Një 61-vjeçar ka mbetur i plagosur si pasojë e një aksidenti të ndodhur mëngjesin e sotëm në aksin rrugor “Shkodër-Tiranë”, në fshatin Beltojë.
Ngjarja ka ndodhur rreth orës 06:45.
Sipas policisë shtetasi L. V., 61 vjeç, duke lëvizur me motoçikletë, ka humbur kontrollin mbi drejtimin e mjetit dhe është rrëzuar. Si pasojë e dëmtimeve të marra, 61-vjeçari është dërguar në Spitalin Rajonal Shkodër, ku dhe po merr asistencën mjekësore.
Grupi hetimor po vijon punën për sqarimin e rrethanave të aksidentit.
/Albeu.com.
