Tensionet në Rripin e Gazës janë rindezur pasi katër persona humbën jetën në lagjen lindore Shejaiya, sipas raportimeve nga agjencia palestineze e lajmeve, Wafa. Sipas një burimi mjekësor, viktimat po inspektonin shtëpitë e tyre kur u qëlluan nga dronët izraelitë.
Ngjarja ndodhi në një zonë pranë “Vijës së Verdhe”, një kufi i përcaktuar sipas marrëveshjes së armëpushimit të ndërmjetësuar nga administrata Trump, që parashikon tërheqjen e trupave izraelite nga pjesë të caktuara të Gazës.
Forcat e Mbrojtjes së Izraelit (IDF) konfirmuan përmes një deklarate në Telegram se “një numër individësh të dyshuar” u panë duke kaluar vijën dhe duke iu afruar forcave izraelite në veri të Gazës. “Pasi nuk iu përgjigjën paralajmërimeve për t’u tërhequr, u hap zjarr ndaj tyre për të neutralizuar kërcënimin,” thuhet në deklaratë.
Zëdhënësi i Hamasit reagoi ashpër, duke e cilësuar incidentin si “shkelje të qartë të marrëveshjes së armëpushimit”.
Ngjarja ka rritur frikën për përshkallëzim të mëtejshëm në rajon, ndërsa komuniteti ndërkombëtar vazhdon të bëjë thirrje për ruajtjen e qetësisë dhe respektimin e marrëveshjeve ekzistuese. Situata mbetet e tensionuar dhe në pritje të reagimeve nga palët e përfshira. Situata mbetet e tensionuar dhe në pritje të reagimeve nga palët e përfshira. Një valë e re dhune mund të minojë përpjekjet për një armëpushim të qëndrueshëm në rajon.
