Foto ilustruese
Një 22-vjeçare është dëmtuar aksidentalisht në plazhin e njohur si Gjiri i Fillikurit në Himarë.
Ajo ndodhej aty prej disa ditësh për të kaluar pushimet verore.
Ajo është transportuar drejt spitalit të Himarës, ku po merr kujdesin e nevojshëm nga mjekët.
Fatmirësisht bëhet me dije se ajo ndodhet jashtë rrezikut për jetën.
Njoftimi i Policisë:
Himarë/Informacion paraprak
Sot, rreth orës 17:45, pas marrjes së një telefonate në sallën Operative Himarë, se një shtetase në vendin e quajtur “Gjiri i Filikurit”, ishte dëmtuar aksidentalisht, në plazhin ku ishte duke pushuar dhe kërkonte ndihmë mjekësore, shërbimet e Policisë Kufitare Himarë kanë kaluar menjëherë dhe kanë bërë të mundur dhënien e parë të ndihmës mjekësore si dhe transportin e shtetases australiane K. S., 22 vjeçe, në Portin e Himarës dhe më pas me autoambulancë për në spitalin e Himarës.
22-vjeçarja aktualisht ndodhet në spital, nën kujdesin e mjekëve, jashtë rrezikut për jetën.
Grupi hetimor vijon punën për sqarimin e plotë të rrethanave të ngjarjes./albeu.com/
