Partia maqedonase në pushtet LSDM, thotë se vendi ka një shans historik dhe mbështetje të fortë nga partnerët strategjikë BE dhe SHBA për të vazhduar rrugën evropiane.
Nga LSDM thonë se është mirë që u vendos dialogu dhe Mickoski publikisht shpalli se nuk është kundër ndryshimeve kushtetuese dhe pranon pjesëmarrjen në një qeveri të përbashkët.
“Tani dialogu duhet të vazhdojë, VMRO-DPMNE të pranojë dorën e zgjatur. LSDM tashmë ka propozuar një grup punues të përfaqësuesve të lartë të partive”.
“Tani është radha e VMRO-së që të emërojë grup punues dhe të vazhdojë dialogun për ndryshimet kushtetuese. Bëhet fjalë për marrjen e një vendimi nga i cili varet arritja e një qëllimi tjetër strategjik të shtetit, anëtarësimi në BE”, thonë nga LSDM.
