Nga Qeveria thonë se miratimi i këtij ligji jep dritën jeshile për futjen e një mekanizmi shtesë kundër korrupsionit në legjislacionin e RMV-së, me qëllim arritjen e rezultateve më të mëdha në luftën kundër korrupsionit dhe krimit të organizuar, pra për t’u përballur më efektivisht me mosndëshkimin dhe blerjet e paligjshme të pasurisë.

“Ligji për konfiskimin e pasurisë në procedurë civile ka për qëllim mbrojtjen e interesit publik të Republikës së Maqedonisë së Veriut në mënyrë që të pengohet çdo përfitim nga pasuria, e cila në procedurën sipas këtij ligji do të konstatohet se nuk është fituar nga burimet ligjore. Ky ligj kufizon të drejtën e pronës në përputhje me Kushtetutën, ligjin dhe standardet ndërkombëtare dhe praktikën e GJEDNJ-së për këtë lloj konfiskimi”.

“Ky ligj nuk është zëvendësues i konfiskimit në procedurë penale, por është instrument dhe mekanizëm shtesë ndihmës. Është veçanërisht e rëndësishme që ligji parasheh mundësinë që prona e konfiskuar në procedurë civile të përdoret për realizimin e nevojave dhe qëllimeve shoqërore në shoqëri”, thonë nga Qeveria.

The post Maqedonia e Veriut miratoi Ligjin për konfiskimin e pasurisë në procedurë civile appeared first on Albeu.com.

Deputetët e VMRO-DPMNE-së sot do të marrin pjesë edhe në punën e Komisionit, por sipas kryetarit të partisë Hristijan Mickoski, kjo nuk do të thotë se ka ndryshim të qëndrimit të kësaj partie për ndryshimet kushtetuese.

“Do të jemi atje dhe kur pika të vihet në rendin e ditës, anëtarët e koalicionit të kryesuar nga OBRM-PDUKM do të votojnë kundër. Kështu do të jetë edhe në mbledhje”, deklaroi Hristijan Mickoski, kryetar i VMRO-së.
Sipas Mickoskit, nëse qeveria do të gjejë të paktën një deputet të opozitës që do të votonte për të, do të mund ta kishte ndërruar atë tashmë nga pozita e kryetarit në parti, por nuk arriti ta bënte këtë.

Nga LSDM akuzuan Mickoskin se është në anën e kundërt të interesave shtetërore dhe kombëtare./shenja

The post Kuvendi i Maqedonisë së Veriut diskuton ndryshimet kushtetuese appeared first on Albeu.com.

Hyrjet e përgjithshme në Buxhetin për vitin 2022 janë përcaktuar në vlerë prej 245.8 miliardë denarë, ndërsa shpenzimet e përgjithshme janë 288.5 miliardë denarë.

Deficiti buxhetor është planifikuar në nivel prej 42.7 miliardë denarë, respektivisht 5.3% të PBB-së, që është më i ulët se vitin e kaluar.

Me anë të rishikimit sigurohen mjete për rritjen e pensioneve, kategorive të ndjeshme të qytetarëve, rritjen e pagave në veprimtari të caktuara në sektorin publik, mjete për kompanitë për përkrahjen e rritjes së pagave në sektorin privat, mjete shtesë për bujqit për rritjen e rendimenteve dhe stabilizimin e çmimeve të ushqimeve, si dhe masa të reja antikrizë për mbrojtjen e standardit të qytetarëve dhe mbrojtjen e ekonomisë nga goditjet e krizës aktuale të çmimeve.

Ministri i Financave, Fatmir Besimi, duke arsyetuar rishikimin e buxhetit në Kuvend, theksoi se duhet të arrihen dy qëllime shumë të rëndësishme, të ruhet stabiliteti makroekonomik, i cili është thelbësor për rritjen dhe zhvillimin e mëtejshëm të çdo ekonomie, dhe së dyti, të përkrahim rikthimin e ekonomisë në nivelin para pandemisë, si dhe sigurinë sociale për qytetarët.

Te transfertat rrjedhëse bëhet korrigjim në rritje për rreth 19 miliardë denarë.

Këtu planifikohen mjete për masa antikrizë, si dhe masa të tjera për përkrahje të targetuar për tejkalimin e krizës.

Në kuadër të këtyre mjeteve financiare planifikohet përkrahje financiare shtesë në vlerë prej 4.7 miliardë denarëve për mbrojtjen e standardit të qytetarëve dhe likuiditetit të kompanive në kushte të zgjatjes së krizës në tregun botëror të energjencave dhe produkteve bazë.

Projektohen edhe subvencione dhe transferta shtesë për bujqit, përkatësisht 3.2 miliardë denarë shtesë për subvencionet e planifikuara fillimisht, me qëllim që të stimulohen rendimentet dhe produktiviteti për amortizimin e presioneve të çmimeve të produkteve ushqimore bazë.

Transferta më të larta planifikohen edhe për komunat, para së gjithash për shkak të rritjes së bllok granteve për rritjen e pagave në kopshtet e fëmijëve, si dhe në shkollat fillore dhe të mesme për 15%.

Me këtë rishikim, sigurohen mjete për rritjen e pensioneve, sipas metodologjisë së re të përllogaritjes, sipas lëvizjes së indeksit të kostove për jetesë me vlerë prej 50% dhe rritjes së pagës mesatare të paguar për të gjithë të punësuarit me vlerë prej 50%.

Gjithashtu, parashihen subvencione për kontributet që i referohen përkrahjes së punëdhënësve për rritjen e pagave në sektorin privat, duke përfshirë edhe efektin për subvencionimin e kontributeve për pagën minimale. Përkrahje financiare shtesë me vlerë prej 2.4 miliardë denarëve, parashihen për shfrytëzuesit e së drejtës së ndihmës minimale të garantuar.

Shpenzimet kapitale janë rishikuar në rënie krahasuar me planin fillestar, megjithatë, për këtë vit ato janë në nivel rekord, përkatësisht për 8.8 miliardë denarë ose 37.8% më të larta në krahasim me vitin e kaluar dhe për 16.1 miliardë denarë, ose dy herë më të larta në krahasim me vitin 2020.

The post Kuvendi i Maqedonisë miraton rishikimin e buxhetit, më shumë para për pensionet dhe masat anti-krizë appeared first on Albeu.com.

Komentet ai i bëri gjatë fjalës në Kuvend rreth propozimit francez ku drejtoi disa akuza ndaj deputetëve shqiptarë ndërsa ju referua edhe historisë.

Ai akuzoi gjithashtu ligjvënësit shqiptarë se ata merakosen më shumë për të ardhmen e Shqipërisë dhe integrimin e saj në BE sesa të Shkupit.

“E gjithë familja e Skënderbeut ka emra serb. A do të hiqni dorë nga Skënderbeu”, tha Kërmov duke iu drejtuar deputetëve shqiptar në Kuvend.

Kujtojmë se prej disa ditësh në Kuvendin e RMV ka tensione, për shkak të kundërshtimit të propozimit francez nga opozita atje.

The post Çmendet deputeti maqedonas: E gjithë familja e Skënderbeut ka emra serb appeared first on Albeu.com.

Njësoj si në ditët e kaluara, opozita sërish është kundërpërgjigjur me fishkëllima gjatë fjalimit të deputetëve të LSDM-së.

Kujtojmë se prej ditësh situata në RMV është jashtëzakonisht e ndezur, për shkak se opozita e quan “tradhëti kombëtare” një marrëveshje me Bullgarinë mbi bazën e propozimit francez./albeu.com/

The post Propozimi francez, opozita në RMV sërish me fishkëllima gjatë fjalimit të deputetëve të LSDM-së appeared first on Albeu.com.

“Maqedonia është gJithçka që kemi. Të jeni shëndosh e mirë. Të jetojË Maqedonia. Bëjmë thirrje të gjithë etniteteve t’i bashkohen protestave,”- thotë një prej tyre.

Kjo është dita e nëntë që po organizon protesta VMRO-DPMNE-ja. Protestuesit marshuan deri te Ministria e Drejtësisë dhe përfunduan para Kuvendit.

Përse po zhvillohen protestat në RMV?

Më 30 qershor, qeveria e Maqedonisë së Veriut pranoi një propozim të modifikuar nga presidenca franceze, pas së cilës filloi një proces konsultimi, fillimisht me qeverinë dhe partnerët e koalicionit, e më pas me presidentin, parlamentin, opozitën, si dhe me sektorin civil. Kryeministri i Maqedonisë së Veriut, Dimitar Kovaçevski, deklaroi se propozimi i modifikuar përfshin vërejtjet dhe qëndrimet e konstruktuara qartë të palës maqedonase, parasheh një pranim të qartë dhe pa mëdyshje të gjuhës maqedonase, si dhe atë që protokolli me Bullgarinë të mos jetë pjesë e kornizës negociuese.Presidenti francez, Emmanuel Macron, presidenca e të cilit hartoi propozimin, beson se me propozimin është gjetur një zgjidhje kompromisi për të dyja palët. Propozimi francez është një dokument që duhet të çojë në heqjen e vetos 2-vjeçare të Bullgarisë për integrimin e Maqedonisë së Veriut në BE./albeu.com

The post Protestuesit e RMV të vendosur, do kalojnë natën para kryeministrisë, shtrojnë tryezën me ushqime appeared first on Albeu.com.

“-Interpelanca vihet në rend dite në seancën e parë të radhës të Kuvendit, pas skadimit të 15 ditëve nga dita e shpërndarjes së përgjigjes deputetëve. Nëse përgjigjja nuk dërgohet brenda afatit të parashikuar me nenin 46 të kësaj Rregulloreje, interpelanca vihet në rend dite në seancën e parë të radhës të Kuvendit. (Neni 47) Në përputhje me nenin 49, paragrafi 1 i Rregullores, diskutimi për interpelancën zgjat një ditë pune, deri sa të përfundojë lista e deputetëve të paraqitur për fjalë, kurse vendoset më së voni deri në ora 24.00”- thanë nga Kuvendi.

Nga ana tjetër VMRO-DPMNE pret që interpelanca në afat sa më të shkurt të gjendet në seancë plenare. Bojan Stojanovski nga VMRO-DPMNE u bëri thirrje edhe njëherë deputetëve të shumicës parlamentare që të votojnë kundër Xhaferit.

The post Interpelanca kundër Xhaferit arrin në Kuvend, nuk dihet kur do të vendoset në seancë plenare appeared first on Albeu.com.

Duke iu përgjigjur pyetjeve të gazetarëve pas vizitës në Spitalin e Përgjithshëm në Prilep, Kovaçevski përsëriti se nuk është serioze bojkotimi i Kuvendit në kushtet e krizës më të madhe energjetike botërore dhe u bëri thirrje deputetëve të jenë përgjegjës.

“Në kushte të tilla, çdo parti politike duhet të jetë e përgjegjshme dhe të japë maksimumin për të miratuar ligje që lehtësojnë jetën e përditshme të qytetarëve. Nuk ka ligje që nuk ndikojnë në proceset shoqërore në kuptimin pozitiv dhe Kuvendi nuk mund të konsiderohet supermarket ku dikush do të vendos se cili ligj do të kalojë e cili nuk do të kalojë”, tha Kovaçevski.

Sa i përket faktit se opozita është ajo që bllokon ligje të dobishme për qytetarët, Kovaçevski ka përmendur shembullin e Komisionit për Bujqësi, Pylltari dhe Ekonomi të Ujit, i cili kryesohet nga një deputet i opozitës, dhe i cili ende nuk ka ligj për rendin e ditës, ndryshimi teknik në mënyrë që të mund të paguhen subvencione për kultivuesit e duhanit.

“Mjetet janë të parapara në buxhet. Çdo vit bëhet një ndryshim në ligj me të cilin prodhuesit e duhanit nuk duhet të shkojnë në PRO për të marrë një faturë për taksat e paguara. Është një ndryshim teknik që Kuvendi e miraton menjëherë. Në këtë moment ai ligj nuk është në rend dite të Komisionit për Bujqësi. Duke qenë se Komisioni drejtohet nga një deputet i opozitës, ai ligj nuk është hedhur në seancë. Dhe nga kjo shihet se opozita nuk ka ndërmend të mos bllokojë ligjet që nënkuptojnë jetë më të mirë për qytetarët”, tha Kovaçevski.

The post Kovaçevski: Kuvendi funksionon edhe me bojkotin e opozitës appeared first on Albeu.com.

Pas përfundimit të seancës më 12 maj, Talat Xhaferi ka sharë, ofenduar dhe kërcënuar punonjësit duke i ftuar të paraqiten në kabinetin e tij lidhur me angazhimin e tyre ndërsa kjo është transmetuar nga kanali i Kuvendit.

Nga kabineti i Kryetari të Kuvendit, Talat Xhaferit nuk kanë komentuar rastin që ka shkakuar reagime të shumta.

As kryeministri, Dimitar Kovaçevski nuk e komentuar inçizimin me arsyetimin se nuk e ka parë.

“Unë e kam parë atë video, por bëhet fjalë për një bisedë, në të cilën nuk shihet as kush po flet, e as me kë po flet dhe për këtë arsye nuk mund të komentoj nëse kryetari i Kuvendit po flet me dikë në sallë, me ndonjë punonjës, ose jo”, ka deklaruar Kovaçevski.

Por, VMRO DPMNE-ja opozitare aktin e ka quajtur “skandaloz dhe të turpshëm” ndërsa ka kërkuar shkarkimin e menjëhershëm të Xhaferit nga posti i kryetarit të Kuvendit.

“Nuk ka asnjë justifikim për një thjeshtësi të tillë dhe pyetja është nëse të gjithë partnerët e koalicionit në qeverinë kriminale e mbështesin dhe do ta linin pa dënuar këtë sjellje primitive të despotit nga Forina (fshati ku jeton Xhaferi)”, ka deklaruar zëdhënësi i VMRO DPMNE-së, Naum Stoilkovski.

Ndërkaq, Aleanca për Shqiptarët vlerësoi se sjellja e kryeparlamentarit, Talat Xhaferi, “reflekton sjelljen e ulët të BDI-së jo vetëm me funksionarët e saj por me të gjithë shqiptarët”.

Nga ASH-ja thonë se Talat Xhaferi ka manifestuar sjellje “diktatoriale”.

“Ka kohë që jo vetëm Xhaferi, por edhe funksionarë të tjerë të BDI-së, në të njëjtën mënyrë i trajtojnë nëpunësit dhe qytetarët, e shpeshherë tentojnë t’i trajtojnë njësoj edhe deputetët. Kjo është sjellje tipike e një regjimi, një diktature, e cila funksionon vetëm me frikë dhe kërcënime”, thuhet në reagimin e Aleancës për Shqiptarët.

Kuvendi i Maqedonisë së Veriut që nga 11 maji është bllokuar nga VMRO DPMNE-ja e cila po përdor të gjitha format për të pamundësuar mbajtjen e seancave.

Një veprim të tillë, opozita maqedonase e ndërmori pas refuzimit të kryeministrit, Dimitar Kovaçevski ndaj kërkesës së VMRO DPMNE-së për takim liderësh për të caktuar datën për zgjedhje të parakohshme parlamentare./albeu.con

The post Fyen rëndë punonjësit e Kuvendit, kërkohet dorëheqja e Talat Xhaferit appeared first on Albeu.com.

Gjatë gjithë ditës debati është zhvilluar për atë se propozimet nuk premtojnë asnjë ndryshim dhe se vendi do të vazhdojë të jetë në gjendje të mjerueshme, sipas opozitës.

Pushteti nga ana tjetër numëronte sukseset dhe premtonte se me zëvendësministrat e propozuar do të krijohet shteti i së drejtës, do të rriten pagat dhe pensionet, do të transformohet shteti energjetikisht dhe do të zhvillohet ekonomia.

Për zëvendësministra janë zgjedhur:

Bashkim Hasani, zv/ministër i Mbrojtjes

Nazim Bushi, zv/ministër i Punëve të Brendshme

Agim Nuhiu, zv/ministër i Drejtësisë

Xhabir Doko, zv/ministër për Sistem Politik dhe Marrëdhënie mes Komuniteteve

Fatmire Isaku, zv/ministre e Punëve të Jashtme

Filip Nikolloski, zv/ministër i Financave

Zoran Manevski, zv/ministër i Ekonomisë

Abdulshyqyr Abedini, zv/ministër i Bujqësisë, Pylltarisë dhe menaxhimit me ujërat

Vlladimir Rendevsk, zv/ministër i Shëndetësisë

Lulzim Aliu, zv/ministër i Arsimit dhe Shkencës

Enver Husijni, zv/ministër i punës dhe politikës sociale

Zoran Dimitrovski, zv/ministër i Vetëqeverisjes Lokale

Daim Luçi, zv/ministër i Kulturës

Aleksandar Bajdevski, zv/ministër i Shoqërisë Informatike dhe Administratë

Bekim Rexhepi, zv/ministër i Transportit dhe Lidhjeve

Hristina Oxhaklieska, zv/ministër për Mjedis Jetësor dhe Planifikim Hapësinor./TV21

The post EMRAT/ Kuvendi i Maqedonisë së Veriut zgjedh zëvendësministrat e rinj appeared first on Albeu.com.