Adriatik Hoxha emërohet kryetar i komanduar i degës së Partisë së Lirisë, Durrës.
Emërimi është bërë me propozim të Sekretarit Politik të Qarkut Durrës, Petrit Sinaj, dhe me miratimin e Presidentit të Partisë së Lirisë, Ilir Meta.
Hoxhaj gjithashtu kandidon në zgjedhjet e 11 Majit për deputet në Qarkun Durrës nën siglën e PL-së.
Lajmi është bërë publik në rrjetet sociale të Partisë së Lirisë dega Durrës, ku ndër të tjera shkruhet:
“Urime Adriatik Hoxha për emërimin si Kryetar i komanduar i Partisë së Lirisë Durrës!
Ky është një hap i rëndësishëm drejt forcimit të strukturave tona në qytetin e Durrësit dhe një dëshmi e besimit që i jepet brezit të ri të drejtuesve.
Me përkushtim, vizion dhe energji të reja, jemi të bindur se Partia e Lirisë në Durrës do të njohë vetëm rritje.
Suksese në këtë rrugëtim të ri, e ardhmja është plot mundësi, dhe puna jonë sapo ka filluar!”
