Ludo Lee është bërë pjesë e Big Brother VIP Kosova 4 në spektaklin e së hënës.
Ai me origjinë është nga Kosova, por jeton dhe vepron në Zvicër, derisa ka një karrierë të gjatë.
Ndonëse për shumëkë mund të jetë i panjohur, i njëjti ka një lidhje të ngushtë me botën e Hollywoodit.
Por, kush është në të vërtetë Ludo Lee?
Ludo Lee është një nga emrat më të njohur dhe më të kërkuar në botën e parukerisë profesionale, veçanërisht në rrethet e showbizit dhe modës.
Ai njihet si parukieri që qëndron pas pamjeve ikonike të shumë yjeve të famshëm, duke ndërtuar me vite një reputacion të fortë për stil unik, precizitet dhe kreativitet.
Emrat me të cilat ka bashkëpunuar janë: Kim Kardashian, Kanye West, Eva Longoria, Jessica Alba, Kendall Jenner, Megan Fox, Kylie Jenner, Leonardo DiCaprio e shumë të tjerë.
Për Ludo Leen, flokët nuk janë thjesht stil, por një formë arti që plotëson personalitetin dhe imazhin e secilit klient.
Sot, konsiderohet një nga figurat më me influencë në fushën e stilimit, një emër që qëndron shpesh pas suksesit vizual të yjeve, edhe pse vetë zgjedh të qëndrojë larg vëmendjes së drejtpërdrejtë mediatike.
