Influencuesi Ben Bader ndërroi jetë më 23 tetor në moshën 25 vjeçare, gjë që u konfirmua nëpërmjet një postimi në TikTok nga e dashura e tij Reem.
Lajmi për vdekjen e papritur i tronditi shumë ndjekës, dhe Bader ishte i njohur për ndarjen e këshillave për stilin e jetës dhe ato financiare në platforma si Instagram, TikTok dhe X, ku kishte më shumë se 200 mijë ndjekës.
Në një postim emocional, Reem e përshkroi Baderin si një person jashtëzakonisht të sjellshëm dhe bujar.
“Beni ishte personi më i sjellshëm, më i kujdesshëm dhe bujar që kam takuar ndonjëherë. Ai i donte vërtet të gjithë ata që takonte dhe gjithmonë përhapte energji pozitive”, shkroi ajo.
Ajo shtoi se vdekja ishte krejtësisht e papritur.Bader e ndërtoi karrierën duke ndarë përmbajtje edukative rreth financës dhe investimeve, si dhe duke drejtuar kurse dhe duke dërguar buletine me e-mail me këshilla.
Videoja e tij e fundit në TikTok u postua pikërisht ditën e vdekjes së tij.
Vetëm një muaj më parë, më 22 shtator, ai kishte festuar ditëlindjen e 25-të me miqtë.
