GJKKO heq kufizimet anti-covid brenda seancave gjyqësore për pjesëmarrjen në gjykatat e vendit.
Tashmë pjesmarrja nuk mund të jet1% më e kufizuar, pasi numri i rasteve të reja është ulur ndjeshem.
“Bazuar në gjendjen aktuale të përhapjes së COVID-19, nga autoriteti kompetent, Ministria e Shëndetësisë dhe Mbrojtjes Sociale, në mbështetje të nenit 102, pika 4 të Kushtetutës së Republikës së Shqipërisë, nenit 113 të Ligjit nr. 44/2015 ‘Kodi i Procedurave Administrative i Republikës së Shqipërisë” si dhe në zbatim të Vendimit të Komitetit të Përkohshëm për Infeksionin e Përhapur nga Corona virus i ri nr. 986/3 prot., datë 26.04.2020 është nxjerrë urdhri nr. 273 datë 26.04.2022 “Për shfuqizimin e urdhrit nr.351 datë 29.05.2020 “Për marrjen e masave të veçanta dhe kufizimeve për parandalimin e përhapjes së Covid-19’. Në këto kushte janë shfuqizuar të gjitha masat e veçanta dhe kufizimet e vendosura më parë për parandalimin e përhapjes së COVID-19.
Nisur nga situata aktuale, ku përhapja e COVID-19 është reduktuar ndjeshëm, rezulton se shkaqet të cilat kanë sjellë kufizimet e mëparshme janë minimizuar në nivel kombëtar, duke diktuar kështu heqjen e çdo kufizimi të marrë më parë. Heqja e kufizimeve të mësipërme duhet të reflektojë edhe në masat që gjykatat duhet të marrin lidhur me zhvillimin e gjykimeve.
Në kushtet aktuale, duhet të vlerësohet rast pa rasti nga çdo gjykatë në marrjen e masave organizative specifike në shërbim të transparencës ndaj publikut dhe medias, si dhe ruajtjes së shëndetit të stafit të gjykatës dhe çdo përdoruesi të saj”, thuhet në letrën e GJKKO.
