Konferenca për shtyp, e ndjekur nga mediat e vendosura në Shtetet Anëtare të EUSAIR-it, theksoi rezultatet më të rëndësishme të Forumit të 7-të të EUSAIR-it të mbajtur së fundmi në Tiranë, i kurorëzuar nga “Deklarata e Tiranës” e pranuar gjerësisht. Sipas magjistratit Iztok Škerlič, drejtor i JZP Izola – Bashkia e Izolës, e cila vepron si një Facility Point (pikë lehtësuese) për zbatimin e objektivave të cilësisë së mjedisit në kuadër të strategjisë EUSAIR (bashkëfinancuar nga programi Interreg Adrion dhe Komisioni Evropian), përfaqësuesit e qeverive të rajonit EUSAIR kanë dakordësuar mbi të gjitha temat kryesore në kuadër të Deklaratës.
Temat janë si forcimi i bashkëpunimit rajonal dhe paqes ndërkombëtare, fuqizimi i të rinjve në vendimmarrje, njohja e ndryshimeve klimatike dhe degradimi i mjedisit si kërcënim ekzistencial për Evropën dhe Botën, zbatimin e mëtejshëm të projekteve kryesore dhe njohjen e atyre ekzistuese, siç është projekti Namirs. – projekti i parë i EUSAIR që arriti të mbledhë fonde në thirrjen ndërkombëtare, me mbështetjen e Shtyllës EUSAIR TSG3.
Gjithashtu, Dr. Mitja Bricelj nga Ministria e Mjedisit dhe Planifikimit Hapësinor të Republikës së Sllovenisë – Drejtoria për Ujin dhe Investime (koordinator i grupit tematik drejtues për cilësinë e mjedisit në kuadër të strategjisë EUSAIR) prezantoi sfidat kryesore të lidhura me mjedisin dhe zgjidhje për BE-në, si zonat e mbrojtura detare (rajoni Adriatik dhe Jon ka përqindjen më të ulët të deteve të mbrojtura nga të gjitha detet rajonale në Mesdhe) dhe korridoret jeshile/blu në korrelacion me humbjen e biodiversitetit dhe degradimin e mjedisit. Në këtë drejtim, Dr. Bricelj theksoi njohjen e Rritjes Blu, Agjendës së Gjelbër për Ballkanin Perëndimor dhe Marrëveshjes së Gjelbër Evropiane si instrumente novatore drejt ekonomive moderne, neutrale ndaj klimës, burimeve efikase dhe konkurruese, si dhe ndaj sigurisë energjetike të Evropës. Për më tepër, ai theksoi rëndësinë e sesionit të shtyllës së cilësisë së mjedisit EUSAIR në kuadër të Forumit, ku lektorë të shquar nga Sllovenia (Dr. Andrej Sovinc, Dr. Mitja Grbec), Greqia (Dr. Vassiliki Vassilopoulou dhe Stavros Antoniadis), Kroacia (magjistrati Davor Percan) dhe Mali i Zi (Dr. Mirko Gjurović) bënë analiza të thella dhe paraqitën rezultate konkrete të projekteve kryesore në fushën e cilësisë së mjedisit. Ata janë vlerësuar nga Komisioni Evropian për arritjet e tyre të synimeve të EUSAIR dhe bashkëpunimit ndërkufitar.
Në pjesën e fundit të konferencës për shtyp, Dr. Senad Oprašić, Shef i Departamentit për Mbrojtjen e Mjedisit në Ministrinë e Tregtisë së Jashtme dhe Marrëdhënieve Ekonomike të Bosnjës dhe Hercegovinës (gjithashtu koordinator i grupit tematik drejtues për cilësinë e mjedisit në kuadër të strategjisë EUSAIR) , theksoi prioritetet e Bosnjë dhe Hercegovinës në marrjen e presidencës së EUSAIR për periudhën 2022-2023. Ato i referohen menaxhimit të mjedisit dhe të mbetjeve zero, adoptimit të ndryshimeve klimatike, përfshirjes së të rinjve, turizmit të qëndrueshëm, etj., dhe aktiviteteve/ngjarjeve horizontale dhe individuale në të ardhmen.
Mbi strategjinë e EUSAIR
EUSAIR është një strategji e BE-së për rajonin Adriatik dhe Jon, i cili adreson sfidat e përbashkëta të rajonit dhe forcon angazhimin e palëve të interesuara për kohezionin ekonomik, social dhe territorial. Strategjia u miratua nga Komisioni Evropian në vitin 2014, duke e bërë atë strategjinë e tretë makro-rajonale në BE që përfshin nëntë vende: Greqi, Kroaci, Itali, Slloveni, Shqipëri, Bosnje dhe Hercegovinë, Mal i Zi, Serbi dhe nga viti 2020 edhe Maqedoninë e Veriut. Ai bazohet në katër shtylla tematike: rritja blu, lidhja e rajonit, cilësia e mjedisit dhe turizmi i qëndrueshëm. Sllovenia, së bashku me Bosnjën dhe Hercegovinën, koordinojnë shtyllën e Cilësisë së Mjedisit, ndërsa Bashkia e Izolës si partner slloven i projektit EUSAIR Facility Point kryen detyrat e sekretariatit për këtë shtyllë. Objektivat janë përmirësimi i cilësisë së jetës në brigjet e detit të përbashkët, ruajtja e biodiversitetit dhe administrimi më i mirë i pellgjeve lumore nëpërmjet rregullimeve konkrete dhe zbatimi i regjimeve të bazuara në respektimin e shërbimeve të ekosistemit në tokë, në bregdet dhe në det në rajonin Adriatik dhe Jon. Më shumë informacion mund të gjeni në adresën: https://www.adriatic-ionian.eu/about-eusair/pillars/green-pillar/.
