Shtëpia e Bardhë njoftoi se presidenti i SHBA Joe Biden dhe presidenti ukrainas Volodymyr Zelensky diskutuan “ngjarjet e fundit” në Rusi, në vazhdën e rebelimit të shkurtër të Yevgeny Prigozhin dhe luftëtarëve nga grupi paraushtarak Wagner.
“Ata diskutuan kundërofensivës së vazhdueshme ukrainase dhe Presidenti Biden ripohoi mbështetjen e palëkundur të Shteteve të Bashkuara”, thuhet në deklaratën e Shtëpisë së Bardhë.
Volodymyr Zelensky, në një postim në rrjetet sociale, tha se ai foli sot me homologun e tij amerikan, Joe Biden, për rebelimin e ndërprerë nga grupi mercenar paraushtarak Wagner, duke shtuar se ngjarjet treguan dobësinë e udhëheqjes së presidentit rus Vladimir Putin.
“Ne diskutuam rrjedhën e armiqësive dhe “proceset” që po ndodhin në Rusi. Bota duhet të ushtrojë presion mbi Rusinë derisa të rivendoset rendi ndërkombëtar”, tha presidenti ukrainas Zelensky dhe Biden diskutuan gjithashtu zgjerimin e mëtejshëm të bashkëpunimit të mbrojtjes me theks në armët me rreze të gjatë.
Kryeministri kanadez Justin Trudeau gjithashtu njoftoi më herët sot se ai diskutoi situatën e sigurisë në Rusi me presidentin ukrainas Volodymyr Zelensky.
“Volodymyr, Kanadaja është e përkushtuar të qëndrojë pranë Ukrainës dhe t’u ofrojë ukrainasve mbështetjen që u nevojitet”, shkroi Trudeau në Twitter.
