Përfaqësuesi i Kinës në OKB, Zhang Jun, i ka përshkruar bisedimet e shumta të paqes midis Rusisë dhe Ukrainës si “hapa pozitivë drejt arritjes së paqes”.
Ai thotë se Kina do të “luaj rolin e saj në de-përshkallëzimin e situatës”.
Jun gjithashtu thotë se Kina i kushton “rëndësi të madhe bio-sigurisë dhe sigurisë” dhe “kundërshton me vendosmëri zhvillimin, posedimin dhe përdorimin e armëve biologjike dhe kimike nga çdo vend”.
Ai thotë se do të inkurajonte çdo vend që nuk i ka shkatërruar ende rezervat e tyre të armëve kimike për ta bërë këtë sa më shpejt të jetë e mundur.
Zhang Jun thotë se Kina ka “vënë në dukje me shqetësim informacionin përkatës të lëshuar nga Rusia” dhe beson se ato duhet “të trajtohen siç duhet”.
Siç kemi raportuar, Rusia nuk ka dhënë asnjë provë për pretendimet e saj se Ukraina ka zhvilluar armë biologjike dhe ka kryer “eksperimente të rrezikshme” në koordinim me SHBA. Ukraina e mohon pretendimin, të cilin SHBA e ka quajtur “qesharak”.
