Vera sapo ka nisur dhe vendi ka shënuar temperatura të larta. Nëse jeni një person që s’e duroni dot të nxehtin, albeu.com ju tregon më poshtë disa mënyra si ta “luftoni” atë.
Hidratimi
Nëse pirja e shumë lëngjeve është shumë e rëndësishme gjatë dimrit, mendoni se sa e nevojshme është në verë. Gjithmonë sigurohuni që të keni me vete një shishe me ujë të freskët ose temperaturë dhome dhe të pini edhe më shumë nëse ushtroheni. Shmangni shumë kafeinë, alkool dhe pije joalkoolike sepse ato shkaktojnë më shumë humbje të lëngjeve të trupit.
Ushqimi i ekuilibruar
Ushqimi i duhur në rastin e goditjes nga nxehtësia është dyfish i rëndësishëm. Së pari, ju jep energjinë e nevojshme për të përballuar detyrimet e ditës, pavarësisht temperaturave të larta dhe së dyti, ruan ekuilibrin e lëngjeve të trupit. Për ta arritur këtë, rrisni sasinë e perimeve dhe frutave që kanë përmbajtje të lartë uji dhe shmangni ushqimet e skuqura, ushqimet e padëshiruara dhe ushqimet që ju “rëndojnë”. Këshillë shtesë: vendosni më shumë kos në dietën tuaj sepse është hidratues, plot probiotikë, vitamina dhe minerale.
Kamuflazh
Po, orët më të rrezikshme janë në mesditë, por mund të merrni djegie nga dielli edhe në mëngjes. Asnjëherë mos dilni nga shtëpia nëse nuk keni vënë krem kundër diellit për të mbrojtur lëkurën tuaj, nëse nuk mbani syze dielli, kapele dhe rroba të bëra prej pëlhure të ftohtë dhe në nuanca të lehta, në mënyrë që të mos thithin rrezatim.
Ndryshimi rutinë
Nëse ju pëlqejnë shëtitjet e gjata ose ushtrimet në natyrë, është koha ta rishikoni përkohësisht. Zgjidhni ambiente të mbyllura me ajër të kondicionuar dhe kufizoni kohën që kaloni jashtë ose prisni deri në perëndim të diellit. Sado praktik që jeni, sigurohuni që të bëni pushime të shkurtra në mes për të qëndruar të hidratuar.
Dush i ftohtë
Pasi të keni arritur kufijtë tuaj, zgjidhja më e mirë në temperatura të larta është një dush i shpejtë i ftohtë ose të mbushni vaskën tuaj me ujë të freskët (por jo të akullt) dhe të relaksoheni për 15 minuta. Megjithatë, nëse ndiheni të trullosur, të dobët, të gulçuar ose keni të përziera, telefononi menjëherë mjekun ose ndihmën e parë./albeu.com
