Në sqarim thuhet se më 4 mars 2026 Kryetari i Kuvendit kishte kërkuar caktimin e dy deputetëve nga grupi parlamentar i PD-së për delegacionin. Përfaqësues u emëruan Tomorr Alizoti dhe Klevis Balliu.

Sipas grupit të PD, Niko Peleshi, ka vendosur më pas të përjashtojë grupin më të madh të opozitës nga delegacioni zyrtar pa dhënë arsye, duke hequr emrat e përfaqësuesve të PD-së dhe duke i privuar ata nga përfaqësimi institucional.

Sqarimi i Grupit Parlamentar të PD

Në përgjigje të interesit të medias lidhur me mungesën e Grupit më të madh të opozitës në Kuvend, në delegacionin e Kryetarit të Kuvendit gjatë vizitës në Gjermani, Grupi Parlamentar i PD sqaron si më poshtë:

Në vijim të kërkesës së datës 4 Mars 2026 të vetë Kryetarit të Kuvendit për të caktuar dy deputetë të grupit tonë parlamentar në këtë Delegacion, nga ana e kryetarit të grupit parlamentar u caktuan z. Tomorr Alizoti – Nënkryetar i grupit parlamentar dhe njëherazi Nënkryetar i Grupit të Miqësisë Shqipëri – Gjermani; si dhe z. Klevis Balliu – Nënkryetar i Komisionit të Sigurisë dhe njëherazi anëtar i Grupit të Miqësisë Shqipëri – Gjermani.

Niko Peleshi, në një akt të paprecedentë për një Kryetar Kuvendi, por të përsëritur prej tij, ka vendosur më pas pa asnjë arsye të përjashtojë grupin më të madh të opozitës në Kuvend nga delegacioni zyrtar i Kuvendit të Shqipërisë në Bundestag. Emrat e përfaqësuesve të Partisë Demokratike u hoqën qëllimisht për ta përjashtuar PD nga përfaqësimi institucional.

Fatkeqësisht, ky vendim tregon sa vite dritë larg standardeve demokratike të Bundestagut gjerman është sot drejtimi i maxhorancës parlamentare.

Trajtimi i opozitës si armik nuk e zhbën problemin kryesor të kësaj maxhorance: lidhjet me krimin e organizuar dhe mbrojtjen e korrupsionit përmes votës në Parlament. Dhe ndërkohë që flasin për anëtarësim në Europë, negociatat më të frytshme i bëjnë me skifterët e orëve të vjedhura nëpër Europë apo duke bashkëpunuar me organizatat më të rrezikshme kriminale në vend!

Ne nuk presim standarde europiane nga një Kryetar Kuvendi që nuk vendos dot vetë, por urdhërohet nga ushtarët politikë të Suel Çelës.

Po të mos ishte në kërkim ky i fundit, sot mund ta shihnim si pjesë të delegacionit njëpartiak në Bundestag.

Mirëpo, kjo sjellje e Kryetarit të Kuvendit nuk e pengon opozitën që të përfaqësohet në marrëdhëniet me partnerët tanë ndërkombëtar. Opozita po zhvillon takimet e saj në Bundestag dhe në Qeverinë Federale Gjermane, në nivelet më të larta, të planifikuara më herët. Ne po përfaqësojmë PD dhe Shqipërinë me dinjitet dhe me qëndrime të qarta për shtetin ligjor dhe integrimin europian.

The post Opozita jashtë delegacionit e Kuvendit në Bundestag/ PD: Vendim i paprecedentë nga Peleshi, urdhërohet nga ushtarët politikë të Suel Çelës appeared first on Albeu.com.

Afërsia me vendet si Italia e Greqia, por dhe mundësia për të punuar online kanë zgjeruar gjeografinë e shteteve nga të cilët shqiptarët gjenerojnë të ardhura.

Eurostat, në sistemin e vet të të dhënave, krahas prurjeve nga emigrantët, publikon dhe të ardhurat nga transferta nga puna sezonale për shtetasit shqiptarë për vitin 2024.

Nga rreth 2.1 miliardë euro, janë dërguar në Shqipëri gjatë vitit 2024 nga transfertat personale dhe kompensimi i punonjësve, sipas të dhënave të publikuara nga Eurostat, transfertat personale përbënin 31.6% të totalit, ose 663 milionë euro.

Kjo është shuma e fituar nga ata që punojnë jashtë shtetit dhe e transferuar në Shqipëri, të paktën zyrtarisht. (Kompensimi i punonjësve përfshin paga dhe të ardhura që rezidentë të një vendi fitojnë duke punuar përkohësisht jashtë shtetit, p.sh. punë sezonale, përpara se të zbriten taksat dhe kontributet).

Emigrantët dhe ata që punojnë përkohësisht jashtë dërguan 2.1 miliardë euro në Shqipëri në 2024-n

Të ardhurat nga puna jashtë vendit janë rritur vazhdimisht vitet e fundit, duke reflektuar rritje e emigrimit, qoftë edhe të përkohshëm.

Në vitin 2022, po sipas Eurostat, transfertat personale ishin 455 milionë euro, në 2023-n arritën në 629 milionë euro, me një rritje prej 38%. Në 2024-n rritja u ngadalësua në 5.1%, duke arritur në 663 milionë euro.

Vendin e parë e mban Greqia. Shteti fqinjë bëhet pritës sidomos në verë e vjeshtë i qindra shqiptarëve që shkojnë të punojnë në bujqësi.

Transfertat personale nga puna sezonale nga Greqia ishin 156 milionë euro në 2024-n.

Në vend të dytë është Italia, gjithashtu një vend i preferuar për emigrantët për shkak të afërsisë gjeografike dhe mundësive që ka për punësim.

Tranfertat nga Italia ishin 126 milionë euro në 2024-n, sipas Eurostat.

Në vend të tretë është Gjermania, që vitet e fundit është bërë një vend i preferuar nga shumë profesionistë. Transfertat nga Gjermania ishin 69 milionë euro në 2024-n.

Mbretëria e Bashkuar është destinacioni tjetër i preferuar i të punësuarve sezonalë, që kanë gjeneruar rreth 65 mln euro në 2024-n.

Pas tij renditen Zvicra me 27 milionë euro, Turqia me 20 milionë euro.

Edhe Irlanda është një vend i preferuar, me 19.7 milionë euro transferta.

Franca, ndonëse është shteti kryesor për kërkesat e azilantëve është i teti për transfertat e të punësuarve sezonalë.
Destinacione të tjera nga ku sigurohen të ardhura nga puna e përkohshme janë Austria (16.9 milionë euro), Shtetet e Bashkuara (14.2 milionë euro), Polonia (13.5 mln euro), Holanda (11.5 mln euro).

Gjeografia e shqiptarëve që punojnë përkohësisht jashtë ka arritur deri në vendet arabe të Gjirit Persik, ku transfertat arritën në 2.3 milionë euro në 2024.

Në punët sezonale dhe të përkohshme jashtë vendit, shtetasit shqiptarë angazhohen tradicionalisht në sektorë që kërkojnë fuqi punëtore intensive dhe fleksibile.

Pjesa më e madhe punon në bujqësi, veçanërisht në mbledhjen e frutave, perimeve dhe ullinjve, në serra dhe në përpunimin fillestar të produkteve bujqësore.

Ky profil mbetet dominues, sidomos në vendet fqinje dhe në disa tregje të Europës Perëndimore.

Një tjetër sektor i rëndësishëm është turizmi dhe shërbimet, ku shqiptarët punësohen sezonalisht në hotele, restorante dhe struktura akomoduese gjatë muajve të verës.

Punët tipike përfshijnë shërbimin në restorante, kuzhinë ndihmëse, pastrim, mirëmbajtje dhe shërbime mbështetëse.

Ndërtimi vijon të jetë një fushë e rëndësishme e punësimit sezonal dhe të përkohshëm, me angazhime në punime fizike, përfundime ndërtimi, rikonstruksione dhe projekte infrastrukturore.

Në disa vende, shqiptarët angazhohen edhe në industri përpunuese dhe logjistikë, kryesisht në linja paketimi, magazina dhe përpunim ushqimor.

Së fundmi, po vihet re edhe një rritje graduale e përfshirjes së shqiptarëve në shërbime të lidhura me teknologjinë e informacionit, kryesisht në forma fleksibile ose kontrata afatshkurtra.

Këto përfshijnë zhvillim softuerësh, testim aplikacionesh, mbështetje teknike, shërbime digjitale dhe punë të tjera IT të ofruara nga distanca për kompani të huaja.

Edhe pse ky segment është ende më i vogël krahasuar me punët tradicionale sezonale, ai po zgjerohet me shpejtësi, i nxitur nga aftësitë e të rinjve shqiptarë, puna në distancë dhe kërkesa në rritje për shërbime digjitale./Monitor

The post Nga Greqia në Irlandë, e vendet arabe, shqiptarët që punojnë jashtë fituan 663 mln euro në 2024 appeared first on Albeu.com.

Sipas KQZ janë 100 mijë zgjedhës (unikë) të cilëve u është miratuar kërkesa, që prej datës 11 janar kur edhe nisi procesi i regjistrimit.

Kryekomisioneri Shtetëror i Zgjedhjeve, Ilirjan Celibashi nëpërmjet një postimi në rrjetet sociale u ka bërë thirrje qytetarëve që të regjistrohen në PER, në mënyrë që të kenë mundësi për të votuar nga vendi ku jetojnë.

“Vizitoni diaspora.kqz.gov.al dhe krijo mundësinë tënde për të votuar nga vendqëndrimi yt. Vota Jote, Zëri Yt për Shqipërinë! Apliko në PER tani dhe deri më 4 MARS 2025!

Shkarkoni aplikacionin mobile KQZ për Android dhe IOS, ose vizitoni www.kqz.gov.al (rubrika Votues nga Jashtë) për të marrë të gjitha informacionet se si mund të votoni nga jashtë territorit të Shqipërisë për zgjedhjet për Kuvendin e Shqipërisë 2025″, shkruan Celibashi.

The post Votimi nga jashtë, Celibashi: 100 mijë zgjedhës të regjistruar appeared first on Albeu.com.

Rritja e kostove të punës dhe humbjet që solli rënia e euros, bëri që shumë fabrika që prodhojnë në Shqipëri veshje, këpucë, ushqime etj, të transferohen jashtë vendit.

“21% punëtorë shqiptarë thonë se një pjesë e punës së bërë në vendin e tyre të punës, është zhvendosur në një vendndodhje ose shtet tjetër (14% në Ballkanin Perëndimor dhe 16% në BE)”, thuhet në rezultatet e Anketës Europiane për Aftësitë dhe vendet e Punës për vitin 2023.

Transferimi i vendeve të punës për shkak të rritjes së kostove në Shqipëri, ishte shumë më i lartë se në vendet e tjera të Ballkanit dhe të Europës.

Siç tregon anketa, tregu i punës në Shqipëri, po përjeton një tranzicion të madh. Rreth një e treta e punëtorëve shqiptarë, kanë përjetuar futjen e teknologjive të reja digjitale në vendin e tyre të punës.

Të anketuarit u pyetën për ndryshimet që kishin ndodhur në vendin e tyre të punës gjatë 12 muajve të fundit për sa i përket menaxhimit, vetë punës, teknologjive të reja digjitale, produkteve ose shërbimeve të reja, apo zhvendosjes së prodhimit.

Për shembull, rreth një në tre (35%), tregojnë se janë prezantuar teknologjitë e reja digjitale (26% në wB5 dhe 43% në BE). Për më tepër, gati gjysma e tyre (47%) thonë se janë zhvilluar produkte ose shërbime të reja në vendin e tyre të punës (38% në WB5 dhe 37% në BE) dhe janë integruar metoda të reja të menaxhimit (45% kundrejt 30% në WB5 dhe 35% në BE).

Futja e teknologjive të reja digjitale raportohet më shpesh nga punëtorët më të rinj (53% e atyre të moshës 25-34 vjeç kundrejt 21%-35% në grup moshat e tjera).

Në mënyrë të ngjashme, 66% e atyre në profesione të kualifikuara raportojnë për një ndryshim të tillë.

Ndryshime të tilla ndodhën gjithashtu më shpesh në sektorin publik dhe pjesëmarrjen e punëtorëve të moshës madhore në arsimimin dhe trajnimin e mëtejshëm. Një vëmendje e veçantë i kushtohet edhe evidencës mbi ekspozimin e punëtorëve ndaj teknologjive digjitale dhe ndikimit të tyre në nevojat për aftësi./Monitor

The post Vendet e punës në Shqipëri po transferohen jashtë, si po ndryshon tregu appeared first on Albeu.com.

Dy prej tyre, Vëllai i Madh ka vendosur t’ia falë dhunën që i përjashtoi me zarf të zi, një tallje e madhe kjo me publikun që i ndjek. Mes Eglës, Ilnisës e Meritonit, njëri do të eliminohet e dy do të rikthehen në shtëpi. Madje, ju vazhdoni votoni sa të doni, por produksioni s’jua merr ndonjëherë për bazë votat e tallet edhe me paratë tuaja. Kjo sepse duket se konkurrenti që do të eliminohet është Ilnisa.

Në rrjet po qarkullon një video ku Françeska, me urdhër të BBV, po i bën gati valixhen Ilnisës për të shtunën.

@portal__news

#fyp #🇦🇱🇽🇰🦅 #🇦🇱🇽🇰🦅 #🇦🇱🇽🇰🦅 #🇦🇱🇽🇰🦅 #🇦🇱🇽🇰🦅

♬ sunet original – 💙Kammy🦋Tamaya🤍

The post Produksioni e paska vendosur! Ilnisa del të shtunën nga shtëpia appeared first on Albeu.com.

Romeo: A do të dalim?

Heidi: Hajde dalim.

Romeo: S’po tallem.

Ndërkohë që Romeo e merr Heidin për dore, në sfond dëgjohen banorët duke thënë: Jo, jo nuk do largoheni.

View this post on Instagram

A post shared by Big Brother Alb VIP Edition (@bigbrotheralb_vip)

The post Ia propozon prapë, a do të largohen Romeo dhe Heidi nga shtëpia? appeared first on Albeu.com.

Ilnisa: Kjo kohë që po kaloj këtu po më bën të kuptoj se sa e rëndësishme është jeta jashtë dhe se sa shumë të merr malli për gjërat që si ke vërejtur më parë.

Meriton: Si do e shijosh kohën jashtë?

Ilnisa: Do hap krahët çdo 15 minuta, kur të jem duke ecur me makinë me shpejtësi dhe në një udhëtim të gjatë.

View this post on Instagram

A post shared by Big Brother Alb VIP Edition (@bigbrotheralb_vip)

The post Meritoni dhe Ilnisa flasin për planet e tyre pasi të dalin nga “BBV3” appeared first on Albeu.com.

Në historinë që ajo ka ndarë me “Ka Një Mesazh Për Ty” nga “E Diela Shqiptare” në Klan, ajo zbulon se gjithçka shkonte mirë në fillim, por pas ardhjes së djalit në jetë nuk e kishte ndihmën e bashkëshortit.

Sidorela: Ka 3 vjet që jam vetëm, jam divorcuar. Ka qenë shumë e vështirë, Ardit.

Ardit Gjebrea: Po pse?

Sidorela: Është shumë e vështirë që një nënë e vetme të rrisë një fëmijë, pa ndihmën e askujt, pa ndihmën e bashkëshortit.

Ardit Gjebrea: Po çfarë ndodhi me të?

Sidorela: S’e di, gjërat u ftohën, filluan zënkat, dhuna, tradhtia nga ana e tij. Kur ra tërmeti iku në Gjermani. Unë kam ndenjur rrugëve me çunin sepse siç e dini edhe ju, tërmeti në Durrës shkatërroi çdo gjë, kemi fjetur jashtë. Por edhe atje nuk është se më ndihmonte me ndonjë gjë, kërkonte ndihmë nga unë. Unë çfarë do bëja me një rrogë 300 mijë Lekë?

Ardit Gjebrea: Ai në Gjermani kërkonte ndihmë nga ty?

Sidorela: Po. Sepse ai nuk punonte, ai punonte thjesht për veten e vet, jo për mua dhe djalin që ne kishim në jetë.

Ardit Gjebrea: Kishte kohë edhe të tradhtonte?

Sidorela: Po. E kam kapur në telefon kur erdhi në Shqipëri, foto.

Ardit Gjebrea: Me kë?

Sidorela: Me atë zonjën që unë nuk dua fare t’i përmend këto gjëra se të vrasin.

Ardit Gjebrea: Qartë. Shqiptare apo gjermane?

Sidorela: Shqiptare. Një shqiptare mbi 40.

Ardit Gjebrea: Ishte ai që e bëri ndarjen apo e bëre ti?

Sidorela: Jo, e kam bërë unë ndarjen sepse erdhi nga Gjermania dhe pastaj filluan zënkat pa pushim. Sa vinim në shtëpi, vetëm sherr.

Ardit Gjebrea: Çfarë bënte?

Sidorela: Ai rrinte, unë punoja. Priste çdo gjë nga mua.

Ardit Gjebrea: Sherret bëheshin në sy të çunit?

Sidorela: Po. Çuni aty ishte.

Ardit Gjebrea: Sa vjeç ishte çuni?

Sidorela: Çuni ishte i vogël, 3 vjeç.

Ardit Gjebrea: Por kuptonte.

Sidorela: Shumë.

Ardit Gjebrea: Shikonte.

Sidorela: Normale.

Ardit Gjebrea: Reagonte?

Sidorela: Reagonte me raste, por ai e ka dashur shumë babain e vet, ai e do shumë babain e vet pavarësisht se ai pothuajse e ka harruar fare.

The post “Burri më rrihte dhe më tradhtonte”, gruaja tregon historinë e trishtë të jetës së saj: Kam fjetur jashtë kur ra tërmeti appeared first on Albeu.com.

Domatet
Të pasura me vitaminë C, kalium dhe lëndë të tjera ushqyese të shëndetshme, domatet janë më të mirë kur lihen në banak, veçanërisht nëse planifikoni t’i hani ato në ditët në vijim, thotë Dana Greene, RD, një dietologe e regjistruar në Boston. “Temperaturat e ftohta do të ndikojnë në strukturën dhe aromën e domates.” Një studim i botuar në vitin 2020 në Frontiers Plant Science, nuk gjeti asnjë ndryshim në ngjyrën apo shijen e domateve të mbajtura në frigorifer krahasuar me ato të mbajtura në banak.

Patatet
Asnjëherë mos i ruani patatet në frigorifer. I ftohuri e kthen niseshtenë e patates në sheqer dhe kur patatja piqet ose skuqet, këto sheqerna mund të prodhojnë akrlamid kimik që shkakton kancer, sipas Public Health England, një agjenci ekzekutive e Departamentit të Shëndetit dhe Kujdesit Social në Mbretërinë e Bashkuar. Në vend të kësaj, ruajini ato në një vend të freskët dhe të errët, sugjeron thotë Robin Foroutan, RD, dietolog i mjekësisë integruese në Morrison Center në Neë York City. Errësira i ndalon patatet të bëhen jeshile.

Kungulli i dimrit
Mbajini kungujt e dimrit në një vend të freskët dhe të errët, thotë Foroutan. Pjesa e jashtme e fortë e kungujve të dimrit mbron pjesën e brendshëm për periudha të gjata kohore, thotë ajo.

Kafeja
Nuk është e pazakontë të shohësh kanaçe kafeje në frigorifer, por ky nuk është vendi më i mirë për të ruajtur kafenë, thotë Greene. “Kafeja ka shumë të ngjarë të marrë aromën e produkteve të tjera përreth saj kur është në frigorifer.” Ajo sugjeron ta mbani kafenë tuaj të bluar në një enë të mbyllur larg rrezeve të diellit për të ruajtur aromën e saj.

Bananet
Nëse keni vendosur ndonjëherë banane në frigorifer, me siguri e keni vënë re që ajo merrte një ngjyrë kafe të errët. Pra ajo nuk supozohet të futet në frigorifer, thotë Foroutan. Bananet duhet të mbahen në temperaturën e dhomës. “Bananet lëshojnë një gaz që pjek fruta të tjerë, kështu që bananet mbajini larg frutave të tjerë,” shton Foroutan.

Gjalpi
Gjalpi përhapet më mirë kur mbahet në temperaturën e dhomës sipas Departamentit të Bujqësisë të Shteteve të Bashkuara (USDA).

Borziloku
Bimët si borziloku dhe rozmarina do të thahen shumë shpejt dhe do të humbasin aromën e tyre nëse i mbani në frigorifer, thotë Greene. Në vend të kësaj, ajo sugjeron t’i vendosni larg rrezeve të diellit në një gotë me ujë.

Buka
Mbajtja e bukës në frigorifer do ta mbrojë atë nga myku në periudha të gjata kohore por kjo do i prishë shijen thotë Greene. “Buka në frigorifer thahet dhe nuk është aq e shijshme,” thotë ajo. Sipas USDA, buka mund të ruhet në temperaturë dhome për dy deri në katër ditë dhe shtatë deri në 14 ditë në frigorifer.

Pjepri
Mbajtja e shalqirit dhe pjeprit në temperaturë dhome maksimizon vlerën e tyre ushqyese. Kur ruhet në temperaturë dhomë shalqiri ka dyfishin e sasisë së antioksidantit beta karoten dhe 20 përqind më shumë likopen sipas një studimi në Journal of Agriculture and Food Chemistry. Sidoqoftë kur pjepri dhe shalqiri janë të prerë kjo është një histori tjetër, thotë Greene. “Ruajtja e pjeprave të prerë në temperaturën e dhomës mund të çojë në rritjen e baktereve.”

Qepa
Në qoftë se nuk priten ose qërohen, qepët duhet të mbahen në një vend të freskët, të thatë, të errët dhe të ajrosur mirë, vëren Shoqata Kombëtare e Qepëve. Mungesa e ajrimit do ta zvogëlojë jetëgjatësinë e tyre të magazinimit. Por qepët e qëruara ose të prera duhet të futen në frigorifer.

Hudhra

Hudhra mbahet e freskët në temperaturën e dhomës gjithashtu, sugjeron Greene.

Agrumet
Kjo varet nga ju, thotë Foroutan. “Agrumet nuk duhet të rrinë në frigorifer, por në qoftë se ju nuk do t’i hani ato menjëherë mund t’i vendosni në frigorifer.” E njëjta gjë vlen dhe për të gjitha frutat tropikale si mango, kivi dhe ananasi. “

Avokado
Mbajini këto fruta në temperaturën e dhomës, thotë Foroutan. Por kjo këshillë ka vlerë vetëm nëse do i hani së shpejti. “Përndryshe, mbajini në frigorifer”, thotë ajo.

Mjalti
Mbajeni mjaltin në një enë të mbyllur fort në një vend të freskët larg rrezeve të diellit, thotë Greene. “Nëse e mbani në frigorifer, mund të ngurtësohet, duke e bërë më të vështirë përdorimin”, shton ajo.

Gjalpi i kikirikut
Mbase shqiptarët nuk e përdorin shumë gjalpin e kikirikut por nëse e preferoni duhet ta dini që ai ruhet në temperaturën e dhomës. “Gjalpi i kikirikut bëhet më i mirë në një vend të thatë dhe të freskët”, thotë Foroutan.

Ketchup

Ketchup-i i pahapur do të zgjasë të paktën një vit, sipas Institutit të Tregut të Ushqimit dhe Institutit të Shkencës së Ushqimit të Universitetit Cornell. Pasi të hapet, duhet të përdoret brenda një muaji nëse ruhet në dhomë ose brenda gjashtë muajve nëse ruhet në frigorifer.

The post Kujdes, janë plot 16 produkte që nuk duhet t’i mbani kurrë në frigorifer appeared first on Albeu.com.

Mirëpo së fundmi ka qenë Albi ai që ka tërhequr vëmendjen e të gjithëve. Mbrëmjen e djeshme Albi është parë në një klub me Tolën, ish-konkurrente të programit.

Tola dhe Albi kanë pasur pëlqim për njëri-tjetrin dhe kanë bërë disa takime së bashku. Pas daljes nga “Përputhen”, Tola është shprehur në një intervistë se nëse Albi do dilte beqar nga programi do donte të vazhdonin njohjen.

The post I deklaruar për Alesian, por jashtë Albi i kthehet pëlqimit të dikurshëm (FOTO LAJM) appeared first on Albeu.com.