Partia Demokratike ka reaguar për 11.7 ton akullore kancerogjene që janë konsumuar në Shqipëri.
Sipas PD, investigimi i bërë nga “Alert” tregoi qartë se situata është mjaft shqetësuese dhe se shëndeti i qytetarëve është në rrëzik nga korrupsioni galopant i zyrtarëve.
Deklaratat PD i bëri përmes Dhurata Çupit e cila ka postuar një status të gjatë në Facebook-un e saj lidhur me këtë çështje.
Postimi i plotë i Dhurata Çupit:
Korrupsioni masiv në veprimtarinë e Autoritetit Kombëtar të Ushqimit ka sjellë pasoja të rënda për shëndetin e popullsisë.
Plot 11. 7 ton akullore me përmbajtje kancerogjene (oksid etileni në stabilizuesin lygomme) janë konsumuar nga fëmijët e të rriturit në muajt e fundit në Shqipëri.
Alarmi për akulloret u dha disa javë më parë nga BE pasi kompania prodhuese kishte konstatuar përmbajtjen kancerogjene në disa prej produktet e saj duke njoftuar tërheqjen nga tregjet e Bashkimit Europian.
Qeveria, AKU reagoi me vonesë ndaj kësaj situate duke bërë që produktet e rrezikshme të futeshin në vend, dhe një pjesë e mirë e tyre të konsumohen.
Po ashtu, një investigim i Qendrës “Alert” përmes 5 kampionëve të ndryshme në Tiranë ka zbuluar se akullore artizanale rezultojnë me eneterobaktere dhe stafilokok, deri në 10 herë më shume sesa normat e lejuara.
Ndryshimet e shpeshta të drejtorëve gjobvënës të AKU, emërimet politike jo profesionale, praktikat korruptive të inspektimeve për sy e faqe, kanë sjellë në këtë situatë të frikshme për familjet. Nuk kanë siguri për konsumimin e produkteve.
Siguria ushqimore, në kushtet e importit të lartë të produkteve, është parësore./albeu.com
