Ernejt Shyti i penduari i drejtësisë, është dënuar me 7 vite burg.

Bujar Leza, Xhuliano Visha, Skënder Vathi dhe Leonard Xhixha nga 30 vite.

Ekzekutori, Ernejt Shyti u arrestua në Mal të Zi 2 javë pas atentatit ku u vra Behar Sofia. Në dëshminë e dhënë në GJKKO, ai ka treguar me detaje rolin e të pandehurve të tjerë duke rrëfyer se do të paguhej me 5 milionë lekë.

Ndërsa pas tij u arrestuan edhe bashkëpunëtorët e tjerë Xhuljano Visha, 28 vjeç, Leonard Xhixha, Bujar Leza dhe Skënder Vathi. Ky i fundit dyshohet si organizator i atentatit që i mori jetën Behar Sofisë.

Ndërsa personi që dyshohet se dha urdhrin për ekzekutimin e Behar Sofisë, Jemin Shera, është ende në kërkim.

Gjykata e Posaçme ka filluar gjykimin në mungesë për Jemin Sherën i akuzuar si organizator i vrasjes së Behar Sofisë.

Pavarësisht kërkimeve që janë bërë nga policia Shera nuk është gjetur, ndërsa në banesën e tij në Zall-Herr nuk ka pasur asnjë person. Vëllai i të pandehurit ka theksuar para hetuesve nuk kishte dijeni për vendndodhjen e tij.

Në këto kushte Prokuroria kërkoi që të niste procesi në mungesë, gjë e cila u pranua nga gjykata.

Emri i Jemin Sherës është regjistruar për herë të parë nga SPAK në datën 29 mars 2022, si një nga të dyshuarit e vrasjes së Behar Sofisë.

SPAK relatoi në gjykatë se Shera e ka marrë porosinë nga persona ende te paidentifikuar dhe me pas ka krijuar grupin kriminal. Ata e kanë vëzhguar Behar Sofinë për 6 muaj deri në momentin e ekzekutimit.

Behar Sofia, i njohur si “padron droge”, u ndoq nga ekzekutori Ernejt Shyti dhe disa metra pranë shtëpisë së tij, i ka dalë para 66 vjeçarit dhe e ka qëlluar mëngjesin 25 shkurtit (2021) afër Piramidës në kryeqytet. I veshur sportiv, me kapele, syze e maskë anti-COVID pasi ka bërë atentatin, autori është larguar dhe ka kaluar në këmbë urën e Lanës.

Më pas ai ka marrë një biçikletë pranë kullave dhe është larguar drejt Kodrave të Liqenit.  /albeu.com

The post Vrasja e Behar Sofisë, GJKKO dënon me 127 vite burg pesë të akuzuarit appeared first on Albeu.com.

Ernejt Shyti, i akuzuari për krimin, ka dhënë këtë të premte dëshminë e tij në Gjykatën e Posaçme të Shkallës së Parë.

Shyti, ekzekutori i biznesmenit, njëherësh bashkëpunëtor i drejtësisë, identifikoi si “Dajo” shtetasin Skënder Vathi, ndërsa “Djali i ri” bëri me dije se thirrej Lonard Xhixha.

Ai tha se me Vathin është takuar para ngjarjes tek terminali ndërqytetas i autobusëve pranë “Qytetit Studenti”, ndërsa ditën e ngjarjes nuk i kishte dalë në takim pranë liqenit artificial.

Shyti tregoi gjithashtu për dy vrasje të tjera që kishte përgatitur grupi, atë të një 34-vjeçari në Kamëz dhe të një tjetër shtetasi në Gjermani.

“Për asnjërin nuk kisha as emër as fotografi. Xhuljano Vishaj më kishte porositur por pa më dhënë detaje. Për vrasjen në Kamëz më kishte thënë që do e kryente vetë, ndërsa atë në Gjermani do e kryeja unë përkundrejt 500 mijë eurove”, ka thënë ai.

23 ditë ka zgjatur vëzhgimi i Behar Sofisë nga Ernejt Shytaj, madje tregon edhe një episod konkret.

“Disa ditë para ngjarjes, e kam ndjekur Behar Sofinë nga Piramida deri tek ish-ekspozita. E identifikova, por nuk e kreva dot vrasjen. Atentatin ndaj Behar Sofisë e bëra për 50 milion lekë, paratë nuk i mora asnjëherë, pavarësisht se Xhuljano Visha më kishte thënë se do ti merrja 3 ditë pas ngjarjes. Bujar Lezën e kam takuar për biçikletën, me Xhuljano Vishën, më pas më ka pyetur edhe nëse do i ndërroja rrobat kur të kryeja ekzekutimin. Mësova se Bujari i kishte thënë Xhulios se edhe armën e kishte gjetur. Vrasjen më tha Visha do e bënte për hasmëri, por se për çfarë dhe nga kush ishte porositur nuk e di. Ditën e krimit, nuk mu shkrep arma, e mbusha dhe pastaj qëllova dy herë. Skënder Vathi do më merrte te Liqeni Artificial, por nuk erdhi. Kam ikur drejt Malit të Zi me vëllain dhe Xhuljano Vishën, nuk kemi ndaluar askund as për të ngrënë. Për komunikim me anëtarët e gruoit, kisha një telefon të markës “Iphone” që ma dha Xhuljano Visha të cilit ia ktheva dhe një “Nokia” që ma dha Leonard Xhixha. Ky i fundit, kur kam kryer vrasjen, ka qenë duke vëzhguar shenjestrën, kur kaloi te trotuari, më ka thënë se jam këtu afër dhe se po shkonte te lokali”, ka treguar ai.

The post “E kam vëzhguar 3 ditë”, Ernejt Shyti  tregon detaje të reja nga vrasja e Behar Sofisë: Do kryheshin edhe 2 ekzekutime të tjera appeared first on Albeu.com.

Dëshminë ai e dha në seancën më të fundit, ku nxori detaje për porositë që i jepte Bujar Leza, pasi ekzekutoi Sofinë në anë të Lanës në Tiranë, dhe për të cilën do të paguhej 50 mijë Euro.

“Pasi u vra Behar Sofia, kishim porosi tjetër nga Bujar Leza. Do të bënim një vrasje në Kamzë, shenjestra ishte një person, 34 vjeç që e kishte shtëpinë në Kamzë, shumë pranë komisariatit të Policisë. Këtë vrasje do e bënte Xhulian Visha, por zona ishte shumë e monitoruar dhe ndaj paguhej shumë lekë. Nuk u arrit qëllimi sepse duhej studiuar mirë zona, ishte tepër e vështirë”, tha Shyti.

Ernejt Shyti, i cili është bërë bashkëpunëtor i drejtësisë, përmend shumën e parave që ishin vënë në dispozicion për eliminimin e të riut. Shyti nuk e jep emrin e shenjestrës dhe se cila ishte arsyeja që Bujar Leza e donte të vdekur por tregon se kishte angazhuar për ta kryer ekzekutimin Xhulian Vishën, sipas Report Tv.

Në vitin 2014, Leza në bashkëpunim me Leonar Xhixhën, dhe një person tjetër, tentuan që të vrisnin Fatjon Alimanin.

Porositësi i vrasjes, Mirdash Osmani kishte kërkuar eliminimin e 20-vjeçarit, pasi disa muaj para atentatit të dështuar ishte përplasur me të, ngjarje që  përfundoi në plagosje më armë zjarri.

Por fatmirësisht plani u pikas në kohë nga Policia në atë kohë. Mesa duket Leza nuk kishte hequr dorë nga “profesioni”, duke ndërhyrë në vrasjen e Sofisë.

Nga ana tjetër Xhulian Visha, u arrestua si pjesë e grupit të atentatit të 2021 në Tiranë, pasi u përfshi në vëzhgimin dhe koordinimin e planit të vrasjes.

Më herët Shyti ka folur për një vrasje që do të bënte në Gjermani. Pasi vrau Behar Sofinë i njohur si “padron droge”, afër Piramidës në anë të Lanës, Ernejt Shyti, aktualisht në burg, do të ekzekutonte dhe një tjetër person në Gjermani. Pohimin 24 vjeçari e bëri në gjyq, ku tregoi për vrasjen e Sofisë, për të cilën iu premtuan 500 mijë euro.

66 vjeçari Behar Sofia, i njohur si “padron droge”, u ekzekutua mëngjesin 25 shkurtit 2021 afër Piramidës në Tiranë, ndërsa vrasësi u largua me biçikletë.

Autori pasi e ka ndjekur disa metra pranë shtëpisë së tij, i ka dalë para 66 vjeçarit dhe e ka qëlluar. I veshur sportiv, me kapele, syze e maskë anti-COVID pasi ka bërë atentatin ai është larguar dhe ka kaluar në këmbë urën e Lanës.

Më pas ai ka marrë një biçikletë pranë kullave dhe është larguar drejt Kodrave të Liqenit.

The post Dëshmia në GJKKO e vrasësit të Behar Sofisë: 50 mijë euro për një tjetër ekzekutim në Kamzë, shënjestra ishte 34 vjeç appeared first on Albeu.com.

Këtë të dielë policia ka identifikuar dhe ekzekutuar masën arrest me burg për shtetasin Bujar Leza, si një ndër personat e përfshirë në vrasjen e Behar Sofisë, 66 vjeç një personazh i njohur për drejtësinë në fushën e trafikimit të lëndëve narkotike.

Ndërkohë kujtojmë se autori kryesor për vrasjen e tij është identifikuar si Ernejt Shyti, i cili ka pranuar krimin  dhe ka pohuar se ka kryer ai ekzekutimin më 25 shkurt pranë qendrës së Tiranës.

Gjithashtu në burg në lidhje me këtë ngjarje dhe të identifikuar si bashkëautorë të vrasësit 24 vjeçar janë edhe Xhuljano Visha 28 vjeç, Leonard Xhixha 30 vjeç dhe Skënder Vathi 54 vjeç.

Njoftimi i plotë:

Vijojnë veprimet e thelluara hetimore për zbardhjen e plotë të ngjarjes së ndodhur më 25 shkurt 2021.

Identifikohet bashkëpunëtori i autorit të vrasjes së shtetasit B. S.

Ekzekutohet masa e sigurisë “Arrest në burg” për 45-vjeçarin.

Në vijim të veprimeve të thelluara hetimore të kryera nga ana e Sektorit për Hetimin e Krimeve të Rënda ndaj Jetës dhe Pronës në DVP Tiranë, në drejtimin e SPAK-ut, për zbardhjen e plotë dhe dokumentimin me prova ligjore të ngjarjes së ndodhur më datë 25 shkurt 2021, ku u vra me armë zjarri shtetasi B. S., 66 vjeç, si rezultat i hetimeve dhe provave të grumbulluara është bërë i mundur identifikimi i bashkëpunëtorit në këtë vrasje.

Bazuar në provat e grumbulluara, Gjykata e Posaçme Kundër Korrupsionit dhe Krimit të Organizuar ka caktuar masën e sigurisë “Arrest në burg”, për shtetasin B. L., 45 vjeç, banues në Larushk, Krujë.

Specialistët e Sektorit për Hetimin e Krimeve të Rënda ndaj Jetës dhe Pronës në DVP Tiranë kanë bërë ekzekutimin e masës së sigurisë ndaj këtij shtetasi, në ambientet e burgut të Fushë Krujës, i cili ndodhet i paraburgosur për veprën penale “Dhuna në familje”.

Materialet i kaluan Prokurorisë së Posaçme Kundër Korrupsionit dhe Krimit të Organizuar Tiranë, në ngarkim të shtetasit B. L., për veprat penale “Vrasja me paramendim” dhe “Mbajtja pa leje e armëve, armëve shpërthyese dhe municionit”, kryer në bashkëpunim të veçantë, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.

The post EMRI/ Identifikohet bashkëautori i vrasjes së Behar Sofisë në Tiranë appeared first on Albeu.com.

Burime bëjnë dije se është duke u punuar për një person të pestë për të cilin dyshohet se ka marrë pjesë në atentatin që i kushtoi jetën biznesmenit Behar Sofia disa javë më parë.

Nga këqyrja e kamerave të sigurisë në një bar-kafe në afërsi të Piramidës që korrespondon edhe me afërsinë që ka me banesën ku jetonte Sofia, është konstatuar se personi në fjalë, emri i të cilit ende është i pakonfirmuar, ka qëndruar për disa minuta me njërin nga personat e arrestuar për ngjarjen, konkretisht, Skënder Vathin.

Takimi nuk provon plotësisht përfshirjen e tij në ngjarje duke qenë se edhe Vathi ka mohuar të bashkëpunojë me drejtësinë ndërsa ekzekutori Ernejt Shytaj nuk konfirmoi njohjen me të. Ky i fundit ka pohuar para organeve të drejtësisë se personi që e ka kontaktuar për të kryer ekzekutimin përkundrejt pagesës është Xhuljano Visha i cili pretendon se edhe e ka bindur.

Për vrasjen e 66-vjeçarit Behar Sofia janë arrestuar 4 persona, ndërsa prokuroria tashmë ka edhe një të dyshuar të pestë, i cili rezulton se është takuar me Skënder Vathin rreth orës 07:40 të mëngjesit kur edhe është kryer ekzekutimi.

Rezulton se Vathi mbërrin aty në orën 07:25 minuta të mëngjesit ku vetëm pak kohë më pas, 54-vjeçari ulet në tavolinë me të dyshuarin e pestë. 10 minuta nga qëndrimi në tavolinë, rreth orës 07:40 minuta, i dyshuari duket në pamjet se i jep diçka, Skënder Vathit, i cili më pas largohet menjëherë nga lokali.

54-vjeçari Skënder Vathi, person me precedent penal u arrestua më datën 13 mars. Atij iu sekuestruan dy karta “sim”, si dhe automjeti tip “Fiat Punto”, me të cilin lëvizte, dhe kishte takuar personat e tjerë të arrestuar.

The post DETAJET/ Po pinte kafe, kush është shtetasi që doli në skenë për vrasjen e Sofisë appeared first on Albeu.com.

Fotoja e shkëputur nga një dokument i është dënë Shytit gjatë një takimi që kanë pasur 4 të prangosurit teksa planifikonin vrasjen.

Burime për A2CNN, bëjnë me dije se fotoja ishte e përmasave të atyre që përdoren në pasaporta dhe mjete të ngjashme identifikimi, çka lë të kuptohet se është marrë nga një sistem. Por mbetet e paqartë sesi kanë arritur që të sigurojnë foton e një dokumenti të Sofisë.

Dyshohet se fotoja i është dhënë Skënder Vathit nga personat që i kanë kërkuar edhe vrasjen e bisnesmenit, por 54-vjeçari mohon me forcë të ketë lidhje me ngjarjen duke mos pranuar as të bëhet bashkëpunëtor i drejtësisë.

Skënder Vathi u zbulua mes mesazheve telefonike të dërguara në numrin e Ernejt Shytit, ku e lajmëroi për daljen nga banesa të 66-vjeçarit, Bashkë me Leonard Xhixhën, kishin rolin e vëzhguesit, ndërsa Xhuljano Visha u siguroi armën e krimit.

The post Dëshmia e Ernejt Shytit, zbulohet si e siguroi foton e 66-vjeçarit Behar Sofia appeared first on Albeu.com.

Ernejt Shyti, i cili mban në kokë një kapuç dhe një xhup dimëror me bindjen se nuk do të zbulohej. Ai kapërcen trotuarin midis makinave dhe në të njëjtin cast shënjestra e tij Behar Sofia kalon me vrap vijat e bardha.

Ky veprim shtyn vrasësin të kthehet pas, e shikon përballë për t’u bindur që ai është personi që i kanë treguar në fotografi dhe më pas i vihet pas për ta qëlluar pas shpine.

Ky maskim nuk e shpëtoi dot Ernejt Shytin që mos të zbulohej nga autoritetet të cilat kryen ekspertizë në Britaninë e Madhe për të konfirmuar që ky është një improvizim.

Të arrestuar për këtë vrasje janë: Ernejt Shyti, Xhuliano Visha, Leonor Xhixha dhe Skender Vathi dhe u lanë në arrest me burg nga gjykata, për akuzën e vrasjes me pagesë. /albeu.com/

The post Zbardhen pamjet para ekzekutimit të Sofisë në Tiranë, autori e ndoqi hap pas hapi duke çaluar (VIDEO) appeared first on Albeu.com.