Albeu.com ju sjell më poshtë një përmbledhje të ngjarjeve më të rëndësishme të orëve të fundit në luftën në Ukrainë.
Në terren:
Luftimet intensive vazhdojnë në lindje të vendit. Beteja të ashpra raportohen rreth Rubizhne dhe Bilohorivka, të dyja në rajonin e Donbas
Megjithatë, një zyrtar i lartë i mbrojtjes amerikane thotë se Rusia ka bërë përparim të ngadalshëm në lindje gjatë ditëve të fundit, pavarësisht se ka pushtuar qytetin lindor të Popasna.
Ukraina po mban nën kontroll Kharkiv-it, thotë i njëjti zyrtar.
Qyteti port i Odesës është nën shtetrrethim pasi iu nënshtrua sulmeve të reja raketore ruse të hënën vonë. Autoritetet rajonale që thanë se dy persona u plagosën dhe pesë ndërtesa u shkatërruan.
Në fjalimin e tij të natës, Presidenti i Ukrainës Zelensky paralajmëroi se Rusia “po shkel në të njëjtin grabujë” si pushtuesit e mëparshëm të Ukrainës, duke shtuar se “asnjë armik nuk ishte në gjendje të rrënjoste këtu”.
Përtej Ukrainës:
Presidenti Biden ka nënshkruar një ligj që synon të përmirësojë ndihmën ushtarake amerikane për Ukrainën dhe aleatët e tjerë të Evropës Lindore. Një program i ngjashëm u miratua në vitin 1941 për të luftuar Gjermaninë naziste.
Shefja e Komisionit Evropian Ursula von der Leyen u takua me kryeministrin hungarez Viktor Orban në Budapest, në përpjekje për të fituar mbështetjen për sanksionet e propozuara të BE-së për karburantin rus.
Udhëheqësit perëndimorë kanë hedhur poshtë përpjekjet e fundit të Presidentit Putin për të justifikuar luftën, të cilat u bënë gjatë një fjalimi që shënonte humbjen e Gjermanisë nga Bashkimi Sovjetik në Luftën e Dytë Botërore të hënën.
Shtëpia e Bardhë e quajti pretendimin e Rusisë që agresioni perëndimor e kishte shkaktuar luftën “absurde”./albeu.com
