Në një mesazh, Kryepeshkop Joani, thotë se duhet të mbushim zemrat me përulësi dhe dritën e Krishtit.

Ai shprehet se kjo festë nuk ka të bëjë vetëm me “lindjen e një mësuesi, profeti apo ligjvënësi”, por vjen si rreze shprese, ngushëllimi e paqeje për këdo.

Sipas tij, sot më shumë se kurrë bota ka nevojë për dritën e Krishtit.

“Është detyra e çdo të krishteri ta përhapë dhe ta bashkëndajë këtë dritë me të gjithë botën, sepse vetëm duke e ndarë atë me të tjerët, drita mund të ruhet dhe të rritet, përndryshe ajo do të zbehet dhe përfundimisht do të zhduket. Tani, më shumë se kurrë, bota ka nevojë për dritën e Krishtit. Është e nevojshme, sepse një jetë pa praninë e Zotit bëhet e mjerueshme, kthehet në një jetë pa dashuri, pa gëzim, pa dritë: një jetë në errësirë”.

Mesazhi i plotë:

Fjala u bë mish dhe banoi ndër ne (Jn.1:14)

Klerit dhe popullit shpresëtar,

Bij të shtrenjtë në Zotin,

Këto fjalë e përmbledhin dhe e shprehin kuptimin festës së Krishtlindjes në mënyrën më të thellë dhe më të përsosur. Nëse do të përqendrohemi për të kuptuar rëndësinë e këtij misteri të madh, në të cilin Biri dhe Fjala e Atit u mishërua dhe u bë njeri, atëherë do të mund të marrim pjesë në festimin dhe gëzimin shpirtëror dhe do të ndiejmë brenda nesh fuqinë transformuese të përjetimit të kësaj ngjarjeje.

Mishërimi nuk është thjesht një mrekulli apo një mister i denjë për t’u admiruar; është dhurata më e madhe që mund t’i jepej njerëzimit. Biri dhe Fjala e Perëndisë mishërohet dhe ulet pranë vuajtjes njerëzore, prek shtrembërimin e natyrës sonë për ta drejtuar, duke na zbuluar thellësinë e dhembshurisë dhe të përulësisë së thellë, që lind nga dashuria e Tij e pafund për të gjithë botën. Shën Athanasi i Madh e shpreh këtë të vërtetë tronditëse në mënyrë lakonike: Biri i Perëndisë u bë njeri, që ne të bëhemi perëndi.

Ndërsa vazhdojmë të përgatitemi për festimin e Krishtlindjes, na ndihmon të kujtojmë se kjo festë e madhe nuk ka të bëjë me lindjen e një mësuesi, profeti apo ligjvënësi. Perëndia i përjetshëm ndërhyn në histori dhe bëhet njeri, pa pushuar së qenuri Perëndi i plotë, për të na sjellë në shenjtërinë e Tij, për të na bërë pjesëmarrës të natyrës hyjnore (2 Petr. 1:4), për të shëruar, ringritur dhe përmbushur njerishmërinë tonë të rënë dhe të deformuar. Nëpërmjet pranisë së energjisë së Tij hyjnore, Krishti, Perëndinjeriu, aktivizon, fuqizon dhe gjallëron natyrën tonë njerëzore dhe na bashkon me Perëndinë, gjë që asnjë mësues, profet apo ligjvënës nuk mund ta bënte dot kurrë.

Krishtlindja na fton të marrim pjesë në thirrjen e engjëjve, për ta lavdëruar edhe ne bashkë me ta: Lavdi Perëndisë në më të lartat, dhe mbi dhenë paqe dhe në njerëzit mirëdashje (Llk. 2:14). Por, lajmërimi i Lindjes së Krishtit, nuk u bë në të njëjtën mënyrë për të gjithë: te barinjtë e përulur erdhi një engjëll, sepse zemra e tyre ishte e përulur dhe e hapur. Dijetarëve të Lindjes, që kishin etje për kërkim, iu dha një yll dhe përsëri një engjëll për t’i udhëhequr. Kurse sundimtarëve krenarë dhe dinakë, lajmi nuk u solli gëzim, por frikë, errësirë dhe refuzim, dhe deshën të vrasin foshnjën e porsalindur. Ngjarja u ofrohet të gjithëve, por jep fryt vetëm tek ata që kanë dëshirë, përulësi dhe qëllim të mirë. Erdhi tek të vetët dhe të vetët nuk e pranuan; por të gjithëve atyre që e pranuan… u dha pushtet të bëhen bij të Perëndisë – shkruan Shën Joani (Jn. 1:11-12).

Për çdo njeri që kërkon paqen e brendshme, të vërtetën dhe plotësinë, festa e gëzuar dhe plot dritë e Krishtlindjes vjen si rreze shprese, ngushëllimi dhe paqeje. Në një predikim të tij, Shën Joan Gojarti thotë: Atëherë, çfarë mund të jetë e barabartë me këto lajme të mira? Zoti në tokë, njeriu në Qiell; dhe të gjithë u bashkuan… dhe u bë pajtim midis Zotit dhe natyrës sonë… vdekja u shkatërrua, parajsa u hap, mallkimi u fshi, mëkati u hoq nga rruga, gabimi u dëbua, e vërteta u kthye, fjala e perëndishmërisë u mboll kudo dhe lulëzoi në rritjen e saj, shoqëria e Qiellit u transferua në tokë, ose më saktë, gjërat në tokë u lidhën me ato në Qiell (Predikim për Krishtlindjen).

Të dashur vëllezër dhe motra! Duhet ta shpallim me gëzim këtë lajm të mirë dhe të dëshmojmë me zell dhe pa u lodhur se tashmë Perëndia banon ndër ne. Një dëshmitar i vërtetë shpëton jetë – thotë Solomoni i ditur (Fj. Urt. 16:6). Është detyra e çdo të krishteri ta përhapë dhe ta bashkëndajë këtë dritë me të gjithë botën, sepse vetëm duke e ndarë atë me të tjerët, drita mund të ruhet dhe të rritet, përndryshe ajo do të zbehet dhe përfundimisht do të zhduket. Tani, më shumë se kurrë, bota ka nevojë për dritën e Krishtit.

Është e nevojshme, sepse një jetë pa praninë e Zotit bëhet e mjerueshme, kthehet në një jetë pa dashuri, pa gëzim, pa dritë: një jetë në errësirë. Vetëm prania e Tij mund të ndriçojë zemrat dhe shpirtrat tanë dhe mund t’i japë jetës sonë dritë e gëzim. Ai është drita në errësirën tonë dhe mësimi i Tij, thotë psalmisti, është një llambë për udhëtimin tonë në këtë jetë.

Për të festuar shpirtërisht Lindjen Krishtit, le të kujdesemi gjatë këtyre ditëve festive të përjetojmë më thellë shenjtërinë dhe madhështinë e kësaj dhurate hyjnore. Këtë mund ta realizojmë duke e pastruar zemrën tonë nga çdo ligësi dhe duke e mbushur atë me dashuri dhe përulësi ndaj të gjithë njerëzve, sidomos ndaj atyre që janë në nevojë – në varfëri, në sëmundje, në dëshpërim dhe në vetmi. Zoti e identifikon Veten e Tij me njerëzit në nevojë, duke na thënë: Sepse pata uri e më dhatë të ha; pata etje, e më dhatë të pi; i huaj isha, e më morët brenda; i zhveshur, e më veshët; u sëmura, edhe erdhët të më shihni; isha në burg, edhe erdhët tek unë…. Me të vërtetë po ju them juve, gjithë sa i bëtë njërit prej këtyre vëllezërve të mi më të vegjël, ma keni bërë mua (Mt. 25:35-40). Vetëm duke bërë këto, Krishtlindja do të ketë kuptim të vërtetë dhe gjithçka te ne do të ndriçohet nga Fjala e bërë mish.

Joani

Kryepiskop i Tiranës, Durrësit

dhe i Gjithë Shqipërisë

The post Kryepeshkop Joani uron besimtarët për Krishtlindje: Festa vjen si rreze shprese, ngushëllimi e paqeje, sot më shumë se kurrë kemi nevojë për dritën e Krishtit appeared first on Albeu.com.

Kreu i shtetit, ka bërë thirrje për reflektim mbi vlerat më të larta të njerëzimit, si dashuria, solidariteti, mirëkuptimi dhe falja.

“Për të gjitha familjet shqiptare brenda dhe jashtë vendit uroj Krishtlindje të gëzuara, shëndet, paqe dhe lumturi”, shkruan Begaj.

Mesazhi i Begajt:

“Në këtë ditë të shenjtë të Kruishtlindjes dëshiroj të përcjell përshëndetjet dhe urimet më të përzemërta për ju dhe familjet tuaja.

Krishtlindja kjo festë e ndritur që simbolizon lindjen e shpresës dhe paqe, na fton të ndalemi për një çast e të reflektojmë mbi vlerat më të larta të njerëzimit: dashuria, solidariteti, mirëkuptimin dhe faljen.

Për të gjitha familjet shqiptare brenda dhe jashtë vendit uroj Krishtlindje të gëzuara, shëndet, paqe dhe lumturi”, thuhet në mesazhin e presidentit.

The post Presidenti Begaj uron besimtarët e krishterë: Të reflektojmë mbi vlerat më të larta të njerëzimit appeared first on Albeu.com.

Rama gjithashtu, tregoi pamje të një vepre arti të saporestauruar.

“MIRËMËNGJES dhe me këtë ikonë të saporestauruar, që na vjen si dëshmi arti dhe besimi që prej shek. XVII, ju uroj të gjithë besimtarëve të krishterë, Gëzuar Krishtlindjen”, shkruan Rama.

The post Rama uron besimtarët e krishterë, prezanton një ikonë arti të saporestauruar: Gëzuar Krishtlindjen appeared first on Albeu.com.

Por edhe fëmijët mezi po i presin. Atyre u është kërkuar, që të sillen mirë apo të realizojnë diçka, që nuk e kishin realizuar më parë dhe për ta nxitur i është premtuar një dhuratë, që fëmija e dëshironte fort.
Po afrohet dita, kur do të shohin se u është realizuar dëshira apo jo?

Pra, ja kanë dalë të jenë aq të zot, sa ta meritojnë tu plotësohet dëshira.

Dhurata e të rriturit duhet të jetë diçka e menduar, e përzgjedhur, me një qëllim të caktuar dhe natyrisht i duhet dhënë rëndësi edhe momentit të dhurimit.

Ky veprim i thjeshtë për fëmijën ka efekt të jashtëzakonshëm.

E gjithë psiha e tij është e përfshirë nga ngazëllimi, që i rrituri, arritjet e tij, i sheh po aq të rëndësishme sa dhe fëmija vetë, madje i dhuron dhe dhuratë për këtë arritje.

Pra të dy janë bashkëudhëtarë në këtë proces dhe ai, fëmija, nuk është vetëm dhe kjo është shumë e rëndësishme.

The post Pse dhuratat e fundvitit janë kaq të rëndësishme për fëmijët; çfarë duhet të dhuroni appeared first on Albeu.com.

Ndërsa shumica e lojtarëve në Angli po stërviteshin më 25 dhjetor, shumë kanë shfrytëzuar mundësinë për të ndarë foto me familjet e tyre, duke përqafuar frymën e Krishtlindjes pasi ligat e tyre përkatëse vendase janë në pushim.

Cristiano Ronaldo ishte gjithashtu në fushën stërvitore me Al-Nassr pasi do të jetë në aksion në Boxing Day kundër Al-Ittihad. Megjithatë, Kylian Mbappe u pa duke shijuar në dëborë me vëllain e tij Ethan Mbappe, ndërsa Erling Haaland, pasi fitoi Kupën e Botës për Klube FIFA, postoi një imazh të AI si Santa Claus dhe ndau foton e tij në Instagram. /AlbEu.com/

?♥️ pic.twitter.com/YJvTFWTghT

— 433 (@433) December 26, 2023

The post Si i festuan Krishtlindjet Haaland, Ronaldo, Neymar dhe më shumë appeared first on Albeu.com.

Në vitet e mëparshme, egjiptiani u përball me kritika për festimin e festës më të madhe të krishterëve, dhe tani ai vendosi të postojë një foto bardh e zi të një peme të dekoruar të Krishtlindjeve.

Bashkë me foton ai ka shkruar një mesazh paqeje duke thënë se ai është me familjet e viktimave nga bombardimet në Gaza nga forcat ushtarake izraelite.

“Krishtlindja është koha e vitit kur familjet mblidhen për të festuar këtë festë. Me luftën brutale që po vazhdon në Lindjen e Mesme, veçanërisht me vdekjet dhe shkatërrimin në Gaza, këtë vit Krishtlindjet vijnë në një kohë të vështirë ku ne ndajmë dhimbjen e atyre familjet që janë të pikëlluar për humbjen e njerëzve të tyre të dashur. Ju lutemi mos i harroni dhe mos u mësoni me vuajtjet e tyre. Gëzuar Krishtlindjet”, ka shkruar Salah në Instagram.

Shtojmë se egjiptiani ka shënuar 16 gola me tetë asistime në 25 ndeshjet e luajtura këtë sezon për Liverpoolin, i cili aktualisht është i dyti në tabelë. /Telegrafi/

View this post on Instagram

A post shared by Mohamed Salah (@mosalah)

The post Është mysliman, por feston Krishtlindjet – Salah me mesazh edhe për bombardimet në Gaza appeared first on Albeu.com.

Festimet në Shkodër
Në katedralen “Shën Shtjefni” u kremtua mesha e shenjtë nga arqipeshkëvi i Shkodrës Angelo Massafra, njëkohësisht President i Konferencës Ipeshkvnore të Shqipërisë. Në mesazhin e tij arqipeshkëvi Massafra bëri thirrje për falje mes njerëzve, më shumë dashuri e solidaritet ndaj njëri-tjetrit. Po ashtu ai bëri edhe një thirrje për paqe kudo në botë, edhe në vendet ku lufta vijon ende.

Festimet në Durrës
Padyshim që festimet nuk mund të mungonin në qytetin e Durrësit. Mesha në vigjilje të Krishtlindjes u mbajt në Kishën Katolike Shën Dominiku në zonën e ish-Kënetës.

Festimet në Korçë
Në katedralen Ringjallja e Krishtit në Korçë besimtarët kanë pritur lindjen e Krishtit në meshën e udhëhequr nga mitropoliti i hirësi Johani.
Nga vetë qytetarët dhe turistët kanë ardhur urimet për më shumë paqe dhe dashuri.

Festimet në Fier
Në kishën Shen Gjergji të qytetit të Fierit, është mbajtur mesha e ngjalljes seë Krishtit dhe janë kryer shërbesat nga Metropoliti i Apolonisë dhe Fierit, Imzot Nikolla. Në mesazhin e tij drejtuar besimtareve të pranishëm, Imzot Nikolla tha se mesha e shenjte është përkujtimi i mundimit, vdekjes dhe ngjalljes së Krishtit, i cili mposhti gjithçka që cenoi dinjitetin njerëzor, ndërkohë që besimtarët kanë dhënë mesazhe paqeje për të gjithë.

Festimet në Fushë-Arrëz
Edhe në Fushe Arrëz vigjilja e Krishtlindjes u prit në kishën Shën Jozefi të zonës, teksa besimtarët pritën lindjen e Krishtit me lutje për një botë më të mirë e pa luftëra. Prijësit fetar i ftuan besimtarët që në këtë vigjilje të shtrinin dorën e paqes dhe bashkimit teksa shtuan se bota më shumë se kurrë ka nevojë për të ndjekur shembullin e Krishtit.

The post Besimtarët në mbarë vendin kremtojnë Krishtlindjet appeared first on Albeu.com.

Përmes një fotoje, Rama shkruan; “MIRËMËNGJES KRISHTLINDJESH”.

Kujtojmë se kjo festë është më e rëndësishme në kalendarin e festave për besimtarët katolikë.

Krishtlindjet festohet në Shqipëri dhe mbarë botën.

The post Kryeministri Rama uron besimtarët katolikë për festën e Krishtlindjeve appeared first on Albeu.com.

Ajo nisi në orën 23:00 dhe vijoi deri në mesnatë , ndërsa besimtarët dëgjuan dhe shprehën lutjet e tyre.

Ishte kreu i kryedioqezës Mitropolitane Tiranë-Durrës, Arjan Dodaj, ai që drejtoi meshën për besimtarët katolikë.
Ndërkohë, në Shkodër, mesha e shenjte u mbaj nga Arqipeshkvi i dioqezës Shkodër-Pult, Monsinjor Angelo Massafra.

Po ashtu, mësohet se në Durrës mesha në vigjilje të Krishtlindjes, u mbajt në Kishën Katolike Shën Dominiku në zonën e ish-Kënetës, ndërsa u zhvillua edhe në qytetet e tjera.

Për këtë festë të veçantë në kalendar, në Tiranë u organizua një koncert në sheshin ‘Skënderbej’.

Ndërkohë, sot me rëndësi është dreka e Krishtlindjeve, ku nuk mungojnë dhuratat, ushqimet e shumëllojshme.

The post Besimtarët e krishterë festojnë në Katedralen e Shën Palit në Tiranë appeared first on Albeu.com.

Është vazhdimi i një ndryshimi të rëndësishëm kulturor në vendin që po bën të gjitha përpjekjet për të eliminuar ndikimin e Moskës në Ukrainë.

Vendi ka miratuar edhe kalendarin që përdoret në Europë, atë Gregorian.

Ndonëse Ukraina vazhdon të vuajë agresionin rus, Krishtlindjet janë një festë e rëndësishme, edhe pse lufta ka dëmtuar rëndë ekonominë e vendit, raporton BBC.

Ukraina dhe Rusia, kanë shumë lidhje dhe ngjashmëri në kulturë dhe tradita.

Megjithatë, identiteti i të parës po forcohet vetëm nga agresioni i të dytës.

Pak vende e dinë këtë agresion më mirë se qyteti i Buçës, disa milje nga fabrika e dekorimit, aty ku trupat pushtuese vitin e kaluar u akuzuan për eliminimin e më shumë se 500 civilëve në një nga mizoritë më të këqija të luftës deri më tani.

Disa nga emrat e tyre shfaqen në një memorial argjendi pranë Kishës së Shën Andreas.

Barishtet kanë filluar të dalin e lulet të çelin pikërisht në vendin, ku u gjet një varr masiv gjatë pushtimit rus.

The post Për herë të parë, Ukraina feston Krishtlindjet më 25 Dhjetor appeared first on Albeu.com.