Në llogarinë e saj personale në Instagram, ajo shpesh ndan materiale, si nga jeta profesionale ashtu edhe ajo personale.

Në postimin e saj të ri, aktorja ka postuar një sërë fotosh nga udhëtimi i saj në Azores. Në njërën prej fotove, “Tokyo” pozon e zhveshur në shtratin e saj, e mbuluar vetëm nga një çarçaf.

Në mbishkrimin e postimit të saj, Ursula Corbero nuk shkroi asgjë përveç vendit që vizitoi.

The post FOTO/ “Tokio” e “La Casa De Papel” pozon e zhveshur në Instagram appeared first on Albeu.com.

The post Bëhuni gati! “La Casa De Papel” rikthehet, seritë e reja do të shfaqen premierë në dhjetor në Netflix appeared first on Albeu.com.

Në “La Casa de Papel”, një grup të huajsh bëhen bashkë për të grabitur shuma të mëdha parash në institucionet shtetërore të Spanjës me një plan të krijuar nga Profesori (Álvaro Morte) dhe të ekzekutuar nga Berlini. Serite e reja “BERLIN” fokusohen në një periudhë më të hershme në jetën e Berlinit, e cila është prekur në rikthimet në sezonet e mëvonshme të Money Heist.

Berlini thotë se ka vetëm dy gjëra që mund ta kthejnë një ditë të keqe në një ditë të mrekullueshme: dashuria dhe një ditë pagese miliona dollarëshe. Kjo është ajo që e mban atë të fokusuar në qëllimet e tij të larta. Pra, ai po përgatit një nga grabitjet e tij më ekstreme deri më tani, duke zhdukur bizhuteritë me vlerë 44 milionë dollarë. Por së pari, atij do t’i duhet të kërkojë ndihmën e disa kriminelëve të zgjuar: Keila, një organizatore e sigurisë kibernetike; Damián, një akademik dhe mik i ngushtë i Berlinit; Cameron, një djalë i lirë; Roi, një bravandreqës dhe ndihmës besnik i Berlinit; dhe Bruce, i cili merret me pajisje dhe armatime.

Seriali i ri do të ndjekë një nga grabitjet më të pazakonta të personazhit ikonik të luajtur nga Pedro Alonso, i cili rikthehet në rolin e Berlinit. Alonso është i bashkuar në kastin e aktorëve me Michelle Jenner, Tristán Ulloa, Begoña Vargas, Julio Peña Fernández, Joel Sánchez, Samantha Siqueiros, Julien Paschal, Masi Rodríguez dhe Rachel Lascar. Tetë episodet e serialit u krijuan nga Álex Pina (La Casa de Papel, Sky Rojo) dhe Esther Martínez Lobato dhe u drejtuan nga Albert Pintó (Sky Rojo, Malasaña 32).

The post Bëhuni gati! “La Casa De Papel” rikthehet, seritë e reja do të shfaqen premierë në dhjetor në Netflix appeared first on Albeu.com.

Një nga “huqet” e shqiptarëve sigurisht është dhe heqja e llastikut të tufës me para.

Një video e shpërndarë së fundmi nga një dasmë në Laç është bërë virale në rrjet, për shkak të sasisë së madhe të parave që hidhen nga dasmorët dhe mënyrës se si ata kanë zgjedhur të vishen për të hedhur tufat me para çiftit të sapo martuar.

Siç shihen dhe në video, dy të rinj janë veshur si protagonistët e serialit të famshëm “La Casa de Papel”, si dhe disa të tjerë kanë preferuar të vishen si sheikë dhe kanë vijuar të bëjnë atë që e kishin ndarë mendjen, pra të hidhnin lekun “lumë” te dasma e të afërmve të tyre.

@kec1ii_ @casadelpape ♬ original sound – Keci

The post “Casa de Laçi”, laçianët bëhen viral, hedhin lekun “lumë” në mes të dasmës (VIDEO) appeared first on Albeu.com.

Ne i kemi parë këta antiheronj të veshur me të kuqe të grabisin Royal Mint dhe Bankën e Spanjës. Ne kemi parë disa prej tyre të vdesin tragjikisht, madje i kemi parë të dashurohen. Sigurisht, kjo sagë nuk mund të përfundojë vetëm me pesë episode të frikshme.

Në këtë front, ne kemi lajme të mira dhe të këqija. Më poshtë albeu.com ju sjell gjithçka di për të ardhmen e “Money Heist”.

A do të ketë një sezon të 6-të “La Casa de Papel”?

Fatkeqësisht, jo. Nuk do të ketë një sezon të 6-të të këtij origjinali të Netflix. Por mos u fri. Ky univers është larg nga përfundimi.

A do të ketë një “spinoff” për “La Casa de Papel”?

Bingo. Në nëntor, u njoftua se do të ketë një seri të re Netflix nga Álex Pina, të titulluar Berlin. Për momentin, nuk dihet shumë për këtë serial të ardhshëm.

Për çfarë mund të jetë Berlini?

Natyrisht, ky serial i ardhshëm do të fokusohet në Berlinin e preferuar të fansave (Pedro Alonso), i njohur si vëllai i Profesorit (Álvaro Morte). Por pak dihet për serialin përtej kësaj. Meqenëse Berlini vdiq në sezonin e 2-të, ndihet e sigurt të thuhet se ky këst i ri ka të ngjarë të mos ndodhë pas përfundimit të Money Heist. Por ka ende një ton historish që mund të eksplorojë kjo seri.

Ndërsa eksploroheshin episodet e fundit, Andrés dhe Sergio vinin nga një familje hajdutësh dhe kriminelësh. Si u rritën? Para se të ishin Profesori dhe Berlini, si dukeshin vjedhjet e tyre të para? Kush është nëna e Rafaelit (Patrick Criado) dhe si ndikon ajo në gjithë këtë? Këto janë pyetjet që shpresojmë se Berlini do t’u përgjigjet.

Kur do të shfaqet Premiera e Berlinit në Netflix?

Për momentin, dihet që seriali pritet të lancohet në vitin 2023. Duke marrë parasysh faktin se Money Heist kishte një plan publikimi mjaft të parashikueshëm, afati kohor duket i arritshëm. Gjithmonë ekziston mundësia që COVID-19 t’i vonojë gjërat edhe një herë, por ne shpresojmë se nuk do të jetë kështu./albeu.com

The post A do të ketë “La Casa de Papel” sezon të 6-të? appeared first on Albeu.com.

Në trailerin e publikuar në YouTube nga “Money Heist”, është paralajmëruar fund dramatik për personazhin e Lisbonës, e cila shihet duke u arrestuar nga Policia. Vlen të përmendet se sezoni i pestë dhe i fundit i këtij seriali i ka dy pjesë.

Pjesa e parë është publikuar më 3 shtator 2021, teksa pjesa e dytë do të publikohet më 3 dhjetor.

Sezoni i fundit përbëhet nga dy vëllime, i pari – me pesë episode – u publikua më herët. Ashtu si u bë e ditur, adhuruesit e serialit duhet të presin deri në dhjetorin e këtij viti për të parë episodet e vëllimit të dytë.

“Banda është mbyllur në Bankën e Spanjës për mbi 100 orë. Ata kanë arritur të shpëtojnë Lisbonën, por momenti më i errët është mbi ta pasi kanë humbur njërin prej tyre. Profesori është kapur nga Sierra dhe, për herë të parë, nuk ka një plan arratisjeje.”, shkroi “Netflix” më herët.

 

View this post on Instagram

 

A post shared by La Casa de Papel (@lacasadepapel)

Sezoni i fundit nisi me bandën që mbyllet brenda Bankës së Spanjës për mbi 100 orë. Profesori i kapur nga Sierra nuk mund të arratiset, sepse nuk ka asnjë plan dhe grabitja merr një tjetër kthesë ndërsa banda përballet me Ushtrinë.

The post Publikohet trailer-i i La Casa De Papel (VIDEO) appeared first on Albeu.com.

Po partnerja? Është sekret, e vetmja gjë që dihet për partneren e tij është fakti që e ka njohur në xhirimet e serialit ‘La Casa de Papel’, por ajo nuk është e njohur. Thuhet se është një nga anëtarët e stafit në ‘backstage’.

 

View this post on Instagram

 

A post shared by Jaime Lorente Lopez (@jaimelorentelo)

Fansat i ka surprizuar shumë ky lajm, pasi deri para pak muajsh, Jaime ishte në një lidhje me kolegen e tij, Maria Pedraza, të cilën e njohu gjatë xhirimeve të ‘Elite’. Dukshëm aktori ka ecur përpara dhe madje me hapa shumë të mëdhenj.

The post Me partneren misterioze, aktori i “La Casa de Papel” së shpejti do të bëhet baba (FOTO LAJM) appeared first on Albeu.com.

Sezoni “La Casa de Papel” (Money Heist) u prezantua përmes pesë episodeve të para në Netflix. Banda u përfshi një luftë të gjithanshme ku një anëtar humbi jetën tragjikisht.

Finalja e serialit përfshin një përplasje midis forcave të armatosura të Spanjës dhe grabitësve të Bankës së Spanjës. Finalja e pjesës së parë do të mbahet mend nga fansat për një arsye kryesore: vdekjen tronditëse të Tokios (Úrsula Corberó), e cila ka qenë pa dyshim një nga personazhet kryesorë të kastit të serialit.

Çfarë ndodhi? Tokio, Denver dhe Manila gjenden të bllokuar nga ushtaraku Sagasta dhe skuadra e tij. Tokio dëgjon zhurmën që vjen nga qilar dhe shkon me Denverin për të hetuar. Ajo alarmohet kur sheh skuadrën e Sagastës të depërtojë përmes murit.

Stokholmi informon Denverin se e vetmja rrugëdalje nga kuzhina është përmes një boshti. Tokio i thotë Denverit dhe Manilës të vazhdojnë pa të. Rio krijon një vrimë në anën e vendit ku po mbrohet Tokio. Të dy përloten dhe kapin duart përmes hendekut mes kateve, por vrima është shumë e vogël që Tokio të shpëtojë.

Skuadra ushtarake shpërthen eksplozivin në murin e qilarit dhe sulmon në kuzhinë. Ajo i jep lamtumirën Rios dhe i thotë Profesorit përmes radios se është koha që ajo të jetë engjëlli i tij mbrojtës.

Tokio merr shuma plumba nga skuadra e Sagasta-s. Por kur ata shkojnë ta shohin, vënë re se u ka hequr fijet granatave që mban në kraharor. Ato shpërthejnë duke vrarë Tokion dhe potencialisht të gjithë skuadrën ushtarake.

Kush mund të ketë vdekur tjetër?

Gandia: Do të ishte jashtëzakonisht e pakumtintë nëse Gandia do t’i mbijetonte shpërtimit të granatave. Karakteri i tij nuk ka nevojë të zhvillohet më – ai arriti kulmin kur vrau Nairobin.

Po Arturo? Arturo qëllohet nga Stokholmi. Në fillim mendohet se ka vdekur, por ai ka ende puls. Fati i tij nuk u konfirmua, por fansat janë të sigurt se nuk ka vdekur.

Për momentin, është e paqartë se kush do ta zëvendësojë Tokion në rolin e narratorit të serialit. Pjesa e dytë e sezonit final do të publikohet më 3 dhjetor.

The post Sezoni i 5-të i “La Casa de Papel 5”: Cilët personazhe vdesin? (FOTO LAJM) appeared first on Albeu.com.

Ky është volumi i parë që përmban 5 seri dhe vëllimi 2 me 5 të tjera publikohet më 3 dhjetor 2021.

“Banda është mbyllur në Bankën e Spanjës për mbi 100 orë. Ata kanë arritur të shpëtojnë Lisbonën, por momenti më i errët është mbi ta pasi kanë humbur njërin prej tyre. Profesori është kapur nga Sierra dhe, për herë të parë, nuk ka një plan arratisjeje”, shkroi “Netflix”.

Shumë prej nesh, me siguri, po nxitojmë të “vëmë punët në vijë”, për të parë serialin. Ndërkohë, në një cep tjetër të botës, në Indi, një firmë e njohur “Verve Logic”, i ka lënë të gjithë punojësit pushim, duke e shpallur ditën si “Netflix dhe Chill Holiday”.

Rajasthan company gives off to employees to watch Money Heist, asks them to ‘Netflix and chill’ | Trending News,The Indian Express

CEO i kompanisë, Abhishek Jain në mesazhin e tij drejtuar punonjësve të tij në mediat sociale, tha se “është në rregull të bësh një pushim herë pas here”. Pronari e përfundoi e-mailin e tij duke thënë: “Bella Ciao, Bella Ciao.”.

The post “La Casa de Papel” publikoi sezonin e ri, kompania e njohur i lë punojësit pushim që të shohin serialin appeared first on Albeu.com.

Në fillim të po atij viti, Antena 3 kishte transmetuar sezonin e parë të këtij seriali, por gjithçka kaloi pa zhurmë.Transmetimi në Netflix bëri që seriali të shënonte një sukses global.

Ai tashmë fillon udhëtimin e tij të fundit ,nga 3 shtatori, ditë kur lançohet sezoni i pestë.

Alex Pina, krijuesi i serialit që ka shtangur botën në Netfliz ka vendosur që ta mbyllë historinë me një fund befasues. Të pktën kështu tregon ai vetë. Në një intervistë për LaNacion.com, Pina tregon se në sezonin e pestë do të prezantohen tre prurje të reja, Rafael (Patrick Criado), i biri i Berlinit; René (Miguel Ángel Silvestre), një dashuri e vjetër e Tokios ; dhe Sagasta (José Manuel Seda), komandant i Forcave Speciale të Ushtrisë Spanjolle.

Me bandën e izoluar në Bankën e Spanjës dhe Profesorin e kapur, në sezonin e pestë dhe të fundit të La casa de papel, armiku më i fuqishëm me të cilin grupi është përballur ndonjëherë shfaqet dhe është: Ushtria. Alex Pina është shumë i qartë për çmimin që mund të paguajë nëse devijon vetëm disa centimetra nga rruga e ndjekur në imagjinatën e atyre që mezi e presin vazhdimin e këtij dhe nuk është i gatshëm ta bëjë këtë. Ai premton: Shpërthim!

Intervista e plotë:

Pyetje: A jeni i shqetësuar nëse fansat mund të zhgënjehen, siç ndodh shpesh me fundet e serialeve shumë të njohura?

-E kam menduar shumë, sepse besoj se fundi i një seriali është një akt që është gjithmonë i dënuar me zhgënjim.

Pyetje: Pra kjo pritet?

-Po, sepse njerëzit janë shumë të lidhur emocionalisht me personazhet dhe gjithmonë do të kenë një pamje tepër kërkuese. Kjo është ndjenja që ata na kanë transmetuar. Ne me të vërtetë patëm një krizë të madhe kur arritëm në kapitullin e fundit.

Pyetje: Çfarë ndodhi?

-Ne kishim një fund të paracaktuar, dhe papritmas kuptuam se nuk funksiononte. Ishte momenti më kritik. Ne po xhironim me tre sezone dhe pikërisht në atë moment e kuptuam dhe thamë: “Kjo që kemi shkruar është marrëzi”….

Pyetje: Me kaq pak kohë, mundët ta modifikonit?

-Praktikisht gjithçka. Ne bëmë shumë, shumë versione dhe dy ose tre ditë pasi koha jonë kishte mbaruar, gjetëm një kthesë përfundimtare që i dha kuptim. Sepse do të gjeni shumë gjëra që i japin kuptim asaj që keni parë që nga fillimi i La casa de papel.

Pyetje: Duke thënë këtë, ju krijoni edhe më shumë ankth tek pritësit…

-Mund të jetë, por ne kemi qenë shumë të shqetësuar për cilësinë vizuale, ne donim të ofronim një shfaqje të jashtëzakonshme. Për më tepër, ajo që kishim ishte një marrëzi që do të gjeneronte një zhgënjim të madh. Në kokën tonë ne thamë “Publiku ynë do të na kryqëzojë, sepse kjo nuk është në përputhje me pritjet”. Dhe ai panik, na bëri të mendojmë se përfundimi ishte i keq.

Pyetje: Tingëllon shumë stresuese …

-Kisha drejtorin e prodhimit që më telefononte çdo ditë dhe më thoshte: “Ne nuk mund të presim më, më jep atë që ke”. Dhe unë iu përgjigja: “Nuk mund t’jua jap këtë sepse ata na dëbojnë nga planeti.”Është shumë e vështirë të përballesh me fundin e një serie, me një fenomen të madh, sepse pritshmëria është e madhe.

Pyetje: Por në të njëjtën kohë, dhe duke marrë parasysh nivelin e stresit, nuk është gjithashtu një lehtësim?

-Natyrisht që ka një lehtësim, sepse edhe shkrimi është një vuajtje më vete. Pastaj, kur të përfundojë procesi i të shkruarit të diçkaje, qoftë një seri, një dokumentar apo një libër, ka një lehtësim, i cili është pasojë e një procesi të madh pune dhe vuajtjesh të vazhdueshme. Dhe mos harroni atë emocionale. Kur po xhironim sekuencat e fundit të La casa de papel , me të vërtetë ndjeva zinë e lamtumirë sme ata personazhe. Shumë gjëra janë të përziera…

Pyetje: Dhe nëse flasim për emocionet, unë gjithashtu imagjinoj ndjenjën e trishtimit kur seriali u transmetua fillimisht në Antena 3 dhe ishte një dështim.

-Ajo që ndodhi me La casa de papel ishte një mrekulli; dhe në atë kohë, për ne një utopi. Në Netflix u lançua pa një fushatë reklamuese, me të cilën u bë pjesë e një katalogu prej 250 mijë seri që ata kanë në Shtetet e Bashkuara dhe 200 mijë në Evropë. Në asnjë moment nuk menduam se ajo që ndodhi, do të ndodhte. Kur në karnavalin e Rio de Janeiro filluan të visheshin me të kuqe me maskën e Dalit, ose në Arabinë Saudite një burrë tregoi tatuazhin e Tokios, ne thamë “kjo është çmenduri”.

Pyetje: Sa kishin të bënin mediat sociale me suksesin e La casa de papel ?

-Shiko, unë jam analog dhe jam i nderuar. Unë me të vërtetë jam shumë pak dixhital. Rrjetet krijojnë një vëllim të madh bisedash të të gjitha llojeve, dhe unë mendoj se kjo është e mrekullueshme. Kur bën një projekt krijues, të flasësh për të dhe të krijosh një debat të nxehtë më duket mirë. Sepse më parë ne ishim mësuar me gjërat që ndodhnin në një realitet të caktuar. Unë mendoj se zhurma është e mrekullueshme kur krijon një produkt imagjinar, qoftë film apo seri. Unë gjithmonë besoj se polemikat janë të nevojshme dhe të mirëpritura.

Pyetje: A është gjithashtu e dobishme kur debati tejkalon trillimin dhe lindin pyetje në lidhje me zgjedhjen e aktorëve, siç ishte rasti me Belén Cuesta, e cila luajti një grua transseksuale në sezonin e katërt?

-Mendoj se kur del një serial, gjithçka ndihmon. Casa de Papel ka krijuar polemika sepse ka mbrojtës që janë pothuajse fanatikë: ata janë të vëmendshëm ndaj asaj që ndodh me personazhet dhe zhvillojnë teori të të gjitha llojeve në lidhje me rrëfimin e ardhshëm. Por më ka ndodhur edhe mua me Sky Rojo , i cili ka një linjë editoriale të qartë për temën që trajton. Mund të ketë një formë që shumë njerëzve nuk u pëlqen, por është një vendim krejtësisht i qëllimshëm.

-Meqë përmendët Sky Rojo , një seri tjetër që mban emrin tuaj, po mendoni të bëni një vazhdim tjetër?

-Në parim ne e kemi lënë me një përfundim të hapur dhe kemi mundësi narrative për të vazhduar. Sky Rojo ka ende shumë për të dhënë, dhe mua më duket shumë stimulues sepse më ka lejuar të bëj diçka me shumë shpirt, por absolutisht të ekzagjeruar. Pjesa 2 ka një gjë tejet lozonjare që ne e kemi shijuar shumë, është shpërthyese dhe energjike. Praktikisht pjesa e dytë e Sky Rojo u shkrua në të njëjtën kohë me të pestën e La casa de papel dhe kjo ishte shumë mirë për mua. Hidhesha nga njëri në tjetrin.

Pyetje: Me atë që thoni, e kuptoj që për ju zhanret e thjeshta janë jashtë mode…

-Gjëja më interesante në këtë profesion është bërja e zhanreve të reja, përzierje shpërthyese. E ardhmja e serialeve është që të rizbulojmë veten si shkrimtarë. Po vjen një kohë pozitive dhe ne duhet të jemi atje dhe të shohim sesi e rizbulojmë veten.

Pyetje: A mund të vijë një sezon i ri i La casa de papel në të ardhmen?

-Thoni nëse do të ketë edhe një sezon tjetër? Shikoni, kjo është sikur të ndahesh nga gruaja. Të duket sikur je në zi, një periudhë që duhet të kalosh, një proces përshtatjeje emocionale. Tani për tani më duket e paimagjinueshme që ka diçka më shumë për të thënë në lidhje me një personazh, ose të kërkosh elemente për një tjetër sezon. Por unë ende nuk e di se çfarë t’ju them, sepse është gjithashtu e vërtetë që ne nuk e kishim as sezonin e tretë, dhe përfunduam duke bërë 3, 4 dhe 5 me dy grabitje. Unë mendoj se koka jonë nuk është gati të mendojë për një grabitje të tretë. Ndoshta brenda tre apo katër vitesh diçka mund të ndodhë. Por tani për tani nuk ka asgjë të menduar.

Pyetje: Për të thyer mitin për të cilin po flisnim, mendoni se La casa de papel 5 do të mbahet mend si më i miri nga të gjitha sezonet?

-Ajo që mund t’ju them është ky është sezoni më shpërthyes, ndoshta më i komplikuari për shikuesin, dhe gjithashtu për ne sepse kemi hyrë në një zhanër lufte që na ka bërë të regjistrojmë 32 ditë një episode. Është çmenduri kur ke parasysh se shumë nga filmat që po bëhen tani janë bërë në gjashtë javë. Ne kalojmë në nivel ekstrem. Shikuesi do të shkojë në një udhëtim me shumë ulje -ngritje emocionale, dhe shpresoj se ata do të mbeten të kënaqur./KultPlus.com

The post Sezoni i pestë nuk qenka i fundit? Krijuesi i ” La Casa de Papel” premton surpriza appeared first on Albeu.com.