Gjyqtari Astrit Kalaja u qëllua me 3 plumba për vdekje në sallën e gjyqit, reagon delegacioni i BE-së: Shqipëria të rrisë sigurinë e gjyqtarëve dhe prokurorëve

Delegacioni i Bashkimit Evropian në Tiranë ka reaguar për ngjarjen e rëndë të vrasjes së gjyqtarit të Apelit në Tiranë, Astrit Kalaja.

Në reagimin e saj, EUDEL shprehet se është e tronditur nga akti i dhunës që rezultoi në vrasjen e gjyqtarit Astrit Kalaja dhe plagosjen e dy qytetarëve shqiptarë.

Gjyqtari u vra në sallën e gjyqit, 31 familjet që fituan çështjen fajësojnë shtetin: Na e dha ne truallin, më pas ia fali Gjon Shkambit

Ministri i Drejtësisë: Ndëshkim me të gjithë forcën e ligjit aktit kriminal, siguria e njerëzve të drejtësisë, vijë e kuqe që s’duhet kaluar!

Vrasja e gjykatësit Astrit Kalaja, policia ndalon punonjësin e sigurisë/ Ishte përgjegjës për skanerin në hyrjen e institucionit

Vrasja e gjyqtarit Astrit Kalaja, reagon SPAK: Akt i rëndë! Thirrje urgjente për rritjen e sigurisë në dhe forcimin e masave mbrojtëse për punonjësit e drejtësisë

“Ne e dënojmë fuqimisht këtë akt kriminal.

Shprehim ngushëllimet tona më të thella familjes së gjyqtarit Kalaja.

Kjo tragjedi nxjerr në pah nevojën akute që Shqipëria të rrisë sigurinë e gjyqtarëve dhe prokurorëve dhe të marrë të gjitha masat e nevojshme për të siguruar sigurinë në sallat e gjyqit.

BE-ja qëndron e vendosur në mbështetjen e saj për konsolidimin e reformës në drejtësi dhe për ruajtjen e sundimit të ligjit në vend”, thuhet në reagimin e Delegacionit të Bashkimit Evropian.