Prezantuesit e këtij edicioni, Salsano Rrapi dhe Arilena Ara, njoftuan se televotimi është hapur zyrtarisht për 23 këngëtarët finalistë që do të garojnë në natën finale të së shtunës.

23 këngëtarët finalistë, kanë të bashkëshoqëruar edhe kodin përkatës përmes së cilit shqiptarët mund të votojnë nga Shqipëria dhe Kosova.

Publiku shqiptar do të ketë mundësi që të votojë me SMS nga Shqipëria dhe Kosova, deri në pesë herë nga i njëjti numër telefoni.

Nga Shqipëria mund të votoni në numrin 56789 ku një mesazh kushton 60 lekë, ndërsa nga Kosova votoni në numrin 55789 ku një mesazh kushton 1 euro.

Fituesi i Festivalit të Këngës do të shpallet përmes një bashkimi votash, 50 për qind vlerësimi i jurisë dhe 50 për qind vota e publikut përmes SMS-ve, duke fituar kështu të drejtën për të përfaqësuar Shqipërinë në Eurovision.

Tre netët e Festivalit të Këngës në RTSH, përcollën te spektatorët dhe teleshikuesit, emocione të mëdha, mes këngëve, performancave artistike dhe natës së nostalgjisë, me hitet e famshme muzikore të interpretuara ndër vite në skenën e këtij kompeticioni të rëndësishëm artistik.

The post Festivali i Këngës në RTSH, njihuni me 23 këngëtarët që garojnë në natën finale (LISTA) appeared first on Albeu.com.

Vasili u shpreh se ishte e lumtur të ishte në skenë jo vetëm në cilësinë e drejtoreshës së RTSH-së, por edhe si pjesë e një brezi të formuar artistikisht nga këngëtarët, kompozitorët dhe tekstshkruesit që kanë ndërtuar historinë e këtij festivali ndër vite.

“Jam shumë e lumtur të jem sot në skenë, jo vetëm si drejtoreshë e RTSH-së, por edhe si një produkt kulturor i një brezi që ka formësuar shijet muzikore përmes këngëtarëve, kompozitorëve dhe tekstshkruesve të këtij festivali. Ky është Festivali i 64-t i Këngës në RTSH. Plot 64 vite histori. Edhe pse ka kaluar përmes ndryshimeve të sistemeve, ky festival ka ditur të krijojë art si në kohë censure, ashtu edhe në kohë lirie, gjithmonë përmes tingujve”, theksoi Vasili, duke kujtuar momentet historike kur kjo skenë ka pasqyruar lëvizjet kulturore botërore dhe dëshirën e shqiptarëve për t’u ndjerë pjesë e Evropës”, tha Eni Vasili.

Drejtoresha e RTSH-së përmendi vitin 1972 si një pikë kthese, kur Festivali i Këngës shënoi jo vetëm një revolucion kulturor, por edhe një ndryshim të rëndësishëm shoqëror. Ajo shtoi se edhe në vitet ’90, festivali u bë pasqyrë e frymës së re muzikore, duke sjellë në skenë zhanre si pop dhe rock, në harmoni me skenat perëndimore.

“Në fakt, në këtë festival shqiptarët kanë pasur mundësinë të takojnë lëvizjet kulturore botërore. Mjafton të kujtojmë vitin 1972, kur një festival realizoi jo vetëm një revolucion kulturor, por edhe politik. Pikërisht në këtë skenë shqiptarët kënduan dëshirën e tyre për ta parë Shqipërinë si gjithë Europa”, tha Vasili.

Sipas Vasilit, kjo skenë ka qenë edhe vendi ku janë kënduar dhimbjet kombëtare, eksodi, padrejtësitë historike, por mbi të gjitha ka qenë hapësira ku shqiptarët janë bashkuar më shumë se kudo tjetër.

“Kjo dëshirë u pasqyrua sërish në vitet ’90, kur në këtë festival u këndua pop, rock, ashtu si në të gjitha skenat perëndimore. Në këtë festival kemi kënduar edhe dhimbjet kombëtare, eksodin e madh, padrejtësitë historike. Por mbi të gjitha, këtu ka ndodhur diçka që nuk ka ndodhur askund tjetër: shqiptarët janë bashkuar. Nga të gjitha trevat, ata kanë ardhur, kanë kënduar, kanë garuar, kanë fituar dhe kanë qenë bashkë.

Ndoshta në këtë festival ka ndodhur ajo që politika do të kishte dashur shumë ta realizonte: shqiptarët nga e gjithë bota të mblidheshin në Tiranë, në qendrën e shqiptarisë. Ky festival do të jetojë gjatë. Historia na mëson se organizime të tilla janë mekanizma mbijetese, për të krijuar bashkësi, identitet kulturor dhe për të qenë gjithmonë bashkë përmes gëzimit. Dhe ky festival i mishëron të gjitha këto” u shpreh ajo.

Në përmbyllje, Vasili theksoi se Festivali i Këngës është një mekanizëm mbijetese kulturore, që krijon identitet, bashkësi dhe gëzim. Ajo falënderoi të gjithë artistët dhe stafin e RTSH-së që kanë mbajtur gjallë këtë institucion kulturor për 64 vite, duke u drejtuar me një mesazh mirënjohjeje.

“Në Fest 64 dua të falënderoj të gjithë artistët dhe armatën e madhe të njerëzve që e kanë mbajtur këtë institucion kulturor për 64 vite. Faleminderit të gjithëve që i keni folur dhe i flisni shpirtit”, tha Vasili.

The post 64 vite Festival i Këngës/ Drejtoresha e RTSH, Eni Vasili: Skena e identitet tonë kulturor që ka bashkuar shqiptarët përmes tingujve, sistemeve dhe kufijve appeared first on Albeu.com.

Edhe pse vet ekipi i festivalit nuk ka publikuar një listë finale e zyrtare, emrat po qarkullojnë me shpejtësi. Këto ore po diskutohet edhe për një pjesëmarrje të mundshme të këngëtares nga Kosova, Era Istrefi, duke theksuar ambicien e saj për të prekur skenën e Eurovision-it. Korridoreve të ambienteve ku flitet për këtë garë të ethshme kanë nisur të lakohen që tani edhe emra potencialisht fitues, që njihen për balada të fuqishme të tyre, si Fifi apo Enis Neziri. A do të jenë këto dy artiste që do të luftojnë për çmimin e madh, apo lista e pretendentëve do të përmbyset, kjo mbetet për t’u parë, megjithatë vokali i këtyre emrave njihet për fuqinë dhe përqafimin nga publiku, bazuar edhe në pjesëmarrjen e tyre në kompeticione të tjera të mëdha.

Megjithatë, ajo që dimë nga informacionet jozyrtare është fakti i larmishmërisë së perfomancave dhe artistëve pjesëmarrës, rryma të ndryshme dhe deri te personazhe që eksperimentojnë në këtë fushë për herë të parë e që ngjallin kuriozitet te publiku. Ditët e fundit është përfolur gjerësisht emri i këngëtares së njohur Era Istrefi, e cila prej vitesh është një nga artistet shqiptare më të suksesshme në tregun ndërkombëtar. Zëra nga korridoret e RTSH-së tregojnë se Istrefi është tashmë në bisedime me organizatorët e festivalit, duke e bërë emrin e saj një nga më të përmendurit për këtë edicion.

Era Istrefi është e njohur për hitet e saj që kanë kapërcyer kufijtë e Shqipërisë, duke mbledhur miliona klikime dhe duke fituar famë në shumë vende të botës. Një pjesëmarrje e saj në Festivalin e Këngës do të ishte një risi dhe një garë më e fortë për skenën shqiptare, ku publiku pret gjithnjë emra të mëdhenj dhe surpriza të veçanta. Deri sa Elhaida Dani dhe ekipi i saj të na tregojnë më shumë, ne do vazhdojmë të presim dhe diskutojmë me kërshëri gjithçka thuhet “lart e poshtë” për festivalin e fundvitit.

The post Kush janë pretendentët për të fituar Festivalin! Nga Era Istrefi, te Fifi, ja artistët që përfliten appeared first on Albeu.com.

Moderatorja e njohur, zbuloi se këtë vit, pjesëmarrëse do të jenë 26 këngë, ku 10 prej tyre vijnë nga artistë të rinj. Sakaq, do të jenë katër netë, në dy të parat do të paraqiten këngëtarët me performancat e tyre, ndërsa nata e tretë, do të jetë një mbrëmje gala, në të cilën do të performohen këngë të Festivalit ndër vite të orkestruara nga Shpëtim Saraçi. Më tej,  ajo zbuloi se e ftuar speciale do të jetë aktorja e madhe Margarita Xhepa, balerinët e famshëm edhe jashtë kufijve tanë, Kledi Kadiu dhe Ambeta Toromani, edhe Gala Aliaj, vajza e Robert Aliaj, që po garon aktualisht për të përfaqësuar Belgjikën në Eurosong.

Osmani theksoi se janë në tentativa që grupi ukrainas fitues i Eurovizionit vitin e shkuar, të jenë pjesë e finales, mirëpo, nuk kanë arritur ende në një vendim përfundimtar pasi ata janë shumë të angazhuar.

E pyetur nga Abcnews.al lidhur me zërat që qarkullojnë në media se fituesi është përcaktuar, Arbana i konsideroi vetëm fjalë, të cilat kanë nisur që në verë. Sipas saj, që atëherë u përfol se do të ishte fitues Ylli Limani, por ai nuk u bë fare pjesë e Festivalit.

Më tej, ajo sqaroi se ndryshe nga herët e tjera se këtë herë, fituesi që do të shkojë në Eurosong do të zgjidhet nga publiku, ndërsa juria do të shpall një tjetër fitues. Ndërkohë do të jepen edhe çmime të tjera, si ai i kritikës apo edhe për artistin më të mirë të ri.

Sa i përket, prezantimit, Osmani theksoi se nuk do të jetë vetëm në skenë, por zgjodhi të mos zbuloi ende emrin që e do shoqërojë.

The post “Fituesi i përcaktuar?”, Arbana Osmani zbulon detaje për Festivalin e RTSH, nga Margarita Xhepa te grupi ukrainas appeared first on Albeu.com.

“Ju falenderoj te gjitheve per suportin qe me jepni! Shihemi se shpejti me date 19, 20, 21 dhe 22 Dhjetor ne skenen e Pallatit te Kongreseve. #Fest61 po vjen!”, shkruan Elsa Lila në postim.

Ky do të jetë rikthimi i Elsa Lilës në muzikë pas shumë vitesh. Ylli shqiptar ishte shpërngulur në Itali, ku ra në pranga në muajin mars bashkë me gjashtë shqiptarë të tjerë. Akuzat ndaj këngëtares janë pushuar tashmë dhe bota e artit e një fillim i ri në Shqipëri janë tashmë prioriteti i saj.

The post Elsa Lila konfirmon pjesëmarrjen te Festivali i Këngës: Shihemi së shpejti appeared first on Albeu.com.

Pavarësisht përçarjesh dhe dyshimeve të fundit për marrëdhënien e motrave Libohova, ato do të mbahen mend gjithmonë bashkë dhe të pandara.

Si në këtë foto të 35 viteve më parë, në Festivalin e 26-të i Këngës në TVSH. Irma dhe Eranda Libohova atë vit kanë interpretuar këngën e tyre “Nuk e harroj” me muzikë nga Agim Krajka, me të cilën morën edhe çmimin e parë./albeu.com/

The post 35 vite më parë, e gjeni dot për cilat këngëtare bëhet fjalë (FOTO LAJM) appeared first on Albeu.com.

Gazetari Enton Abilekaj e ka konsideruar të pavend këtë që ndodhi sot duke u shprehur i revoltuar në një postim në Facebook.

“Kulmi historik i Festivalit te Kenges, ishte ky i sotmi, kur u nderthur me Big Brother. Festivali, qe supozohet te jete ngjarja me e madhe artistike, muzikore, kulturore dhe edukative, nderpritet dhe i hap vendin reality show-t qe eshte e kunderta artistikes, muzikores, kulturores dhe edukatives. Ai qe supozohet te jete prodhimi sublim i Televizionit, perulet me respekt perpara trash-it. Eshte si te nderpresesh garen finalen e boterorit ne futboll per te futur nje fushe nje lojtar te famshem pokeri ose black jack-u qe sapo ka fituar nje dore te mire.
Hallall parate publike!”, shkruan Abilekaj.

The post “Big Brother” u shfaq në “Festivalin e Këngës “, revoltohet gazetari shqiptar: Hallall paratë publike appeared first on Albeu.com.

Ndërsa, në promon e “Big Brother VIP” për natën e spektaklit të sotëm u tha se Beatrix do të ketë befasinë më të madhe ndonjëherë nga ‘Vëllai i Madh’.

“Për herë të parë, që kur është bërë pjesë e shtëpisë së ‘Big Brother’, Beatrix do të ketë një nga surprizat më të mëdha të bëra ndonjëherë. Ku do të shkojë ajo?”, thuhej në promo.

“Kryefjala.com”, raporton se bëhet fjalë për një lidhje direkte nga BigBrother VIP me Festivalin. Beatrix do të shkoj në Pallatin e Kongreseve për të dëgjuar performancën e vëllait të saj Albanit me këngën “Theje”.

Kujtojmë se një ndër moderatoret e para të përfolura për të prezantuar “Festivalin e Këngës” ishte pikërisht Bora Zemani, por kjo e fundit hoqi dorë në momentet e fundit dhe u zëvënëdua me Xhemi Shehun.

Pra arsyeja që Bora Zemani ka hequr dorë nga moderimi i Festivalit ka qenë pikërisht për të shmangur përballjen publike me të dashurën e re të Donaldit, Beatrixin./albeu.com/

The post Bora Zemani hoqi dorë papritur nga “Festivali i Këngës”, arsyeja paska qenë Beatrix Ramosaj? appeared first on Albeu.com.

“Ky është viti i 60të për Festivalin e Këngës në Rtsh. Unë do të jem prezantues i ftuar në natën e dytë dhe do jem në skenë me: @xhemishehu_ @jonidamaliqi @isli_islami @kelvikadilli të cilët do të prezantojnë të 3 netët e Festivalit.

Më shumë se prezantues, do të jem dëshmitar i një historie të cilën do ta përshkojmë me disa nga emrat më të spikatur, gdhendur në kujtesën dhe dashurinë e publikut. Unë vetë, raportin me Festivalin e kam jetuar në 3 dimensione:

1. Kantautor: “Jon” “I thuaj Jo” “Eja”
2. Kompozitor: Irma Libohova dhe Frederik Ndoci, Rovena Dilo, Mariza Ikonomi, ëest Side Family si dhe me Juliana Pasha deri në Eurovizion 2010.
3. Prezantues në 1996 dhe pasfestival 1997

Ishte viti i 30të kur këndova Këngën “Jon” – një këngë e cila ndau në mes dy epoka dhe ndan mes edhe historinë e 60 viteve. Dhe unë do jem në mes të Festivalit, në natën e dytë! Rikthehem me shumë dëshirë për të përcjellë dashuri, nostalgji dhe muzikën që na ka shoqëruar gjithë jetën.“, shkruan ai.

 

View this post on Instagram

 

A post shared by ardit gjebrea (@arditgjebrea)

The post “Do të jem dëshmitar i një historie”, Ardit Gjebrea shprehet entuziast për Festivalin e Këngës appeared first on Albeu.com.

“Kryefjala.com” ka zbuluar emrat e moderatorëve dhe krah Arditit janë edhe Bora me Jonidën, emrat e të cilave lakohen prej javësh. Kësaj treshe do i bashkohen edhe Kelvi Kadilli dhe Isli Islami. E njëjta media shkruan se nata e pare e festivalit do të prezantohet nga Jonida, Bora, Kelvi dhe Isli. Ndërkohë nata finale do të prezantohet nga Ardit Gjebrea.

Sakaq, pak ditë më parë faqja “Eurovision Kosovo”, ka publikuar një listë me emrat e këngëtarëve, që duket se do t’i shohim në Festivalin e Fundviti. Mes tyre ka emra të njohur të muzikës shqiptare, si Alban Ramosaj, Ronela Hajati, Endri dhe Stefi, Evi Reçi, Kastro Zizo, Gjergj Kaçinari, Rrezarta Smaja e shumë të tjerë.

The post Konfirmohen ish-kunatat e famshme, zbulohen 5 prezantuesit e “Festivalit të Këngës” appeared first on Albeu.com.