Karabinierët sekuestruan pasditen e sotme nga rezidenca e nënsekretarit italian të kulturës Vittorio Sgarbi pikturën “Arrestimi i Shën Pjetrit”, të shekullit XVII, e cila i atribuohet piktorit Rutilio Manetti.
Sipas shtypit italian, piktura është vjedhur njëmbëdhjetë vjet më parë nga kalaja e Buriasco-s, jashtë Torinos dhe më pas është gjetur në një ekspozitë në Lucca të Toskanës, në vitin 2021, ku nuk përmendej emri i piktorit që e krijoi, por vetëm se ishte një vepër arti që i përkiste nënsekretarit italian.
Perquisite le case di Vittorio Sgarbi e sequestrato il quadro del Seicento attribuito a Manetti. Il sottosegretario è indagato per riciclaggio di beni culturali pic.twitter.com/HoQNAhqbOe
— Tg3 (@Tg3web) January 12, 2024
Sgarbi shprehet se piktura e vjedhur 11 vite më parë ishte në fakt një kopje dhe se vepra origjinale ka qenë gjithmonë pronë e tij.
Ai këmbëngul se nuk mban përgjegjësi për asnjë veprim të kundërligjshëm dhe ka përjashtuar çdo mundësi për dorëheqjen e tij.
“Secretario de Estado de Cultura italiano, crítico de arte y ¿ladrón de cuadros?
La fiscalía imputa al polémico @VittorioSgarbi por el presunto robo de una obra renacentista de un castillo de Piamonte y su posterior modificación…”
Da El Paìs https://t.co/xWErmclr9c #12gennaio pic.twitter.com/KrBXRAHXVh— ANPI Scuola – Brescia ? (@ANPI_Scuola) January 12, 2024
Sekuestrimi i sotëm u krye me urdhër të prokurorisë në qytetin Macerata, në Italinë qendrore.
Vittorio Sgarbi, falë edhe pjesëmarrjes në emisione të njohura televizive, është një nga kritikët më të shquar të teknikës italiane dhe ishte mik i ngushtë i ish-kryeministrit dhe manjatit italian Silvio Berlusconi.
