Dy adoleshentë nga Kosova janë arrestuar sot në Tropojë, pasi akuzohen se i vodhën me dhunë çantën e dorës një qytetareje. Të arrestuarit janë V. M. 21 vjeç dhe R. R. 18 vjeçe, banues në Kosovë.
Policia e Tropojës njofton se pas marrjes së kallëzimit nga qytetarja me inicialet S. B., banuese në fshatin Dojan se i vodhën çantën ku brenda së cilës kishte një sasi parash dhe një telefon, arriti që t’i arrestonte hajdutët.
Policia thotë se gjatë kontrollit të ushtruar në dhomën e një hoteli në qytetin e Tropojës, ku autorët ishin akomoduar u gjetën dhe sekuestruan sendet e vjedhura: një aparat celular dhe një sasi lekësh.
Gjithashtu janë gjetur 9 fishekë pistolete, 4 telefona celularë dhe maska anticovid që dyshohen se i kanë pasur me vete gjatë kryerjes së vjedhjes.
