Në një zbulim emocionues, Ledion Liço tregoi se Stenaldo, një djalë i verbër, kishte hyrë në shtëpi ditë përpara nisjes zyrtare të shfaqjes. Ai është banori i parë me aftësi të kufizuara që merr pjesë në këtë format VIP në Shqipëri, duke hapur një kapitull të ri për përfshirjen dhe diversitetin në media.
Hyrja e tij e hershme ishte e domosdoshme për të mësuar përmendësh ambientin dhe strukturën e shtëpisë, për të mundësuar lëvizjen e tij të pavarur. Ky detaj është një hap i rëndësishëm drejt krijimit të një shoqërie më të ndjeshme dhe më të hapur ndaj individëve me aftësi të kufizuara.

Sonte, Stenaldo u bashkua zyrtarisht me banorët e tjerë, duke sjellë një mesazh të fortë të gjithëpërfshirjes dhe forcës. Ky moment i jashtëzakonshëm i ka dhënë këtij edicioni një ngjyrim të veçantë dhe një hap të madh drejt normalizimit të diversitetit në ekranin shqiptar.

Ky është një hap përpara jo vetëm për “Big Brother VIP Albania”, por edhe për televizionin shqiptar, që po tregon se formati i njohur mund të jetë një platformë për t’u bërë më i hapur dhe më i pranueshëm për të gjithë.

The post Për herë të parë në historinë e “BBA” bëhet pjesë e kastit një banor i verbër! appeared first on Albeu.com.

Reperi tregoi përmes një shkrimi prekës se gjyshi i tij ka pësuar një goditje në tru dhe ka mbetur i paralizuar në gjysmën e trupit:

“Gjyshi im, pas një sulmi në kokë, mbeti gjysmë i paralizuar dhe me shumë mundim, e vetmja fjalë që arriti të shkruante në letër ishte fjala ‘Ndihmë’. Zoti e ndihmoftë!”

Në një tjetër story, Getinjo reflektoi më gjatë mbi fuqinë e jetës dhe dëshirën për të jetuar, sidomos te brezi i vjetër që ka përballuar humbje, vështirësi dhe dhimbje:

“Kur një plak 85-vjeçar, i cili ka përcjellë në varr dy djemtë e tij, vazhdon ta dojë jetën dhe kërkon ndihmë sepse ka ende dëshirë të jetojë, të tregon sesa e ëmbël është jeta. Ne, brezi i sotëm, shpesh ankohemi: ‘s’jetohet’, ‘jeta është e vështirë’, njëra kështu, tjetra ashtu. Kënaquni, sepse shpejt vjen një moment ku nuk kthehesh më.”

Histori të tilla, sado të vështira, na kujtojnë sesa e brishtë dhe njëkohësisht e çmuar është jeta dhe sa shumë kemi për të mësuar nga ata që e kanë jetuar më gjatë se ne.

The post Getinjo ndan një histori sa të trishtë, aq edhe frymëzuese për gjyshin e tij appeared first on Albeu.com.

Në një video të publikuar në InstaStory, ndërsa shihej në rrugë për në Slloveni, ajo tregoi se i kishte rënë të kalonte përmes Serbisë – dhe aty u ishte nënshtruar një sjelljeje dashakeqe nga doganierët serbë.

Sipas saj, doganierët e pyetën disa herë rreth dokumenteve të saj, në një mënyrë që ajo e konsideroi krejtësisht të panevojshme.

“Më pyetën: çfarë pasaporte ke? U thashë atë finlandeze. Më pyetën: a ke tjetër? U thashë atë të Zvicrës. Tjetër? U thashë pasaportën e Anglisë. E ndonjë tjetër? Ju thashë: çfarë po doni më shumë? Donin ta dinin gjithsesi a e kam të Kosovës apo jo. Çfarë idiotash,” tha Xhuli në video, e irrituar nga situata që përjetoi.
Përveç kësaj, influencerja tregoi se gjatë këtij udhëtimi kishte pësuar edhe një aksident, i cili, fatmirësisht, nuk kishte shkaktuar lëndime, por vetëm dëm të vogël në veturën e saj.

Rrëfimet e Xhulit shpesh marrin vëmendje në rrjetet sociale, dhe kjo histori e fundit ka ngjallur sërish reagime, sidomos për shkak të përballjes së saj me autoritetet serbe gjatë udhëtimit.

The post Xhuli rrëfen një tjetër histori të pazakontë: Dogana serbe u soll keq, deshën të dinin patjetër a kam pasaportë të Kosovës – ani pse i pata tri të tjera appeared first on Albeu.com.

Kjo situatë krijon pasiguri, veçanërisht para takimit të ardhshëm të Rezervës Federale (Fed). Nuk dihet sa do të zgjasë bllokimi, që në të kaluarën ka qenë edhe më i gjatë, raporton cnbc.

Në këtë klimë pasigurie, asetet me rrezik humbën vlerë, ndërsa ari, i konsideruar si strehë e sigurt në kohë krizash ekonomike apo politike, vazhdoi të rritet dhe arriti çmimin rekord prej rreth 3900 dollarësh për “ounce”.
Analistët mendojnë se çmimi i arit mund të arrijë edhe 4000 dollarë ose më shumë, duke u përkrahur nga faktorë si konflikte politike, tarifat dhe kërkesa në rritje nga investitorët dhe bankat qendrore.

Investitorët po kërkojnë gjithnjë e më shumë të diversifikojnë portofolin e tyre drejt arit, që megjithatë aktualisht përbën vetëm një pjesë të vogël të investimeve globale.

Pritet që rritja e çmimit të vazhdojë edhe në vitet e ardhshme, me një ngadalësim të mundshëm rreth fundit të vitit 2026, por me çmime që do të mbeten historikisht të larta.

The post Çmimi i arit arrin nivelin më të lartë në histori appeared first on Albeu.com.

Duke u aktivizuar në këtë sfidë, Gjimshiti do të vendosë një gur themeli të rëndësishëm për futbollin shqiptar. Kjo do të jetë ndeshja e tij e 30-të në Ligën e Kampioneve në fazën në grupe e më tej të turneut, pa llogaritur kualifikueset, duke qenë ai rekordmeni absolut për futbollistët e Kombëtares shqiptare.

Në karrierën e tij në këtë turne, ai regjistron dhe një gol të shënuar, atë ndaj Shakhtar Donjeck në edicionin e kaluar të Ligës së Kampioneve, po në fazën në grup të saj.

The post Berat Gjimshiti shkruan historinë në Ligën e Kampioneve, bëhet futbollisti i parë i Shqipërisë që… appeared first on Albeu.com.

Në moshën 1 vjeç, ajo u bë trashëgimtarja e një dhimbjeje që nuk i përkiste. Në moshën 10-vjeçare, përjetoi një tjetër humbje të madhe – nënën e saj, e cila ndërroi jetë nga kanceri në moshën 42-vjeçare. “Na mësoi të jetonim pa të, ndonëse asnjëherë nuk ishim gati,” rrëfen Danela.

Por drama nuk përfundon këtu. Vetëm 14 vjeç, ajo u fejua me mblesëri nga babai i saj. “I thoja gjithë rrugës ku po më çon, jam fëmijë,” kujton ajo. Djali ishte 32 vjeç. E trembur, por pa zë, tha “po”. Pak kohë qëndroi në shtëpinë e tij, derisa u ngrit një mëngjes herët, mori autobusin dhe iku. Më pas, një dashuri tjetër, një bashkëjetesë 8-vjeçare dhe tentativa për t’i dhënë fund jetës disa herë.

Nga Shqipëria, në Napoli, ku punoi në bujqësi, dhe më pas në Maltë, ku brenda tre muajve mësoi anglisht dhe nisi një rrugëtim të ri në botën e modelingut. Një jetë e ndërtuar mbi dhimbjen, por edhe mbi një forcë të pazakontë për të mos u dorëzuar.

The post Një jetë mes dhimbjes dhe forcës/ Historia tronditëse e Danelës: Vëllai lindi ‘dragua’, mami nuk e pranonte appeared first on Albeu.com.

Ngjarjet e vitit 1997 janë nga më të dhimbshmet e historisë së Shqipërisë. Shteti pothuajse u “shkri” dhe i gjithë populli u ngrit në protesta masive. Një vit mjaft i vështirë dhe i trazuar. Në këtë periudhë një ngjarje tronditi familjen e Mariusit.

Marius: Një komshi ka qenë duke qëlluar me armë zjarri në ajër, është rrëzuar aksidentalisht dhe ka ngelur gishti tek këmbëza e kallashnikovit. Një plumb kam marrë unë në pjesën e nofullës dhe pesë plumba ka marrë mami im. Në pjesën e barkut dhe të këmbëve, ai ishte moment që unë e vuaj edhe sot e kësaj dite. Pasojat e asaj ngjarje, pasi në periudha të ndryshme të fëmijërisë më është dashur të kryej disa operacione kirurgjikale.

Erjona: Fillimisht ti qëndrove 20 ditë në gjendje kome.

Marius: Për fatin tim të mirë unë nuk mbaj mend asgjë të asaj periudhe por mbaj mend ato peripecitë që kam hasur, ndërhyrjet e herëpasherëshme gjatë zhvillimit dhe rritjes sime. Plumi kishte prekur gjendrën e pështymës, gjuha ime ka qenë e këputur për shkak të plumbit.

Erjona: Ndërkohë mami mori pesë plumba dhe ia hodhi për mrekulli duhet thënë…

Marius: Po, nuk ka le të themi pasoja apo siklete të mbartura prej asaj ngjarje. Normalisht që ka qenë vuajtje por me rëndësi është që sot jemi gjallë dhe jemi mirë dhe po e përballojmë më së miri.

The post Trondit Zebërvoki: Një pl*mb mora unë, mami pesë! appeared first on Albeu.com.

Meteorologia Tamsin Green thotë se qershori, korriku dhe gushti do të jenë mbi mesataren për sa i përket temperaturave. Pika të nxehta, sipas saj, mund të ketë edhe në Europën Jugore dhe Lindore.

Europa Perëndimore mund të regjistrojë reshje mesatare në qershor, më pas parashikohen reshje mbi mesataren për Europën Jugore në korrik, por kushte më të thata në Lindje.

Gushti, shton ajo, mund të jetë më i thatë për pjesën më të madhe të kontinentit. Siç edhe raportojnë mediat e huaja, Gjermania dhe vendet nordike, do të përballen që javën e ardhshme me temperatura të pazakonta.

Spanja gjithashtu po bëhet gati për temperaturat ekstreme, teksa ka nxjerrë një hartë të re me parashikime të përditësuara.

Rreziku i një të nxehti përvëlues ka vënë në hall edhe organizatorët e Lojërave Olimpike të Parisit, të cilët kanë detyrën të kujdesen për sigurinë e atletëve. Qytetet anekënd kontinentit janë duke tentuar të marrin masa për t’u përshtatur me të nxehtin ekstrem.

The post Paralajmërimi i ekspertëve: Bëhuni gati për verën më të nxehtë në histori appeared first on Albeu.com.

Këngëtarja 22-vjeçare dhe vëllai i saj Finneas O’Connell, 26 vjeç, morën nderin gjatë ceremonisë së së dielës pasi performuan këngën e tyre në shfaqje.

Është Oscar-i i dytë që dyshja marrin çmimin pasi fituan ‘këngën më të mirë origjinale’ në 2022 për melodinë e temës së James Bond, “No Time to Die”, shkruan DailyMail.

Si rezultat, Billie u bë personi më i ri ndonjëherë që fitoi më shumë se një çmim Oscar, me Finneas-in i dyti më i riu.

Fitorja e tyre pasoi nga një spastrim i suksesshëm i këtij sezoni çmimesh, duke e bërë Billien gruan e parë që ka fituar ndonjëherë “Triple Crown”, një Oscar, një Grammy dhe një Golden Globe për muzikën e filmit, dy herë.

What was I made for? ishte kundër këngës tjetër të “Barbie”, “I’m Just Ken”, (Ryan Gosling), si dhe “It Never Went Away” e “American Symphony”, “The Fire Inside e Flamin’ Hot” dhe “Wahzhazhe” të “Killers of the Flower Moon”.

The post Billie Eilish bën histori në ndarjen e çmimeve, fiton Oscar-in e dytë për “Këngën më të mirë” appeared first on Albeu.com.

Këtë herë, e ftuar në “Natën me Aulonën”, Mikela tha se lidhja vijon prej një viti e gjysmë tashmë dhe bashkëjetojnë.

Mikela Pupa: 1 vit bashkëjetojmë, 1 vit e gjysmë bashkë që njihemi.

Aulona Musta: Si është bashkëjetesa?

Mikela Pupa: Mirë, shumë mirë. Zihemi vetëm për punët e shtëpisë. Vetëm këtë problem kemi.

Aulona Musta: Pse? Kush është më rrëmujaxhi?

Mikela Pupa: E bukura është që jemi të dy rrëmujaxhinj, por unë sikur pastroj një çikë më shumë dhe i them hajde pastrojmë të dy njësoj. Është shumë mirëkuptues, shumë i dashur. Unë kam ato ulje-ngritjet e mia si Binjak, jemi të dy Binjak, por unë i kam pak më të theksuara të dyja polet e Binjakëve dhe dua ato ledhet e përkëdheljet e mia, jam një fëmijë 5 vjeç, pastaj mërzitem pse s’kam bërë punët dhe çohem, dhe e marr, çohu dhe ti me mua tani.

The post “I kam propozuar vetë” Mikela Pupa rrëfen historinë e saj të dashurisë appeared first on Albeu.com.