Sipas policisë 46-vjeçari Artan Gjyla, është arrestuar ng unformat blu në Lushnje, i cili ishte shpallur në kërkim nga policia e Shkodrës, pasi në bashkëpunim me dy persona të tjerë bënin trafik klandestinësh drejt Malit të Zi.

Njoftimi i Policisë:

Lokalizohet dhe kapet në Lushnjë, një shtetas i shpallur në kërkim, në kuadër të operacionit “Rrjeta” të zhvilluar ditën e djeshme, në Shkodër. 48-vjeçari organizator i një rasti të dhënies ndihmë për kalim të paligjshëm të kufirit me qëllim përfitimin. Gjatë operacionit “Rrjeta”, i ndaluari dhe 2 shtetas të tjerë transportonin me 3 automjete, 16 emigrantë, me qëllim kalimin e paligjshëm të kufirit.

Specialistët për Hetimin e Krimeve të Komisariatit të Policisë Lushnjë, si rezultat i punës së mirëkoordinuar me Policinë e Shkodrës, të mbështetura dhe nga inteligjenca informative, lokalizuan, kapën dhe vunë në pranga shtetasin e shpallur në kërkim, A. Gj., 48 vjeç, banues në Lushnjë.

48-vjeçari ishte i kërkuar në kuadër të operacionit “Rrjeta”, të zhvilluar ditën e djeshme, nga DVP Shkodër, për veprat penale “Kundërshtimi i punonjësit të Policisë së rendit publik” dhe “Ndihma për kalim të paligjshëm të kufijve”. Ky shtetas dhe 2 të tjerë (njëri i arrestuar gjatë operacionit dhe tjetri ende në kërkim), në fshatin Vukpalaj, Kastrat, zbritën nga 3 automjete, 16 emigrantë që po transportoheshin drejt Malit të Zi, me qëllim kalimin e paligjshëm të kufirit, drejt vendeve të BE-së. Ky shtetas iu dorëzua shërbimeve të DVP Shkodër, për veprime të mëtejshme procedurale. /AlbEu.com.

The post EMRI/ Trafikonte klandestinë drejt Malit të Zi, arrestohet 46-vjeçari appeared first on Albeu.com.

Pjesë nga përgjimet
Biseda e realizuar në 5 qershor 2020

Enjad Myrtaj: Ca po bën
Indrit Hila: Hic
Enjad Myrtaj: Enua jam
Indrit Hila: Vëlla ca bën ti si ke qenë?
Enjad Myrtaj: Mirë vëlla ti?
Indrit Hila: Mirë shty
Enjad Myrtaj: Po ca u bë për ato lekët e mia?
Indrit Hila: Do ti jap shoku se kam pas një mijë probleme

Biseda e dytë në 14 Gusht 2020
Indrit Hila: Alo
Enjad Myrtaj: O zemra ca po bën?
Indrit Hila:  Mirë ca bën ti?
Enjad Myrtaj: Enua jam
Indrit Hila: Ku je ti
Enjad Myrtaj: Hic vërdallë ca po bën

Biseda e zhvilluar në 14 Dhjetor 2020
Në përgjim është kapur Fatjon Koçllari që bisedon me dy persona të tjerë të cilët dyshohet se bëjnë transportin e emigrantëve nga kufiri me Greqinë drejt Tiranës dhe pas organizojnë punën për t’i dërguar drejt Italisë.

Biseda e parë në 14 Dhjetor 2020
Fatjon Koçllari: Te klubi i shoferit ke katër krushq. Nga klubi i shoferi dhe deri në Tiranë.
Transportuesi: Sa lekë?
Fatjon Koçllari: 300 lekë të gjitha, 200 lekë merri ti, ca të them unë, se i ka lonë njoni aty
Transportuesi: Ok, maksumimi një orë jam aty, mos e vra mendjen

Biseda e dytë në 14 Dhjetor 2020
Fatjon Koçllari: Ke një treshe ta merr menja apo jo?
Transportuesi: Ku janë ata?
Fatjon Koçllari: Në Gjrk (Gjirokastër)
Transportuesi: A e more vesh, përplasi makinën ai Kukja, do ta pyes a e ka mbaruar dhe do të them
Fatjon Koçllari: Aq ke rrush, tre, 500 lekë për të tre
Transportuesi: E po mirë, shumë mirë, nuk ka problem
Fatjon Koçllari: Hë ai i pe?
Transportuesi: I pashë, i pashë
Fatjon Koçllari: Hajde pra
Transportuesi: Janë katër këto, 4
Fatjon Koçllari: Po për katër të thashë unë
Transportuesi: Tre pra janë
Fatjon Koçllari: Ato tre në Gjrk (Gjirokastër)

Sipas prokurorisë ka rezultuar se Soran Saber, pjesë e grupit kriminal ka organizuar punën për trafikun e emigrantëve nga kufiri me Greqinë drejt Italisë.  Pjesë e skemës ishte Fatjon Koçllari, që merrej me organizimin dhe transportin e tyre nga pikat e kalimit me Greqinë në Korçë dhe Gjirokastër më pas drejt Italisë. Klajdi Kondo siguronte strehimin e tyre, në një banesë të marrë me qira te Zamir Muliu, i cili ishte edhe roje i objektit ku qëndronin të huajt duke qenë në dijeni të të gjithë aktivitetit./abcnews.al

The post PËRGJIMET/ Dosja e plotë si bëhej trafiku i sirianëve: O rrush shko merr 4 krushq, po lekët? appeared first on Albeu.com.

Pjesëtarët e këtyre grupeve kriminale pasi siguronin persona të ndryshëm kryesisht në Irak, Siri, Egjipt e vende të tjera kundrejt një shpërblimi monetar nga 5 000 deri në 10 000 Euro, i kontrabandonin ato në rrugë tokësore dhe detare, duke ju mundësuar kalimin në mënyrë të paligjshme nga njëri shtet në tjetrin.

Abcnews.al ka zbardhur një nga episodet e trafikut të klandestinëve, që tregon se si zhvillohej trafiku nga Shqipëria drejt Italisë. Nga ky episod ka rezultuar se koka e trafikut të klandestinëve në Shqipëri është siriani Abu Ahmed Sulltan.

SKEMA

Më 23 prill 2020, një patrullë e Lecces, Itali, ka kapur 32 (tridhjetë e dy) emigrantë të paligjshëm, me kombësi Siriane, Egjiptiane, Palestineze dhe Irakiane, (ndër to gra me femijë). Pasi janë ndaluar, ata janë trasnportuar në qendrat e pritjes nga autoritetet policore italiane për identifikim. Në të njëjtën kohë, në brigjet shqiptare po gjurmohej një gomone, e cila dyshohej se kishte bërë transportin e këtyre emigrantëve nga Vlora, në drejtim të Italisë. Pas shkëmbimit të informacionit midis 2 shteteve, është bërë i mundur sekuestrimi i një mjeti lundrues tip gomone me, dy persona në bord.

Nga hetimet e kryera nga Prokuroria e Leccos, dhe Prokuroria e Posaçme ka rezultuar se personat e ndaluar kanë udhëtuar në mënyrë të paligjshme nga Shqipëria në Itali, me gomone, nëpërmjet detit dhe dy personat e arrestuar në flagrancë në Shqipëri janë pjesë e grupit kriminal që merrej me ushtrimin e kësaj veprimtarie të paligjshme. Dy personat e arrestuar në flagrance janë te dyshuarit Dushan Myfit Spahiu lindur dhe banues në Vlorë dhe Paulin Viktor Koçi lindur dhe banues në Vlorë.

Nga hetimet e kryera ka rezultuar se emigranti sirian, Abu Ahmed Sulltan, me banim në Tiranë,  është një ndër personat kryesorë të grupit të strukturuar kriminal, i cili siguron shtetas të huaj, kryesisht nga Lindja e Mesme, nëpermjet bashkëpunëtorëve të tjerë. Ai i ndihmon për të udhëtuar në mënyrë të paligshme nga Shqipëria në Itali dhe më pas në vendet e tjera të BE-së, kundrejt vlerës 4500-5000 euro. Në vijim të shkëmbimit të të dhënave me autoritetet italiane, është dokumentuar fakti se shtetasi sirian numrin e telefonit e kishte regjistruar në emër të shtetasit shqiptar Shpëtim Fili dhe kishte një rol kryesor në këtë rrjet.

Në vijim hetimet kanë vazhduar me përgjime telefonike, kryerje vëzhgimesh dhe përgjimesh ambientale në vende publike etj. Si person i dyshuar si dhe lidhje e shtetasit Abu Salltan është edhe shtetasi Hazem Arad, me origjinë siriane, me qëndrim në Tiranë. Ndërkohë, me date 26 maj 2020 në një televizion në Shqipëri është transmetuar një emision investigativ i cili kishte të bënte me trafikimin e emigranteve arabe drejt vendeve të BE-së.

Gjatë emisionit është evidentuar prania e një grupi kriminal i cili dërgonte emigrante arabë drejt vendeve të BE-së si dhe Italisë me gomone, ku njeri nga personat me rol kryesor në grup, ishte Ahmed Sulltan për të cilin Prokuroria po kryente hetime. Në pyetje janë marrë disa egjiptianë. Abobakr Allam, ka shpjeguar se ka ardhur në Shqipëri në muajin mars të 2020, bashkë me dy shokët e tij Ahmed dhe Salem për herë të parë ka takuar Alas Maluned me kombësi Egjiptiane. Pasi ka biseduar për mënyrën sesi do ikte në Itali, ka rënë dakord për të paguar një shumë prej 4500 euro për të shkuar në Itali nëpërmjet detit.

Ndërsa egjiptiani Ahmed Eissa, ka deklaruar se ka ardhur në Shqipëri muajin Janar të vitit 2020, pasi ka siguruar një vizë nga Ambasada e Shqipërisë në Egjipt. Pasi është pajisur me leje qëndrimi, ka filluar punë në Durrës në një kompani që merrej me konstruksione metalike. Pasi ka takuar Sulltan Ahmed, kanë rënë dakort me të që ai do i dërgonte në Itali. Në deklarimin e tij shtetasi Salem Shahabeldin ka shpjeguar se organizator i nisjes së tyre në vendet e BE-se ishte shtetasi Sulltan Ahmed.

Nga hetimet e kryera në Itali dhe Shqipëri, ka dyshime se organizator i këtij grupi kriminal për të ndihmuar emigrantët për të udhëtuar në mënyre të paligjshme nga Vlora për në brigjet Italiane është Abu Ahmed Sulltan. Në vijim të hetimeve është dokumentuar fakti se në të njëjtën datë që janë kapur 32 (tridhjetë e dy) emigrante të paligjshëm në zonën e Lecces, Itali, në Karaburun, është sekuestruar nje mjet lundrues tip gomone me dy persona në bordin e saj, dhe konkretisht personat ne hetim Paulin Koçi dhe Dushan Spahiu./abcnews.al

The post U hapte “rrugët” klandestinëve, zbulohet koka e grupit kriminal, siriani që “kamuflohej” si shqiptar appeared first on Albeu.com.

Si rezultat i operacionit janë vënë në pranga 25 persona, mes të cilëve 18 janë shqiptarë.

Personat e arrestuar në kuadër të operacionit ndërkombëtar të koduar “ASTROLABIO”

Dushan Spahiu, Paulin Koçi, Petrit Pashaj, Indrit Hita, Enjat Myrtaj, Roland Ramadani, Emiljano Likaj (Gaçaj), Qazim Ismailaj, Fatjon Belaj, Zamir Muliu, të gjithë banues në Vlorë

Fatos Dusha, Robert Hysa, Arjol Lleshi, të tre banues në Tiranë

Fatjon Koçllari, banues në Durrës

Kristiana Sako, banuese në Divjakë

Muhamed Abdurrahim Sherif (Alias) Abdel Rehim Muhamed Eli, banues në Egjipt

Mustafa Hysein Koseoglu, banues në Stamboll, Turqi

Mehdi Mamushli, banues në Iran

Njoftimi i plotë:

Autoritetet gjyqësore dhe të zbatimit të ligjit shqiptare, italiane dhe greke, në kuadër të një Skuadre të Përbashkët Hetimore (JIT) e krijuar midis Prokurorisë së Posaçme kundër Korrupsionit dhe Krimit të Organizuar, Shqipëri; Seksionit Antimafia të Prokurorisë së Leçes, Itali; si dhe të Prokurorisë së Përgjithshme të Apelit Athinë, Greqi, me koordimin e EUROJUST (AJA) dhe ndihmën e EUROPOL, kanë zhvilluar ditën e sotme një operacion të përbashkët për ekzekutimin e 47 masave të sigurimit personal të miratuar lidhur me hetimet e zhvilluara në kuadër të kësaj Skuadre të Përbashkët Hetimore. Operacioni është zhvilluar njëkohësisht në tri shtetet pjesë të skuadrës dhe në disa shtete të tjera.

Gjatë hetimeve të kryera nga Skuadra e Përbashkët Hetimore (JIT) është dokumentuar fakti se pjestarët e 4 (katër) grupeve kriminale ushtronin në bashkëpunim ndërmjet tyre aktivitetin kriminal (2 grupe në Itali, 1 grup në Shqipëri dhe 1 grup në Turqi) të kontrabandimit të personave të ndryshëm nga Lindja e Mesme, me destinacion Italinë e Jugut dhe në vijim vende të tjera të BE-së.

Pjestarët e këtyre grupeve kriminale pasi siguronin persona të ndryshëm kryesisht në Irak, Siri, Egjipt e vende të tjera kundrejt një shpërblimi monetar nga 5 000 deri në 10 000 Euro, i kontrabandonin ato në rrugë tokësore dhe detare, duke ju mundësuar kalimin në mënyrë të paligjshme nga njëri shtet në tjetrin me destinacion përfundimtar vendet e BE-së. Nga hetimi i përbashkët i kryer janë dokumentuar 30 episode kontrabandimi të 1 120 emigrantëve.

Nga hetimet e kryera në Shqipëri nga SPAK në bashkëpunim të ngushtë me Drejtorinë e Përgjithshme të Policisë së Shtetit dhe agjensitë e tjera ligjzbatuese janë dokumentuar 7 (shtatë) episode kontrabandimi të personave nga Lindja e Mesme, të kryera ne Tiranë, Korçë, Gjirokastër, Elbasan, Fier, Vlorë dhe Sarandë. Janë kapur në flagrancë edhe personat e kontrabanduar për të kaluar kufijtë shtetërorë në mënyrë të paligjshme, si dhe është dokumentuar aktiviteti kriminal i këtij grupi të strukturuar. Gjithashtu janë sekuestruar mjete lundruese (skafe), një anije velierë, automjete, si dhe sende të ndryshme, të cilat shërbenin për kontrabandimin e personave në rrugë tokësore dhe nëpërmjet detit.

Pas kërkesës së paraqitur nga Prokuroria e Posaçme kundër Korrupsionit dhe Krimit të Organizuar, me vendimin për caktim masash sigurimi të dhënë nga Gjyqtari i Gjykatës së Posaçme të Shkallës së Parë për Korrupsionin dhe Krimin e Organizuar, është urdhëruar arrestimi i 25 personave, si pjesë e një grupi të strukturuar kriminal, nga të cilët 18 janë shtetas shqiptarë dhe 7 shtetas të huaj (palestinez, irakian, iranianë, egjiptianë dhe turq).

Hetimet e kryera nga kjo Skuadër e Përbashkët Hetimore (JIT) kanë konfirmuar dhe një herë faktin se vetëm një bashkëpunim i ngushtë ndërmjet autoriteteve gjyqësore dhe ligjzbatuese të shteteve të ndryshme mund të garantojë sukses dhe efektivitet në luftë kundër krimit të organizuar ndërkombëtar.

Në këtë kontekst theksojmë gjithashtu kontributin dhe ndihmën e dhënë në hetimet e kryera nga kjo Skuadër e Përbashkët Hetimore (JIT) nga shërbimet e Zyrës së Ekspertëve të Sigurisë Tiranë të Shërbimit të Bashkëpunimit Ndërkombëtar të Policisë Italiane, si dhe nga Projekti i Bashkimit Europian “Countering Serious Crime in the Western Balkans – CSCWB IPA 2019”.

The post Trafikonin klandestinë, dalin emrat e 18 shqiptarëve të arrestuar, mes tyre dhe një grua appeared first on Albeu.com.

“Në zbatim të planit të masave për të parandaluar dhe goditur aktivitetin e paligjshëm të dhënies ndihmë shtetasve të huaj për kalim të paligjshëm të kufijve dhe tranzitimin e tyre në territorin shqiptar, me destinacion vendet e BE-së, nga shërbimet e Komisariatit të Policisë Himarë, në bashkëpunim me specialistët për Hetimin e Trafiqeve të Paligjshme në DVP Vlorë, u arrestua në flagrancë shtetasi V. T., 36 vjeç, banues në Qeparo.

Shtetasi V. T, është kapur në kushtet e flagrancës, nga shërbimet e Policisë, në vendin e quajtur “Kthesa e Pilurit”, duke transportuar me automjet, 3 emigrantë të paligjshëm, të cilëve iu kishte premtuar kalimin drejt vendeve të BE-së, kundrejt pagesës.

Materialet iu referuan Prokurorisë së Rrethit Gjyqësor Vlorë, për veprën penale “Ndihma për kalim të paligjshëm të kufirit””, thuhet në njoftimin e policisë./albeu.com

The post Po transportonte emigrantë të paligjshëm, arrestohet 36-vjeçari në Vlorë appeared first on Albeu.com.

Dyshohet se ata janë shtetas sirianë, dhe janë kapur nga policia ndërsa ishin në tentativë për t’u larguar me gomone në drejtim të Italisë dhe vendeve të BE-së.

Klandestinët janë shoqëruar në komisariatin e Vlorë ku po merren në pyetje nga policia./albeu.com

The post Tentuan të iknin në Itali, kapen 15 klandestinë në zonën e Karaburunit appeared first on Albeu.com.

“Specialistët për Hetimin e Trafiqeve dhe Natkotikëve, në bashkëpunim me Forcën e Posaçme Operacionale në DVP Vlorë, në vijim të punës për kapjen e personave në kërkim dhe vënien e tyre para përgjegjësisë penale, ndaluan shtetasin M. Ll., 42 vjeç, banues në Vlorë.

Ky shtetas ishte shpallur në kërkim, pasi Gjykata e Shkallës së Parë Vlorë, me vendimin e datës 12.04.2021, i ka vendosur masën e sigurisë “Arrest në burg”, vendim ky në funksion të njohjes dhe ekzekutimit të vendimit të Gjykatës së Apelit në Selanik, Greqi, të datës 19.06.2013, ku shtetasi M. Ll, hetohet për veprën penale “Trafikimit të Klandestinëve”, sipas Kodit Penal grek.

Materialet i kaluan Prokurorisë së Rrethit Gjyqësor Vlorë, për veprime të mëtejshme”, thuhet në njoftimin e policisë./albeu.com

The post I shpallur në kërkim për trafikim klandestinësh, vihet në pranga 42-vjeçari në Vlorë appeared first on Albeu.com.

Policia ndaloi furgonin, dhe në këtë moment klandestinët shpërthyen derën duke dalë me vrap dhe u arratisën mes qytetit.

Nuk ka kaluar shumë kohë dhe ata janë kapur.

Siç mund ta shikoni në videon më poshtë, klandestinët janë shoqëruar në komisarait dhe mes tyre shihen edhe vazja./albeu.com

The post Shpërthyen derën e furgonit në Pogradec dhe ikën, shoqërohen në polici klandestinët (VIDEO) appeared first on Albeu.com.

I arrestuari është 29-vjeçari Shpëtim Memolla, nga Peqini.

Ai ishte duke kaluar në autostradën Elbasan-Tiranë me mjetin e tij tip “Range Rover” ku u pikas nga policia. Fillimisht i riu nuk i është përgjigjur thirrjes së efektivëve dhe është larguar nga vendngjarja.

Policia ka sekuestruar në cilësinë e provës materiale mjetin luksoz, si dhe ka bërë të mundur arrestimin e të riut.

Njoftimi i Policisë:
Goditet një tjetër rast i veprimtarisë kriminale në fushën e dhënies ndihmë për kalim të paligjshëm të kufirit, kundrejt fitimit.

U kap në flagrancë duke transportuar 10 emigrantë të paligjshëm, vihen në pranga 29-vjeçari që ushtronte këtë aktivitet kriminal.

Në zbatim të detyrave të përcaktuara në planin e masave të hartuar nga DVP Elbasan, për të parandaluar dhe goditur aktivitetin e paligjshëm të dhënies ndihmë shtetasve të huaj për kalim të paligjshëm të kufijve dhe tranzitimin e tyre në territorin shqiptar, me destinacion vendet e BE-së, specialistët për Hetimin e Trafiqeve të Paligjshme në DVP Elbasan, pas informacioneve të marra në rrugë operative se një shtetas po transportonte në drejtim të Tiranës, disa shtetas nga vendet e treta, për kalim të paligjshëm të kufirit, kapën dhe arrestuan në flagrancë shtetasin:

Shpëtim Memolla, 29 vjeç, banues në Peqin. Ky shtetas është kapur nga shërbimet e Policisë, në aksin rrugor Elbasan-Tiranë, duke transportuar me një mjet tip “Range Rover”, 10 shtetas të huaj, kundrejt fitimit 50 euro për person, si dhe nuk i është bindur urdhrit të punonjësit të Policisë për të ndaluar.

Në cilësinë e provave materiale u sekuestruan mjeti tip “Range Rover”, një aparat celular dhe një sasi parash.

The post “Paketoi” në “Range Rover” 10 emigrantë, arrestohet 29 vjeçari që i premtoi klandestinëve BE-në appeared first on Albeu.com.

Njoftimi i policisë:

Fier

Finalizohet me sukses operacioni policor i koduar “Taksisti”, për goditjen e veprimtarisë kriminale në fushën e dhënies ndihmë shtetasve të huaj për kalim të paligjshëm të kufirit, kundrejt fitimit.

U kapën duke transportuar 5 emigrantë të paligjshëm, arrestohen në flagrancë 2 shtetas.

Në zbatim të planit të masave për të parandaluar dhe goditur aktivitetin e paligjshëm të dhënies ndihmë shtetasve të huaj për kalim të paligjshëm të kufijve dhe tranzitimin e tyre në territorin shqiptar, me destinacion vendet e BE-së, nga Sektori i Qarkullimit Rrugor, në bashkëpunim me specialistët për Hetimin e Trafiqeve të Paligjshme në DVP Fier, pas informacioneve të marra në rrugë policore se një automjet furgon tip “Benz” po transportonte klandestinë drejt Tiranës, finalizuan operacionin policor të koduar “Taksisti”, në përfundim të të cilit u arrestuan në flagrancë shtetasit B. K., 53 vjeç, banues në Durrës dhe R. J., 53 vjeç, banues në Durrës.

Këta shtetas janë kapur në kushtet e flagrancës nga shërbimet e Policisë Rrugore, në vendin e quajtur “Rotondo e Kolonjës”, duke transportuar me automjetin tip “Benz”, 5 emigrantë të paligjshëm (sirianë), të cilëve iu kishin premtuar kalimin drejt vendeve të BE-së, kundrejt pagesës.

Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale, për veprën penale “Ndihma për kalim të paligjshëm të kufijve” kryer në bashkëpunim./albeu.com

The post Po transportonin emigrantë të paligjshëm, 2 të arrestuar në Fier appeared first on Albeu.com.