Ish-kryeministri bullgar Kiril Petkov dhe ministri i financave Assen Vasilev thanë se vendi i tyre siguroi 30% të municioneve të kalibrit sovjetik që i nevojitej ushtrisë së Ukrainës gjatë një periudhe vendimtare tremujore pranverën e kaluar, dhe nganjëherë 40% të naftës.

Politikanët, të cilët tani janë në opozitë, kanë përshkruar së bashku me ministrin e Jashtëm ukrainas, Dmytro Kuleba, operacionin e jashtëzakonshëm të ngritur nga shteti i vogël ballkanik, i cili zyrtarisht po refuzonte të gjitha kërkesat për të armatosur Ukrainën, në intervistat me Die Welt.

“Kiril Petkov ka treguar integritetin e tij dhe unë do t’i jem gjithmonë mirënjohës që përdori të gjitha aftësitë e tij politike për të gjetur një zgjidhje”, tha Kuleba për gazetën gjermane, duke shtuar se udhëheqësi bullgar vendosi të ishte në anën e duhur të historisë dhe ndihmoi Ukrainën të mbrohej kundër një armiku shumë më të fort”.

Petkov duhej të vepronte fshehurazi për shkak të simpatisë së hapur pro-Kremlinit mes shumë në klasën politike të Bullgarisë, duke përfshirë partnerët e tij të koalicionit socialist. Disa ditë pasi i ashtuquajturi operacioni special i Rusisë në Ukrainë filloi më 24 shkurt, ai shkarkoi ministrin e tij të mbrojtjes, i cili po refuzonte ta quante pushtimin një akt lufte.

Ndërkohë, sondazhet treguan se më shumë se 70% e bullgarëve kishin frikë se do të tërhiqeshin në konflikt dhe kundërshtonin furnizimin me armë për Ukrainën, pavarësisht se vendi i tyre kishte rezerva të mëdha armësh dhe municionesh të kalibrit sovjetik që Kievit i nevojitej urgjentisht. /albeu.com

The post Si ndryshoi rrjedha e luftës: Kush është vendi i varfër i Ballkanit që “shpëtoi” Ukrainën me naftë dhe municione appeared first on Albeu.com.

“Propozimi francez është i mirë pa precedent dhe mundësoi që pozita e Bullgarisë të bëhet edhe pozitë evropiane. Ajo që ndodh për momentin në Maqedoninë e Veriut është se e kanë shumë të vështirë ta pranojnë atë pozitë në këtë moment por ajo që duhet ta dinë është se Maqedonia, nëse dëshiron të zhvillohet, rruga evropiane është rruga e vetme për atë shtet. Do të ishte e tmerrshme që Shqipëria të vazhdojë rrugën e Bashkimit Evropian dhe Maqedonia të ngecë”, deklaroi Kirill Petkov, kryeministër i Bullgarisë në dorëheqje.

Presidenti Stevo Pendarovski përsërit qëndrimin e tij, se propozimi francez është kompromis i përparuar, me një pengesë të mundshme gjatë rrugës.

“Ne pas 17 vjetësh në pritje më në fund do të fillonim negociatat e anëtarësimit dhe ky është përfitimi më i madh prej tij. Gjithsesi pas procesit të skriningut ekziston një parakusht për vazhdimin e negociatave dhe ky është amendamenti me të cilin duhet të futen bullgarët në kushtetutën maqedonase. Duke e pasur parasysh ndarjen aktuale politike, janë shumë të ulëta shanset që cilado parti do të mund të sigurojë shumicë prej 2/3 në parlament e cila do ta mbështeste atë ndryshim kushtetues”, është shprehur Stevo Pendarovski, President.

Pendarovski për gazetën greke “Etnos” thotë se për momentin vendi përballet me fushatë serioze dezinformatash të prodhuara nga Rusia, njëjtë si në periudhën e Marrëveshjes së Prespës.

Propozimi francez që përmban propozim kornizën negociuese të Maqedonisë së Veriut me BE-në, në formën e informacionit, është në procedurë parlamentare. Të hënën grupet parlamentare do të vendosin se kur do ta shqyrtojnë atë në seancë plenare./Alsat.mk

The post Petkov: Vendimi për propozimin francez, i vështirë për Shkupin appeared first on Albeu.com.

BNG shkruan se në një intervistë për Politico, kryeministri i bëri thirrje homologut të tij maqedonas, Dimitër Kovaçevski, të jetë i guximshëm dhe të pranojë propozimin e presidencës franceze, megjithëse ekziston rreziku që qeveria të bjerë. Kirill Petkov deklaroi gjithashtu se vendimi i Presidencës Franceze, duhet pranuar si evropiane dhe jo vetëm si një marrëveshje ndërmjet Bullgarisë dhe Republikës së Maqedonisë së Veriut.

“Në fund të ditës e di së është shumë e vështirë politikisht. E di se rreziku për rrëzimin e Qeverisë është i madh. Si politikan duhet të marrësh vendim, cili është roli im? A është roli im stabilitet? Ose roli im është që të udhëheq kombin dhe të bëj një hap para. Mendoj se ky është vendimi, ndërsa Dimitar Kovaçevski duhet ta bëj këtë tani. Po të jem në vendin e tij nuk do të kisha menduar dy herë. Nëse hynë në histori me hapjen e dyerve të vendit për BE-në, mendoj se ky është rezultati më i mirë për një kryeministër”, tha Petkov.

Kuvendi në Bullgari votoi sot me 170 vota pro propozimin e Presidentit të Francës, Emmanuel Macron për të arritur në një zgjidhje të ngërçit me veton ndaj Maqedonisë së Veriut. Sipas propozimit francez, Maqedonia e Veriut duhet të pranojë në Kushtetutë se bullgarët janë një nga etnitë konstituive të vendit. Ndërkohë që Maqedonia e Veriut tha të premten se tre tema kryesore kishin nevojë për sqarime përpara se të binte dakord për marrëveshjen./albeu.com

The post Kryeministri bullgar thirrje Kovaçevskit: Bëhu i guximshëm dhe pranoje propozimin francez appeared first on Albeu.com.

Para Samitit të BE-Ballkani Perëndimor në Bruksel, kryeministri bullgar në largim, Kirill Petkov ka takuar të pranishmit në sallë.

Në një moment Petkovi përshëndet kryeministrin Dimitar Kovaçevski, i cili duket se i flet me ton të ashpër duke iu drejtuar me gisht.

Gjestet në fjalë kanë bërë xhiron e mediave maqedonase por edhe në ato bullgare.

Në një moment Petkovi përshëndet kryeministrin Dimitar Kovaçevski, i cili duket se i flet me ton të ashpër duke iu drejtuar me gisht. Gjestet në fjalë kanë bërë xhiron e mediave maqedonase por edhe në ato bullgare.

The post Vetoja ndaj Maqedonisë “nxeh” samitin e BE, Kovaçevski i drejtohet me gisht kryeministrit bullgar (VIDEO) appeared first on Albeu.com.

Kërkesa e tij vjen në një kohë që qeveria bullgare Kirill Petkov nuk i mbijetoi dot mocionit të mosbesimit të ditës së djeshme.

Ndërkohë samiti dyditor që nis nga sot, do të marrë vendime të rëndësishme për vende të Ballkanit Perëndimor dhe Ukrainën./albeu.com/

The post Qeveria bullgare ra, Varhelyi nuk tërhiqet: Bullgaria ta miratojë, Shqipëria dhe Maqedonia e Veriut duhet të jenë pjesë e BE appeared first on Albeu.com.

Votimi i këtij mocioni të mosbesimit u ngrit nga partia GERB e ish kryeministrit Bojko Borisov, argumenti më i madh i grupit opozitar ishte “mossuksesi i qeverisë për politikat financiare”.

The post Mocioni i mosbesimit, bie qeveria bullgare appeared first on Albeu.com.

Mocioni i mosbesimit u ngrit nga partitë opozitare mbi “dështimin në politikën financiare dhe ekonomike të kabinetit aktual”.

Mbështetje për mocionin e mosbesimit deri më tani kanë shprehur edhe partitë e tjera opozitare – partia e turqve etnikë dhe myslimanëve të tjerë në Bullgari Lëvizja për të Drejtat dhe Liritë (DPS) dhe partia nacionaliste “Vëzrazhdane”, si dhe partia e Sllavi Trifonovit “Ka një popull të tillë” (ITN), e cila u shkëput nga koalicioni në pushtet.

Votimi pritet pas orës 19:00 me orën lokale. Mocioni ka nevojë për 121 vota për të kaluar në parlament. Aktualisht, koalicioni qeverisës ka mbështetjen e vetëm 109-të deputetëve nga 240-të ligjvënës në parlament.

Gjashtë deputetë nga grupimi ITN pritet gjithashtu të mbështesin qeverinë, por shpresa e vetme e saj për të mbajtur pushtetin varet nga mundësia që më shumë deputetë të ITN-së të votojnë kundër rrëzimit të qeverisë në minutën e fundit.

Nëse mocioni do të ketë sukses, ai do të jetë votimi i parë i mosbesimit në historinë demokratike të Bullgarisë dhe pothuajse me siguri do të çojë në zgjedhje të reja në vendin me 6.5 milionë banorë.

Qeveria e Petkovit erdhi në pushtet me zotimin për të luftuar me vendosmëri korrupsionin, për të hequr nga detyra prokurorin e Përgjithshëm, Ivan Geshev dhe kreun e Komisionit Anti-korrupsion, Sotir Tsatsarov. Po ashtu u zotua se do të forcojë fuqitë e komisionit. Dorëheqja e Tsatsarovit erdhi e para.

Më 9 Qershor, një projektligj për të zgjeruar fuqitë e Komisionit Anti-korrupsion u dorëzua në Parlament. Deputetët e partisë ‘Ka një popull të tillë’ kishin kritika të ashpra dhe akuzuan Petkovin se po tenton që ta instalojë “Geshevin e tij”. Ligjvënësit nga partia Ne vazhdojmë ndryshimin, me gjasë e panë këtë si sulm politik nga ish-partnerët e koalicionit dhe i akuzuan ata se po e sabotonin këtë përpjekje.

Ndërkohë, komisioni i politikës së jashtme i parlamentit të Bullgarisë, sot do të shqyrtojë edhe propozimin francez për zgjidhjen e çështjeve të hapura me Maqedoninë e Veriut.

Në bazë të vlerësimeve do të njoftohet nëse Sofja do ta heqë veton e saj ose jo, gjë e cila ka bllokuar dhe procesin e anëtarësimit të Shqipërisë në BE. Të martën më 21 qershor, presidenti i Këshillit Europian, Charles Michel, paralajmëroi lajme pozitive për negociatat./REL

The post Parlamenti bullgar vendos sot mbi fatin e qeverisë së Petkovit appeared first on Albeu.com.

Në një deklaratë për mediat bullgare, Petkov përsëriti nevojën për të mbledhur një Këshill Konsultativ të Sigurisë Kombëtare Bullgare për të diskutuar gjithçka që qeveritë e të dy vendeve kanë bërë deri tani.

“Vetëm përmes dialogut konstruktiv do të jemi në gjendje të ecim drejt fqinjësisë së mirë që dëshirojnë të dyja qeveritë,” tha Petkov, duke shtuar se ai shpresonte se hapi tjetër do të ishte thirrja e një Këshilli Konsultativ të Sigurisë Kombëtare nga presidenti bullgar Rumen Radev, për të diskutuar rreth asaj që është arritur nga takimet e deritanishme.

“Nuk jemi zotuar për asnjë afat, e vetmja gjë për të cilën jemi zotuar është të mbajmë një ton të mirë dhe Ministritë e Jashtme të vazhdojnë punën. Ne premtuam se do të mbajmë tonin konstruktiv. Presim që në javët dhe muajt në vijim grupet e ndryshme që nuk duan fqinjësi të mirë mes Bullgarisë dhe Republikës së Maqedonisë së Veriut të tentojnë të provokojnë, tha Petkov, duke shtuar se me kryeministrin Kovaçevski konfirmuam se përkushtimi për fqinjësi të mirë është i rëndësishëm dhe i përbashkët./alsat

The post Petkov: E rëndësishme është të vazhdohet dialogu konstruktiv mes Shkupit dhe Sofjes, pa u provokuar appeared first on Albeu.com.

“Do të takohem me Petkov për të biseduar mbi negociatat të cilat janë zhvilluar deri tani mes dy ministrive të jashtme”, tha shkurt Kovaçevski pas takimit që kishte me Papa Françeskun në Vatikan./alsat

The post Kovaçevski: Me Petkovin do të flasim për negociatat e deritanishme appeared first on Albeu.com.

“Nga njëra anë e zgjatëm dorën, duke shkuar fillimisht atje, nga ana tjetër na dhanë një shkresë që kishim shpresuar ta merrnim prej dy vitesh. Ky shënim është shumë më i rëndësishëm sesa thjesht një emër i shkurtër dhe i gjatë. Ky shënim thotë se Republika e Maqedonisë së Veriut nuk ka pretendime për integritetin territorial të Bullgarisë. Është shumë normale që ata ta thonë këtë, por kjo notë është folur, folur, negociuar nga ne dhe tani vetëm pse kemi bërë një qasje të re, e kemi marrë atë. Dje ishte një sukses shumë i madh”, tha Kirill Petkov, kryeministër i Bullgarisë.

Kryeministri Petkov iu përgjigj pyetjes nëse janë në të njëjtin ekip me kreun e shtetit, duke thënë se të gjithë janë në të njëjtin ekip, atë të Bullgarisë. Radev, ana tjetër, gjatë dhënies së premtimit për mandatin e dytë të presidentit, përsëriti kërkesën e tij.

“Unë jam në mesin e politikanëve që dëshirojnë që Republika e Maqedonisë së Veriut të bëhet sa më shpejt anëtare e Bashkimit Evropian. Kjo është arsyeja pse ne duhet të ndihmojmë vëllezërit tanë që të kapërcejnë shpejt ideologjitë e së kaluarës totalitare dhe të përmbushin kriteret për anëtarësim. Si një anëtare e përgjegjshme e Bashkimit Evropian, Bullgaria duhet të integrojë partnerë, jo probleme. Barazia e bullgarëve maqedonas, shumë prej të cilëve janë shtetas bullgarë, duhet të garantohet me përfshirje të barabartë në Kushtetutën e vendit në baza të barabarta me të tjerët”, theksoi Rumen Radev, president i Bullgarisë.

Presidenti Stevo Pendarovski, në intervistë për “24 vesti” deklaroi se Bullgaria nuk ka të drejtë të kushtëzojë përfshirjen e bullgarëve në Kushtetutë, sepse kjo është përzierje në punët e brendshme të shtetit tjetër.

Ndërkohë, në të dy anët e kufirit ka shumë pak informacione për atë që u bisedua pas dyerve të mbylla gjatë takimeve në Shkup. Palët nuk pranojnë të kanë biseduar për çështjet e hapura por për strukturën se si t’i adresojnë këto çështje dhe në çfarë dinamike kohore ta bëjë atë.

Të martën e ardhshme, në Sofje do të mbahet seanca e parë ndërqeveritare. Në të do të formohen pesë grupet e punës; ekonomi, infrastrukturë, integrime evropiane, kulturë dhe komisioni ekzistues i historisë. Autoritetet kanë shmangur pyetjet nëse do të ketë ndryshime në punën e komisionit të historisë. Alsat kontaktoi disa anëtarë të komisionit, të cilët refuzuan të flasin për mënyrën se si pritet të vazhdojnë punën.

Secili nga pesë grupet e punës do të mblidhet çdo shtatë ditë për të paktën gjashtë muajt e ardhshëm. Qeveria në Shkup nuk e hodhi poshtë mundësinë që në kuadër të grupeve të punës mund të përfshijë edhe anëtarë të opozitës. I pyetur nëse një marrëveshje eventuale do të miratohej edhe në Kuvend, ministri i Jashtëm Osmani vlerëson se kjo varet nga opozita.

“Ne Marrëveshjen për fqinjësi të mirë e kemi ratifikuar në Kuvend. Për të shkuar përsëri në Kuvend ju duhet ose të shkoni në marrëveshje të re ose ta ndryshoni këtë marrëveshje. Qëndrimi i Bullgarisë duket i palëkundur për një kërkesë të tillë. Nëse edhe në palën tonë do të mbisundojë vendimi se duhet të shkojë në Parlament përkundër mendimit tim se ajo mund të nënkuptohet si rishikim i marrëveshjes së 2017, pse jo. Unë nuk i kam ikur Kuvendit asnjëherë nga frika e mostransparencës ose rolit të opozitës në Kuvend”, tha mbrëmë Bujar Osmani, ministër i Jashtëm./ Alsat.mk

The post Petkov i kënaqur nga vizita në Shkup, Radev: Bullgarët të futen në Kushtetutë appeared first on Albeu.com.