Bëhet me dije se shkak është bërë publikimi në profilin e Instagramit të tij, të një audioregjistrimi ku akuzon Drejtorinë e Burgjeve se nuk e kanë lejuar që të botojë një roman që ka shkruar, pasi përmban akte dhune.

Por kontrolli do të ushtrohet për të zbuluar si është bërë ky regjistrim dhe si është postuar në Instagram.

Në vitin 2025, Pjetri ka tentuar që të arratisej ndërsa ndodhej në burgun 313. Ai së bashku me Arbër Çekajn, kishin thurur planin për t’u larguar me një çarçaf nga izolimi.

Në dosjen e siguruar tregohet se si Fatmir Pjetri, ka goditur me hekur në kokë gardianin dhe punonjësin tjetër të burgut.

“Rreth orës 14:20 ai është njoftuar nga përgjegjësi specialisti i trups Gëzim Rramushi se i paraburgosuri Lulzim Çepele kishte prerë damarët e dorës së djathtë. Për këtë shkak ai është dërguar në infermieri për ndihmë mjekësore, dhe më pas ai vetë ka shkuar atje dhe ka folur ndihmës mjeken që rekomandoi se Lulzim Çepele ka nevojë për qepje të plagës, gjë që duhej bërë në spital. Për këtë ai ka njoftuar sallën operative të Drejtorisë të Përgjithshme, Drejtorin e institucionit dhe Shefin e Policisë, për të bërë shoqërimin e Lulzim Çepeles për në Spitalin e Traumës.

Njëkohësisht ka njoftuar shoferin e ambulancës për të ardhur në IEVP dhe marrë të dëmtuarin. Gjatë kohës që ai ishte duke pritur ardhjen e personelit, rreth orës 14:55, ka parë se tek muri i godinës “A” në faqen veriore nga taraca e ajrimit ishte një person duke kacavjerrur me litar. Menjëherë ai ka bërë njoftimin dhe bashkë me një punonjës tjetër ka dalë në oborr menjëherë ku ka konstatuar se i paraburgosuri Fatmir Pjetri ishte në gjysëm lartësi duke zbritur me litar për tek shkallët e hyrjes të administratës.

Menjëherë ai është ngjitur vetë i parë për të ndaluar atë dhe kur ka qenë përballë me të ka parë se ai kishte në dorë një hekur në formë të harkuar. Ai i ka dalë parë tek sheshpushimi i shkallëve të administratës dhe në këtë moment Fatmir Pjetri e ka goditur me hekur duke e dëmtuar në anën e majtë te kokës. Pasi e goditi Fatmiri u hodh nga shesh pushimi i shkallëve në sheshin, ka goditur me te njëjtin hekur edhe punonjësin e ruajtjes të portës. Ai ka zbritur dhe i ka shkuar menjëherë nga mbrapa dhe bashkë me punonjësin e portës Hekuran Sina e kanë neutralizuar Fatmir Pjetrin.

Në këtë moment ai ka vënë re se i paraburgosuri tjetër Arbër Çekaj ishte duke zbritur me të njëjtin litar dhe pasi zbriti ju drejtua me vrap portës kryesore. Atij i ka dalë para punonjësit e sigurisë Gëzim Nikoqi dhe Gezim Ramushi të cilët e kanë neutralizuar dhe prangosur. Më pas të dy personat që tentuan të arratisen janë dërguar tek skaneri ku ju bë kontrolli fizik i tyre ku nuk u gjetën me vete sende të ndaluara dhe shoqërimi i tyre në dhomat e veçimit. Më pas ai ka njoftuar me pas drejtorin e institucionit, dhe shefin e policisë për këtë tentativë arratisje.

​Punonjësi i policisë Gëzim Nikoçi me detyrë punonjës i grupit të sigurisë deklaron se se rreth orës 15.00 është lajmëruar nga polici i kollonës 2-1 kati i dytë i godinës “A”, se i paraburgosuri me mbiemër “Çepele’ është dërguar në infermieri pasi kishte presë damarët e dorës. Ai dhe dhe kolegu i tij Vladimir Myrto shkuan në infermieri pasi i dëmtuari kishte shumë rrjedhje gjaku nga dora e djathtë tek pjesa e parakrahut. Pasi ka bërë mjekimin e parë ndihmës/mjekja Bejaze Jaho doli jashtë regjimit dhe komunikoi me mjeken e institucionit dhe u vendos që i paraburgosuri të shkojë në spital për tu qepur plagën e tij. Nga oficeri i informacionit shoqërimi i tij për në spital i është ngarkuar atij dhe Vladimirit.

Sapo ata u afruan tek porta hyrëse e regjimit të brendshëm që të çon tek zyra e specialistit të informacionit kanë dëgjuar zhurma e britma dhe në atë moment hapi derën ndihmësi i informacionit me mbiemër “Almeta” dhe nga specialisti informacionit kanë mësuar se kishte patur një tentativë për arratisje. Ai ja ka lënë të paraburgosurin Çepele kolegut të tij dhe ka dalë bashkë me Vladimirin me vrap në oborr ku kanë parë që Fatmir Pjetri ishte i shtrirë dhe i neutralizuar nga polici i godinës “B” dhe kurse Arbër Çekaj po zbriste shkallët që të nxjerrin jashtë në oborr.

​Ai bashkë me Vladimirin dhe Ali Almetën i janë hedhur përsipër duke e prangosur dhe futur tek dhoma e kontrollit bashkë më Fatmir Pjetrin dhe në këtë moment ka parë specialistin e informacionit Myfit Xheka të gjakosur në kokë dhe pas rreth 10 min ka ardhur dhe policia e shtetit në institucion.

​Nisur nga sa më sipër shtetasi Arbër Çekaj në bashkëpunim me Fatmir Pjetrin dhe kanë konsumuar në bashkëpunim mes tyre veprën penale të “largimi i të burgosurit nga vendi i qëndrimit” të parashikuar nga neni 323/1-25 të Kodit Penal”, shkruhet në dosje.

40-vjeçari është nga Puka rezulton i dënuar më parë në Greqi për vjedhje me dhunë dhe armë. Pas ardhjes në Shqipëri ai në vitin 2013, u bë pjesë e “Bandës së Babagjyshëve”.

Ai ka marrë pjesë në të gjitha grabitjet e bëra nga banda e “Babagjyshëve”, që u shtrinë në të gjithë vendin, në Tiranë, Kuçovë, Durrës, Berat, Lezhë, Fushë-Krujë, Laç, Shkodër.

Grabitja që bëri më shumë bujë ishte ajo në një qendër tregtare në Tiranë, ku u grabit një argjendari.

The post Kontroll në qelinë e të burgosurit në Burrel, shkak një audioregjistrim në Instagram (EMRI) appeared first on Albeu.com.

Sipas gazetares së Top Channel, Dorjana Bezat, në vitin 2021 ai tentoi të arratisej nga burgu.

33-vjeçari është nga Puka dhe rezulton i dënuar më parë në Greqi për vjedhje me dhunë dhe armë. Pas ardhjes në Shqipëri, në vitin 2013 u bë pjesë e “Bandës së Babagjyshëve”.

Ai ka marrë pjesë në grabitjet e bëra nga banda e “Babagjyshëve”,që u shtrinë në të gjithë vendin, në Tiranë, Kuçovë, Durrës, Berat, Lezhë, Fushë-Krujë, Laç, Shkodër.

Grabitja që bëri më shumë bujë ishte ajo në një qendër tregtare në Tiranë, ku u grabit një argjendari, ku pas kësaj ngjarje u arrestua në 24 nëntor të vitit 2017. Pjetri kryente çdo grabitje pa lënë gjurmë, pa shkaktuar viktima dhe në një kohë prej 3 minutash.

Vjedhjet që ka krye banda:

1. Më dt. 11.01.2013, rreth orës 6 pasdite, është kryer vjedhja e mbetur në tentative me armë, në bashkëpunim, i një argjendarie pranë stacionit të trenit, Durrës, pronë e shtetasit A.F. Në këtë vjedhje të mbetur në tentativë kanë marrë pjesë shtetasit Fatmir Pjetri, Agustin Sula dhe Saimir Kala.
2. Më datë 28.09.2013, rreth orës 19.10 është vjedhur me armë në bashkëpunim, dyqanin argjendari, në pronësi të shtetasit A.B. ndodhur në Lagjen “Llukan Prifti”, Kuçovë. Në këtë vjedhje kanë marrë pjesë shtetasit Ilir Kupa, Agustin Sula, Fatmir Pjetrin dhe Hajdar Sefa, ku kanë marrë një sasi të konsiderueshme floriri.
3. Më datë 25.10.2013 rreth orës 13.20 është kryer vjedhja me armë në bashkëpunim nga dy persona të maskuar dhe të armatosur i firmën agroushqimore “A..T..A..”, ndodhur ne Vorë, ku kanë marrë shumën prej 1000 dollarë arkëtares së kësaj firme. Në këtë vjedhje kanë marrë pjesë shtetasit Ilir Kupa, Agustin Sula dhe Julian Qerushi.
4. Më datën 05.11.2013, rreth orës 14.30, është vjedhur me armë, në bashkëpunim, argjendaria në pronësi të shtetasit S. R. dhe gjatë vjedhjes është plagosur pronari i saj, ndodhur në qendër të qytetit Laç. Në këtë vjedhje kanë marrë pjesë shtetasit Ilir Kupa, Hajdar Sefa, Agustin Sula dhe Fatmir Pjetri, ku kanë marrë një sasi të konsiderueshme floriri.
5. Më datë 25.11.2013, rreth orës 13.45, është vjedhur nga tre persona të armatosur “Argjendari Gj….”, në vendin e quajtur tek tregu i qytetit Fushë-Krujë, në pronësi të shtetases P. B., ku janë vjedhur një sasi bizhuterish, si edhe një sasi rreth 500.000 (peseqind mije) lekë. Në këtë vjedhje kanë marrë pjesë shtetasit Ilir Kupa, Fatmir Pjetri dhe Agustin Sula.
6. Më datë 24.12.2013, rreth orës 17.30, është kryer vjedhja me armë në bashkëpunim Argjendaria “G….”, ndodhur në qendrën tregtare, në fshatin Lundër, Tiranë. Në këtë vjedhje kanë marrë pjesë shtetasit Ilir Kupa, Agustin Sula, Fatmir Pjetri dhe Julian Qerushi, ku kanë marrë një sasi të konsiderueshme floriri. Autorët e kanë realizar këtë vjedhje, të veshur si babagjyshë të festës së Vitit të Ri.
7. Më 28 shkurt 2014, në orët e drekës, është kryer vjedhja me armë në bashkëpunim nga dy persona të maskuar me uniforma policie dhe të armatosur, i pikës së shitjeve të makinave Mercedes Benz, ndodhur ne autostradën Tiranë Durrës, pranë mbikalimit të Kasharit, ku kanë marrë shumën prej 100 000 lekë. Në këtë vjedhje kanë marrë pjesë shtetasit Agustin Sula dhe Edmond Selala.
8. Më datën 14.04.2014, rreth orës 10;36, është kryer vjedhja me armë në bashkëpunim nga katër persona të maskuar me uniforma policie dhe të armatosur, i kompleksit të shërbimeve A.M.L, ndodhur ne Rrugën “Konferenca e Pezës”, Tiranë ku kanë marrë shumën prej 1 000 000 lekë. Në këtë vjedhje kanë marrë pjesë shtetasit Fatmir Pjetri, Dritan Kola, Agustin Sula dhe Mark Shpendi.
9. Më dt. 22.04.2014, rreth orës 09:30, është kryer vjedhja me armë në bashkëpunim nga dy persona të maskuar dhe të armatosur që kanë lëvizur me motor, i argjendarisë “AÇ”, ndodhur në bulevardin “Bajram Curri”, përballë Gjykatës së rethit Gjyqësor Tiranë, në pronësi të shtetasit A. Ç., ku kanë marrë shumën prej rreth 600 000 lekë. Në këtë vjedhje kanë marrë pjesë shtetasit Fatmir Pjetri dhe Agustin Sula.
10. Më dt. 03.06.2014, në orët e drekës, është kryer vjedhja me armë në bashkëpunim nga dy persona të maskuar dhe të armatosur, i pikës së skrapit në rrugën dytësore Vorë-Marikaj, në pronësi të shtetasit R. Z., ku kanë marrë shumën prej 150 000 lekë. Në këtë vjedhje kanë marrë pjesë shtetasit Fatmir Pjetri dhe Agustin Sula.
11. Në datë 26.11.2014, rreth orës 17:30, është kryer vjedhja e banesës së shtetasit K. G., ndodhur në fshatin Kallmet, Lezhë, ku kanë marrë shumat prej 1 000 000 lekë dhe 5000 USD. Në këtë vjedhje kanë marrë pjesë shtetasit nën hetim Agustin Sula, Angjelin Ndreka dhe Lin Kala. Gjatë vjedhjes, i dëmtuari ka qënë në banesën e tij së bashku me nënën dhe bashkëshorten.

Krahas vjedhjeve të mësipërme, të kryera në Shqipëri, grupi ka realizuar edhe dy vjedhje në Maqedoni:

12. Në datë 30.04.2014 është vjedhur argjendaria në pronësi të shtetasit R.H, ndodhur në Strugë, ku është marrë një sasi prej 5.5 kg flori. Në këtë vjedhje kanë marrë pjesë shtetasit Agustin Sula, Fatmir Pjetri, Miljan Elezi ose i quajtur Artur Tafani, Mark Shpendi dhe Dritan Kola. Këtë vjedhje, autorët e kanë realizuar të veshur si femra. Gjatë vjedhjes ka pasur përplasje me armë me personat e argjendarisë dhe policisë maqedonase.
13. Në datë 29.07.2014 është vjedhur një argjendari, ndodhur në Dibër të Madhe, ku gjatë vjedhjes, autorët kanë shkëmbyer zjarr dhe është vrarë njëri nga bashkëpunëtorët në kryerjen e kësaj vjedhjeje, shtetasi Miljan Elezi (alias Artur Tafani). Në këtë vjedhje është marrë një sasi prej 12 kg flori. Në këtë vjedhje kanë marrë pjesë shtetasit Agustin Sula, Fatmir Pjetri, Miljan Elezi (alias Artur Tafani), Saimir Kala dhe Dritan Kola.

The post Futet në regjimin “41 biss” Fatmir Pjetri, pjesë e “Bandës së Babagjyshëve” appeared first on Albeu.com.

Çekaj është dërguar në këtë burg pasi konsiderohet një person me rrezikshmëri të lartë.

Rikujtojmë si Çekaj është arrestuar në 2018 me 613 kg kokainë dhe është dënuar me 14 vite burg.

Pak ditë më parë bashkë me të dënuarin tjetër, Fatmir Pjetri tentoi të arratisej nga burgu 313 në Tiranë, tentativë e dështuar.

Kush janë 3 të dënuarit e tjerë në burgun e egër 41 biss?

Aleksandër LLanaj nga qyteti i Vlorës njihet për Másakrën e 7 Prillit në 2015-ën të ndodhur në Vlorë.    Gjykata e Apelit në Vlorë asaj kohe e ka dënuar me 35 vjet heqje lirie Aleksandër Llanajn dhe me nga 24.4 vite burg shtetasit Ani Begajn dhe Bertil Aliajn. Që të tre këta persona u shpallën fajtorë për një vrasje të trefishtë të ndodhur në prill të vitit të kaluar në qytetin e Vlorës.

Seanca ndaj këtyre shtetasve është zhvilluar me gjykim të shkurtuar dhe për këtë ata kanë përfituar uljen e dënimit me 1/3-tën, pasi më herët gjykata pranoi kërkesën e prokurorisë e cila kërkoi dënimin me burgim të përjetshëm për Llanajn dhe dënimin me 35 vite burg për 2 të tjerët.

Grabitja që bëri më shumë bujë ishte ajo në një qendër tregtare në Tiranë, ku u grabit një argjendari. Pas kësaj ngjarje ai u arrestua në 24 nëntor të 2017. Pjetri kryente çdo grabitje pa lënë gjurmë, pa shkaktuar viktima dhe në një kohë prej 3 minutash.

Pas u shpall në kërkim ndërkombëtar ai deklaroi: “Nuk e di cili shpik për emrin tim, jam i pafajshëm. Policia të më akuzojë me fakte reale, jo me sajesa”.

Redjan Rraja është në gjykim nga GJKKO lidhur me atentatin në vitin 2019 ndaj prokurorit Arjan Ndoja.  34-vjeçari me precedentë të mëparshëm penalë dhe me profesion stomatolog u ndalua në tentativë për t’u larguar nga Shqipëria drejt Malit të Zi.

Nipi i deputetit Rrahman Rraja, dyshohet se është një nga personat që mori pjesë në atentatin ku mbetën të plagosur prokurori i Durrësit, Arjan Ndoja, Pëllumb Muharremi dhe Andi Maloku.

Një tjetër ngjarje ku është përfshirë ka ndodhur më 30 Korrik të 2018-s kur Redjan Rraja u akuzua nga punonjësi i policisë Emiliano Nuhu se e kishte kërcënuar së bashku më Ramazan Rrajan. Sakaq Redjan Rraja u arrestua në Maj të vitit 2016, pasi akuzohej për fshehjen e pistoletës dhe telefonit të të vrarit Elton Çiço.. /albeu.com/

The post Tentoi të arratisej nga 313, Arbër Çekaj izolohet me “shokët” në regjimin 41 bis appeared first on Albeu.com.

Mësohet se ky urdhër është dhënë nga Prokuroria e Posaçme Kundër Korrupsionit dhe Krimit të Organizuar. Ata do të qëndrojnë për një vit në qelitë e sigurisë së lartë.

Aleksandër LLanaj nga qyteti i Vlorës njihet për Másakrën e 7 Prillit në 2015-ën të ndodhur në Vlorë.    Gjykata e Apelit në Vlorë asaj kohe e ka dënuar me 35 vjet heqje lirie Aleksandër Llanajn dhe me nga 24.4 vite burg shtetasit Ani Begajn dhe Bertil Aliajn. Që të tre këta persona u shpallën fajtorë për një vrasje të trefishtë të ndodhur në prill të vitit të kaluar në qytetin e Vlorës.

Seanca ndaj këtyre shtetasve është zhvilluar me gjykim të shkurtuar dhe për këtë ata kanë përfituar uljen e dënimit me 1/3-tën, pasi më herët gjykata pranoi kërkesën e prokurorisë e cila kërkoi dënimin me burgim të përjetshëm për Llanajn dhe dënimin me 35 vite burg për 2 të tjerët.

Grabitja që bëri më shumë bujë ishte ajo në një qendër tregtare në Tiranë, ku u grabit një argjendari. Pas kësaj ngjarje ai u arrestua në 24 nëntor të 2017. Pjetri kryente çdo grabitje pa lënë gjurmë, pa shkaktuar viktima dhe në një kohë prej 3 minutash.

Pas u shpall në kërkim ndërkombëtar ai deklaroi: “Nuk e di cili shpik për emrin tim, jam i pafajshëm. Policia të më akuzojë me fakte reale, jo me sajesa”.

Redjan Rraja rezulton të jetë përfshirë në dy ngjarje, që krijuan një impakt të madh në opinionin publik shqiptar, siç ishte vrasja e Elton Çiços dhe dhuna ndaj Xhisiela Malokut.

Redjan Rraja është dënuar me 8 muaj burg nga Gjykata e Tiranës, pasi u akuzua për “veprime që pengojnë zbulimin e të vërtetës” në vrasjen e mikut të tij, Elton Çiço, më 1 maj 2016.

Në atë kohë, gjykata akuzoi Redjan Rrajën se kishte treguar veprimet e viktimës në shoqërinë e tij, para se ai të qëllohej për vdekje, në një lokal në zonën e ish-Bllokut, në Tiranë. Rraja ka qenë i ulur në tavolinë me Çiçon, kur ky i fundit është qëlluar me breshëri plumbash, duke mbetur i vdekur në vend.

Ndërkohë, emri i Redjan Rrajës del edhe në ngjarjen e bujshme të dhunës së ushtruar ndaj Xhisiela Malokut. Ishte ish-oficeri i Fushë Krujës, Emiljano Nuhu, që kallëzoi në komisariatin numër 6, në Tiranë, se është kërcënuar nga Redjan dhe Ramazan Rraja, për çështjen “Xhisiela”.

“Ne e shkrijmë të gjithë komisariatin dhe ty s’të kemi asgjë. Do të të zhdukim ty bashkë me familjen, po thirre më njeri nga fisi jonë ta marrësh në pyetje. Do të zhdukim ty bashkë më familjen tënde për 24 orë nëse vazhdon merresh me ne dhe mos të të shohim më në Fushë Krujë. Ligjin në Fushë Krujë e bëjmë ne dhe jo ti”, mësohet se i kishin thënë oficerit Redjan dhe Ramazan Rraja. /albeu.com/

The post 3 emra vip! Kush janë të dënuarit e famshëm që futen në burgun e egër, “41 bis” appeared first on Albeu.com.

Teksa priten rezultatet se pse u shkel regjimi i sigurisë së 313, Drejtoria e Përgjithshme e Burgjeve ka pezulluar 6 efektivë për dyshimet e shpërdorimit të detyrës.

Ata do të jenë të pezulluar derisa të ketë një rezultat pasi burime të sigurta për gazetaren Anila Hoxha tregojnë se janë ende në kërkim se cili ishte zyrtari që urdhëroi efektivët që të dilnin nga regjimi.

Dyshohet se në tentativën e arratisjes përfshihen zyrtarë ose shefa policie pasi oficerët janë të ndaluar të dalin nga regjimi për të shoqëruar Lulzim Cepele, i cili preu damarët, por nuk u dërgua në spital dhe plaga nuk u konsiderua si e rrezikshme për jetën.

Pavarësisht këtij rezultati, oficerët e regjimit të brendshëm janë urdhëruar që ta çojnë në spitalin e burgut. Rregullorja është e qartë që oficerët e regjimit të brendshëm e kanë kategorikisht të ndaluar që të dalin nga ky regjim. Sa herë ka ngjarje të tilla, duhet të vijnë oficerët e DAP.

Shkelja e dytë, sipas burimeve të sigurta të tch kanë të bëjnë se oficeri në portën kryesore të 313 rezulton se nuk ka qenë i armatosur. Ndërsa shkelja e tretë ka lidhje me efektivët e policisë me shërbim në tarracën ku kryhet ajrosja, pasi për arsye të paqarta atë ditë bëhet me dije se nuk ishin të pajisur me radio dhe kjo ka vonuar njoftimin për arratisje.

Ndërsa në pjesën perëndimore të burgut është konstatuar se në një kolonat kryesore nuk kishte një oficer që të vëzhgonte lëvizje, çka do të thotë se pavarësisht arrestimit të Arbër Çekajt dhe Fatmir Pjetrit, arratisja ka patur bashkëpunëtorë ndoshta shefa të policisë së burgut që mund të kenë shkelur kushtet e sigurisë duke favorizuar arratisjen spektakolare të dy të burgosurit që u kapën nga oficerët.

Ndonëse efektivët shfaqen në kamera duke i ndjekur këmbë-këmbës të arratisurit të cilët tetë minuta me pasi u prangosen në shesh pushim, i pasqaruar mbetet edhe fakti tjetër se kush e kishte larguar më herët një zgarë hekuri që gjendej mes ambienteve të ajrimit.

Por neglizhenca kryesore lidhet me mos kontrollin e çantës që mbante Fatmir Pjetri ku ishin fshehur litarët, ashtu si edhe mos kontrolli fizik i asnjërit prej të burgosurve.

Burimet shtojnë se prokuroria po verifikon edhe tre te burgosur të tjerë përveç Cepeles, i cili improvizoi vetëvrasje, ndonëse grupi i hetimit është i bindur  se detyrat e policëve në shërbim janë të caktuara qartë dhe se kjo alibi që pretendohet se shpërqendroi gjithë stafin është e vështirë për t’u provuar. /TCH

The post Ndihmuan Pjetrin e Çekajn për arratisjen, pezullohen nga puna 6 efektivë tek 313 appeared first on Albeu.com.

Burimet bëjnë me dije se nën hetim janë vendosur edhe 3 të paraburgosur të cilët dyshohen se kishin dijeni mbi tentativën për arratisje.

Nën hetim janë vendosur të paraburgosurit: Dritan Sinani, Bekim Bulica dhe Elvis Fejzullahu për veprën penale “Moskallëzim Krimi”.

Rikujtojmë se pak ditë më parë në burgun 313 në Tiranë, të dënuarit Arbër Çekaj dhe Fatmir Pjetri me ndihmën e Lulëzim Çepeles I cili preu damarët, tentuan arratisjen.

Në përpjekje për t’u arratisur, të dënuarit janë konfrontuar edhe me gardianët ku sipas dëshmive nga brenda, Pjetri ka qëlluar me levë hekuri në kokë njërin gardian.

Gjatë seancës në gjykatë, Pjetri ka pranuar planin e arratisjes ndërsa Çekaj dhe Çepele kanë mohuar pjesmarrjen e tyre duke mohuar akuzat. /albeu.com/

The post EMRAT/ Jo vetëm Çekajn e Pjetrin, tentativa për arratisje nga 313 fundos edhe 3 të paraburgosur të tjerë appeared first on Albeu.com.

Pjesë nga dosja e arratisjes bëjnë me dije se nën hetim janë vënë efektivët: Gëzim Rramushi, Saimir Shahini, Bashkim Muça, Oldi Myzyzu, Redion Maloku, Edmond Prenga.

“Këta efektivë nuk kanë bërë kontroll fizik të mjeteve dhe pajisjeve që i paraburgosuri Fatmir Pjetri kishte me vete, konkretisht një çantë të kuqe ku ndodhej litari dhe sendet e forta atë të hekurit, në kushtet kur kontrolli para daljes në zonën e ajrimit është detyrim…”- shkruhet ndër të tjera në dosje.

Rikujtojmë se në media qarkullon një foto e Çekajt dhe Pjetrit ku ky i fundit del nga qelia me një çantë i patrazuar në të cilën gjendeshin sendet e forta (leva e hekurit) dhe litari (i bërë nga çarçafët) e burgut. /albeu.com/

The post EMRAT/ Jo vetëm Çekaj e Pjetri, kush janë 6 policët që ndihmuan të dënuarit të kryenin arratisje appeared first on Albeu.com.

Gardiani Myfit Xheka ka zbuluar detaje mbi kapjen e të dënuarëve, përplasjen me ta dhe shoqërimin e tyre sërish në qeli.

Xheka bën me dije se pas zbulimit të tentativës për arratisje është përplasur me të dënuarin Pjetri I cili ka qënë i pajisur me një levë hekuri në formë harku, me të cilin edhe e ka goditur.

“Pjetri kishte në dorë një hekur në formë harku, në shesh pushimin e shkallëve të administratës u përballa me të, duke e ndaluar atë më ka goditur me hekur në kokë duke dëmtuar pjesën e rrashtit të kokës në anën e mjatë…”- ka reportuar Xheka pas ngjarjes.

Rikujtojmë se ditën e sotme të tre të dënuarit mohuan lidhjen mes tyre për ketë tentativë grabitje duke fajësuar Pjetrin për organizimin e saj.

DËSHMIA E PLOTË:

*Specialist informacioni, Myfit Xheka: Në orën 06:30 kam marrë shërbimin deri në orën 19:00 ku unë kam si detyrë për të menaxhuar gjithë aktivitetin e institucionit, rreth orës 14:20 më njoftoj përgjegjësi specialist i tripës, Gëzim Rramush dhe më tha se i paraburgosuri Lulëzim Qepele në dhomën nr4, sektor 3, kati i dytë godina A, kishte dëmtuar damarët e dorës së djathtë dhe u shoqërua në infermieri për ndihmë mjekësore, infermierja ndodhet brenda godinës në katin e parë, shkova vetë në infermieri dhe ndihmës mjekja më rekomandoi se ka nevojë për qepje në spital, bëra njoftimet 90 rozafës, sallës operative të drejtorisë së përgjithshme, drejtorin e institucionit dhe shefin e policisë për të bërë shoqërimin e këtij të të dënuari për të shoqëruar për vizitë tek spitali i Traumës, njëkohësisht njoftova shoferin e ambulancës për të ardhur në institucion dhe marrë masa për shoqërimin e tij, dhe isha në pritje të ardhjes së personelit për të mundësuar lëvizjen e tij.

Në orën 14:55 fus ndihmë specialistin për të nxjerrë një të gatshëm nga godina A dhe bëra njoftimin tek godina B për të marrë një të gatshëm, në kohën që punonjësi i policisë Lefter Hysenlika tek godina B për të dalë tek zyra e informacionit ka parë se tek muri i godinës A në faqen veriore nga taraca e ajrimit ishte një i burgosur duke u kacavjerrur me një litare, ky punonjës dhe konstatoj se Fatmir Pjetri ishte në gjysmë lartësi duke zbritur me litarë për tek shkallët e hyrjes së administratës menjëherë jam ngjitur vetë i parë për të bërë neutralizimin e këtij të paraburgosuri, ai kishte në dorë një hekur në formë harku, në shesh pushimin e shkallëve të administratës u përballa me të, duke e ndaluar atë më ka goditur me hekur në kokë duke dëmtuar pjesën e rrashtit të kokës në anën e mjatë.

Pastaj u hodh nga shesh pushimi i shkallëve në sheshin poshtë në dysheme, ka shkuar dhe ka goditur me këtë levë dhe punonjësin e portës, kam shkuar menjëherë nga mbrapa dhe së bashku me punonjësin e portës Hekuran Sina kemi neutralizuar të paraburgosurin Fatmir Pjetri.

Në këtë kohë i paraburgosuri tjetër Arbër Çeka ishte duke zbritur në të njëjtin litarë ku zbriti dhe Fatmir Pjetri, në këtë kohë ka arritur të zbresë Arbër çekaj dhe ju drejtua portës kryesore, ku ishim dhe ne me personin e ndaluar, ka dalë punonjësi i sigurisë shtetasi Gëzim Nikoqi dhe specialisti i trupës Gëzim Ramushi dhe bërë shoqërimi në dhomat e veçimit, ndërsa më pas tek dhoma e informacionit ka marrë ndihmën mjekësore nga ndihmës mjekja kam bërë njoftimet, në fillim drejtorin e burgjeve.

The post Mohuan skemën e arratisjes, dëshmia e gardianit i zbulon të gjitha: Më goditi me levë kokës! appeared first on Albeu.com.

Ai ka zbardhur me detaje ndodhitë e ditës ku ndodhi tentativa për arratisje, nga prerja e damarëve tek kapja e Pjetrit dhe Çekajt në tentativë për t’u larguar nga burgu.

“Saktësoj që në momentin që dola jashtë dhe pashë të paraburgosurin Pjetri që ishte neutralizuar pash dhe specialistin e informacionit Myfti të gjakosur tek zona e kokës, dhe kishte pika gjaku gjithandej…”- tregon ndër të tjera punonjësi Gëzim Nikoçi.

DËSHMIA E PLOTË E POLICIT:

*Punonjësi i sigurisë- Gëzim Nikoçi: Sot rreth orës 15:00 më ka lajmëruar polici i kollonës 2-1 kati i dytë godina A më tha se i paraburgosuri me mbiemër Çepele është dërguar në infermieri pasi kishte prerë damarët e dorës. Unë dhe kolegu Vladimir Myrto shkuam tek infermierja pasi i dënuari kishte shumë rrjedhje gjaku nga dora e djathtë teksa pjesa e parakrahut.

Pas kësaj ndihmës mjekja Bejaze Jaho doli jashtë regjimit dhe komunikoi me mjeken e institucionit të cilës nuk ia mbaj mend emrin dhe u vendos që i paraburgosuri të shkojë në spital për të qepur plagën e tij. Rreth orës 15:20 po unë dhe Vladimiri na u ngarkua detyra nga oficeri i formacionit që të dilnim së bashku me të dënuarin për ta shoqëruar atë në spital.

Sapo ishim afruar tek porta hyrëse e regjimit të brendshëm që të çon tek zyra e specialistit të informacionit, ku në ato momente dëgjuam zhurma e britma nga ana e punonjësve të Policisë, në atë moment hapi derën ndihmësi i informacionit me mbiemër Aliallmeta dhe ne hymë te holli tek specialisti i informacionit dhe ndërkohë polici i kontrollit Shefki Mema na tha që po arratisen pa përmendur emrat.

Në këtë moment të paraburgosurin Çepele të prangosur që po e shoqëronim ja lash Shefkiut dhe dola së bashku me Vladimirin me vrap dhe në atë moment pamë që i paraburgosuri Pjetri, emri nuk më kujtohet ishte shtrirë dhe i neutralizuar nga polici i godinës B dhe ndërkohë zbret shkallët i paraburgosuri Arbër Çekaj që të nxjerrin tek oborri jashtë dhe unë së bashku me Vladimirin dhe Alialmetën i jemi hedhur përsipër për ta neutralizuar dhe e prangosëm dhe e kemi futur menjëherë tek kontrolli gjithashtu së bashku me të paraburgosurin Pjetër.

Saktësoj që në momentin që dola jashtë dhe pashë të paraburgosurin Pjetri që ishte neutralizuar pash dhe specialistin e informacionit Myfti të gjakosur tek zona e kokës, dhe kishte pika gjaku gjithandej. Në momentin që të dy të paraburgosurit u neutralizuan, sa pashë e dëgjova nuk përmendën ndonjë fjalë dhe nuk bënë asnjë lloj rezistence.

Dua të saktësoj që në atë moment kur dola jashtë dera e jashtme e institucionit ka qenë e mbyllur me çelës për këtë jam i bindur pasi menjëherë pasi i shoqërova të paraburgosurit Arbër dhe Pjetër jam kthyer tek dera tek postblloku dhe e kam parë vetë që ishte e mbyllur me çelës dhe me shul sipas rregullit. Dera ka qenë e mbyllur dhe me sa pashë nuk u afrua ndokush tek dera as nga brenda dhe as nga jashtë. Rreth 10 minuta më vonë di që ka ardhur dhe Policia e Shtetit në institucion.

Pyetjes se nëse i paraburgosuri Lulzim Cepele tha ndonje gje në lidhje me këtë tenattive arrastisje ai u pergjigi se: Ai degjoi sikurse e degjuam dhe ne qe momentin qe po prisnim tek porta qe kishte ndoedhur dicka por nuk beri asnje veprim qe te na pengonte dhe as nuk tha ndonje fjale por mendimi im xhesti qe ai preu doren mendoj qe mund te kete tidhje me veprimin e tentatives se arratisjes mendoj qe mund te jete nje plan i perbashket pasi ky dhe Arber Cekaj jane me dhoma perballe njeri-tjetrit dhe me Pjetrin. Si rregull takohen tek ajrosja ose ne hyrje dhe ne dalje per ne ajrosje. /albeu.com/

The post Flet punonjësi i 313-s që arrestoi Çekajn e Pjetrin duke u arratisur: Kolegu kishte gjak në kokë! appeared first on Albeu.com.

Gjykata ka vendosur arrest me burg për Çekajn, Pjetrin dhe Lulzim Çepelen.

Dëshmitë në Gjykatë:

Arbër Çekaj ka habitur me deklaratën e tij në Gjykatë tek burgu 313 pas tentativës së dështuar për arratisje.

Çekaj ka thënë gjatë marrjes në pyetje nga prokurori, se ky nuk ka qenë plan i mirëmenduar nga ana e tij dhe se arratisja nuk ishte e planifikuar.

Ai thotë që kishte dalë si çdo ditë për ajrosje në momentet kur ka parë Fatmir Pjetrin duke zbritur me litar dhe ka shkuar pas tij.

Çekaj se nuk e dinte që i dënuari tjetër po tentonte që të arratisjen, dhe se veprimet i ka kryer për inerci.

“Unë nuk kam goditur asnjë polic por i ndikuar nga gjendja e rënduar psikologjike për shkak të burgosjes së babait, vetëm e kam ndjekur në mënyrë instiktive Fatmir Pjetrin ku e pashë që po largohej.  Nuk dështoi arratisja sepse u ndaluam por sepse mendova se kjo nuk është zgjidhje.

Unë nuk jam kriminel dhe i respektoj ligjet e shtetit tim. Në të kundërt tani do isha larguar për në Dubai apo ndonjë shtet tjetër. Në qoftëse do të isha kriminel do të isha duke pirë kafe në Kosta Rika.

Familja ime po sulmohet nga segmente të caktuara të shtetit. Unë jam thjesht një viktimë pasi plani i arratisjes ishte I Fatmir Pjetrit, fakt që ai e pranoi edhe vetë.

Unë isha me kafe në dorë kur e pashë duke u larguar dhe e kam ndjekur në mënyrë instiktive pa e ditur kur do të shkonte…“- deklaroi Çekaj para gjykatës.

Dëshmia e Lulzim Çepeles:

I fashuar në dorën e majtë, pasi pasditen e së dielës tentoi të priste damarët sipas Prokurorisë dhe policisë së burgjeve për të ndihmuar Çekajn dhe Pjetrin për tu arratisur, Lulzim Çepele ka thënë sot para gjykatës se nuk ia kishte idenë se ç’po ndodhte me arratisjen. Çepele ka thënë se ka tentuar vetvrasjen për shkak të presionit.

“Nuk ka asnjë lidhje me këtë tentativë për arratisje. Unë për shkak të presionit kam tentuar vetëvrasje dhe nuk ia kisha idenë se ç’po ndodhte me një plan arratisjeje”. /albeu.com/

The post E FUNDIT/ Gjykata lë në burg Arbër Çekajn, Fatmir Pjetrin dhe Lulëzim Çepelen appeared first on Albeu.com.