Shefi i Diplomacisë Evropiane, Josep Borrell, sot rreth orës 08:00 nisi takimin në Bruksel me kryeministrin e Kosovës, Albin Kurti.
Pas Kurtit, ai ka nisur takimin me presidentin e Serbisë, Aleksandar Vuçiç.
Takimet e veçanta pasohen nga një takim i përbashkët trepalësh ndërmjet Bashkimit Evropian (BE), Serbisë dhe Kosovës, në kuadër të dialogut për normalizimin e marrëdhënieve.
Krahas Borrellit, palën evropiane në takim do ta përfaqësojë edhe përfaqësuesi special i BE-së për dialog, Miroslav Lajçak.
