjithshëm në stabilitetin dhe zhvillimin demokratik të Ballkanit Perëndimor.  E theksoi nevojën për një prani më të fortë të SHBA-së në rajonin tonë si një garanci e fuqishme për siguri rajonale dhe evropiane.

Bashkëbiseduesit përshëndetën marrëdhëniet bilaterale ndërmjet Shteteve të Bashkuara të Amerikës dhe Maqedonisë së Veriut të bazuara në partneritet strategjik dhe miqësi tradicionale, si dhe shprehën gatishmërinë e ndërsjellë për avancimin e mëtejshëm të tyre në periudhën e ardhshme./TV21

The post Osmani telefonatë Escobar: Thirrje për ndërprerje të aktiviteteve ushtarake dhe tërheqje të forcave ruse appeared first on Albeu.com.