Kryeministri i Maqedonisë së Veriut në mënyrë drastike ka zvogëluar numrin e këshilltarëve, për dallim nga paraardhësit e tij që i kishin me dhjetëra.
Por Kovaçevski ka vendosur që të ketë vetëm15 këshilltarë të jashtëm, dhe se emrat e tyre janë bërë publik përmes një liste që e ka publikuar Fokus.
Nga 15 këshilltarët, kryeministri aktual është përkujdesur që të ketë edhe dy këshilltarë shqiptarë: Ismet Ramadani, veteran i politikës, i cili do ta këshilloj për proceset euroatlantike si dhe Edmond Ademi, zyrtar i LSDM, ish-ministër pa portofol, i cili do të jetë për politikën e jashtme.
Në listën e këshilltarëve janë disa emra edhe nga kabineti i këshilltarëve të ish-kryeministrit Zoran Zaev.
Zoran Verushevski për siguri kombëtare, Nina Fiti dhe Predrag Trpevski për ekonomi, Dragan Vasilevski për mbrojtje, Vanço Çaushevski për Procesin e Berlinit, Anton Çaushevski për energjetikë.
Në listën e këshilltarëve janë edhe emrat: Maja Angelovska, Simona Ristevska, Elena Orana Ristevska, Gligor Bishev, Ana Daneva Markova, Spase Dodevski dhe një keshilltar gjerman.(INA)
