Mëngjesin e sotëm, një i ri nga Shkodra, rreth 30-vjeç, është gjetur i dhunuar pranë rreth rrotullimit të Shëngjinit në Lezhë.
Burime bëjnë me dije se ai ka patur fraktura në kokë, teksa është marrë nga autoambulanca, e cila e ka çuar drejt spitalit të Lezhës.
Sipas informcioneve, mësohet se pasi ka marrë ndihmën e parë në këtë spital, i riu është dërguar më pas në spitalin e Traumës në Tiranë.
Policia ka nisur hetimet për zbardhjen e ngjarjes, teksa ende nuk dihen se si kanë ndodhur rrethanat e këtij rasti.
Dyshimet janë se i riu nga Shkodra, mund të jetë dhunuar nga persona ende të paidentifikuar dhe më pas është lënë pa ndjenja në rrugë.
