Një studim i ri që ka dalë në dritë ditët e fundit i jep një kuptim të ri gjumit të bukurisë. Sipas studimit, mungesa e gjumit mund të çojë në plakje të dukshme të trurit.
Në botimin e tyre në Journal of Neuroscience, shkencëtarët vunë re se një natë me gjumë të shqetësuar shkakton ndryshime të rëndësishme në strukturën e trurit, duke e bërë atë të duket 1 deri në 2 vjet më të vjetër.
Studiuesit në Gjermani studiuan 134 vullnetarë të shëndetshëm, të moshës 19 deri në 39 vjeç, duke analizuar të dhënat e tyre MRI pas gjendjeve të ndryshme të gjumit nga pesë kategori të gjendjeve të gjumit.
Kushtet që shkencëtarët vlerësuan ishin privimi total i gjumit (më shumë se 24 orë zgjim të zgjatur), privimi i pjesshëm i gjumit (tre orë në shtrat për një natë) dhe privimi kronik i gjumit (pesë orë në shtrat çdo natë për pesë netë). Studimi përfshiu gjithashtu një grup kontrolli që flinte tetë orë në natë. Secili grup kishte të paktën një natë ku ata kaluan tetë orë në shtrat.
Të gjithë pjesëmarrësit kishin një skanim MRI pas çdo gjumë për të krahasuar se si dukej truri i tyre para dhe pas privimit të gjumit, si dhe pas tetë orësh gjumë.
Krahasuar me gjumin fillestar, shkencëtarët vunë re se privimi total i gjumit rriti moshën e trurit me 1 deri në 2 vjet. /albeu.com
