Një tjetër provë e fortë që i ka shërbyer SPAK-ut, për të faktuar se Ilir Beqaj është pronar faktik i restorant GZONA, janë edhe komunikimet e kryera nga punonjësit e restorantit, të cilët duket se i raportojnë për largimet nga puna, siç rezulton nga bisedat e përgjuara, ku administratori Gazment Prenga, ka kryer me shtetasin Vladimir Prenga (ish-punonjës në këtë restorant) për personin nën hetim Ilir Beqaj ai shprehet se “i ka tẽ giitha” dhe “çdo gjë e vendos Ermali”, duke kuptuar kështu se bisedat e komunikimet me personelin e restorantit dhe kontrollin mbi këtë subjekt ai e kryen nëpërmjet Ermal Kurtulaj.
Po ashtu, rezulton se edhe familjarët e personit nën hetim, bashkëshortja dhe vajza e tij, në komunikimet e tyre flasin për “Gzonën” dhe për ndryshimet e bëra aty, fakte të cilat tregojnë për lidhjen e tyre me këtë restorant.
Në biseden dt. 07.07.2023 e siguruar nga gazetari i ORA NEWS, Edison Vatnikaj, rezulton se biseda zhvillohet mbi ditën ky kontakti “Deborah Beqaj”, pyet se “Si kaluat mbrëmë” ndërkohë kontakti “Ada Cuci” i pergjigjet se “Mirë shumë.
Te Gzona është bërë shumë nice me ndryshimet e reja… Oo kanë bërë shumë.
Ka ardh një çun i ri që merret aty … Është shtruar poshtë me drasa dhe është bërë me 2 pjesë”.
