Një turiste gjermane ka ndërruar jetë në Shalë të Shkodrës, pasi kishte rënë në greminë gjatë ngjitjes në mal, në vendin e quajtur “Shpella e Harapit”.
“Mesditën e sotme, salla operative e Komisariatit të Policisë Shkodër ka marrë njoftim nëpërmjet një telefonate se shtetasja gjermane R. P., 31 vjeçe, duke u ngjitur në mal, bashkë me një shtetas tjetër gjerman, në vendin e quajtur “Shpella e Harapit”, Shalë, Shkodër, kishte rrëshkitur dhe kishte rënë në greminë.
Si pasojë e dëmtimeve, kjo shtetase ka humbur jetën.
Shërbimet e Policisë janë nisur në vendin e ngjarjes, bashkë me shërbime të specializuara, për të nxjerrë trupin e pajetë të kësaj shtetaseje, nga terreni i vështirë malor ku ka rënë. Grupi hetimor vijon punën për sqarimin e rrethanave të kësaj ngjarjeje”, thuhet në njoftimin e policisë.
Kutjomë se dhe një tjerër gjerman ka ndërruar jetë në Gjirokastrës orët e para të mëngjesit të sotëm. Shkak dyshohet se ishte arresti kardiak, ndërsa hetimet vijojnë.
