Kur institucionet publike organizojnë një tender e bëjnë këtë duke patur parasysh se kontraktimi i një kompanie private për të bërë punë publike do të mundësojë realizimin e projektit përmes një menaxhimi e cilësie më të mirë si edhe me një çmim relativisht më të ulët nga fondi limit i përllogaritur.

Kjo, sipas logjikës së tenderit, do të vijë përmes garës mes ofertuesve, të cilët do të përpiqen që të bindin kontraktuesin për të fituar tenderin duke ofruar pikërisht cilësinë dhe çmimin e mirë.

Mirëpo, ndodh ndodh ndonjëherë që për shkaqe që lidhen kryesisht me keqpërllogaritjen nga kontraktuesi apo qëllimin për të abuzuar nga ofertuesi, që oferta të jetë aq e ulët sa ngre pikëpyetje të mëdha mbi realizimin final të projektit.

Këto quhen në gjuhën teknike edhe “oferta anomalisht të ulëta”, që tregojnë se kontraktuesi nuk beson se me çmimin tepër të ulët të ofruar nga privati, të bëhet një punë që përmbush kërkesat teknike.

Pikërisht, një fenomen i tillë duket se ka ndodhur në tenderin e organizuar nga Bashkia Lushnje me qëllim zgjerimin e varrezave në lagjen “Çlirim”.

Bashkia kishte përllogaritur një fond limit prej 44 972 000 lekë për këtë tender dhe fitues mes 12 ofertuesve u shpall kompania “LLAZO” shpk, e cila mori përsipër kryerjen e punimeve kundrejt shumës 28 862 226 lekë!

Kjo është një shumë përafërsisht sa 60 për qind e fondit limit, ç’ka hedh hije të rënda dyshimi ose mbi cilësinë e punimeve që do të kryhen ose me paaftësinë e inxhinierëve të bashkisë për të përllogaritur koston totale të punimeve, e cila nuk mund të ketë një diferencë kaq të madhe!

Shiko PREVENTIVIN 

Mbetet për t’u parë se si do të kryhen punimet për zgjerimin e varrezave në Lushnje, dhe nëse vërtetë janë cilësore, atëhere Eriselda Sefa duhet të ndërrojë inxhinierët! /albeu.com

The post Eriselda Sefa “çudit” të vdekurit! Diçka nuk shkon në tenderin për zgjerimin e varrezave appeared first on Albeu.com.

Kryetari i Bashkisë Divjakë, Fredi Kokoneshi është plagosur me thikë këtë të enjte bashkë me shoferin e tij, pas një konflikti në poliklinikë.

Kokoneshi pas një debati me shtetasin Ergest Xhelili është goditur me thikë nga ky i fundit. Veç kryebashkiakut, i plagosur ka mbetur edhe shoferi i tij, Gazmend Bullari.

Mësohet se Erges Xhelili më herët ka punuar si punonjës IT pranë bashkisë së Divjakës.

Partnerja e Xhelilit aktualisht punon si shefe e infermiereve tek poliklinika e Divjakës, aty ku ka ndodhur edhe ngjarja.

Kryebashkiaku ndodhet në spitalin e Lushnjës, jashtë rrezikut për jetën, ndërsa do t’i nënshtrohet një ndërhyrjeje kirurgjikale.

Ende nuk janë bërë të qarta arsyet e konfliktit mes tyre, ndërsa grupi hetimor pritet të zbardhë rrethanat e ngjarjes.

Autori është kapur dhe shoqëruar në Komisariat, ndërsa forca të shumta policie ndodhen në spital, ku ndodhen dy të plagosurit.

The post Plagosja e kryebashkiakut të Divjakës/ Balla, Subashi dhe Sefa mbërrijnë në spital appeared first on Albeu.com.

Kjo ishte Bashkia e tretë e fituar nga të majtët, pas asaj të Vorës dhe Rrogozhinës.

Eriselda Sefa nga radhët e Partisë Socialiste ka marrë rreth 59% të votave, duke fituar kështu garën për këtë bashki. Në vendin e dytë është renditur Elton Bano i “shtëpisë së Lirisë” me mbi 30% të votave. Ndërsa Indrit Sefa i Partisë Demokratike ka marrë rreth 11% të votave.

Socialistët e kanë festuar me ovacione fitoren, në një festë të organizuar ku ka marrë pjesë edhe Taulant Balla. Në emocione e sipër, Balla puth në ballë kryetaren e zgjedhur të Bashkisë së Lushnjës./albeu.com/

The post Taulant Balla nuk përmban emocionet, puth në ballë Eriselda Sefën e Lushnjës appeared first on Albeu.com.

Rama tha se e ka takuar për herë të parë në vitin 2011 në zgjedhjet vendore ku duhet të zgjidhej kandidati për Komunën Allkaj.

Sipas kryeministrit, ishte një situatë ku 4 burra kandidatë po ziheshin me njëri-tjetrin kush do ishte përfaqësuesi i PS-së, ndërkohë që sipas tij, Eriselda Sefa u paraqit për t’u zgjedhur.

Kryeministri tha se në ato zgjedhje, Sefa nuk u zgjodh, por ajo nuk u dorëzua dhe sot ajo përfaqëson PS-në për Bashkinë e Lushnjës.

“Eriseldën e kam njohur për herë të parë në vitin 2011 në komunën Allkaj bëhej një sherr i madh mes 4 burrave, donin të gjithë të ishin kandidatë kryetar komune. Kujtova në fillim se ishte vajza e njërit prej tyre, por ajo tha se ishte kandidate. Kandidate mes atyre, ata mund ta hanin të gjallë 7 herë në ditë, por ja ku është sot.

Ajo nuk u vendos si kandidate atëherë, por nuk u dorëzua, u përkushtua dhe gjërat erdhën në mënyrë të atillë që është me gjithë bindjen tonë që është kandidatja e duhur për Lushnjën për të kaluar në një fazë tjetër komunikimi”, tha Rama.

Kryeministri komentoi dhe kandidatët e opozitës, teksa tha se njëri përfaqëson “bravën”, kurse tjetri “bishtin e varesë”.

“Ne datën 6 kemi një palë zgjedhje ku ka disa kandidatë. Por fakti që kanë marrë përsipër të përfaqësojnë bravën dhe bishtin e Varesë, i skualifikon në sytë e mi dhe mendoj se duhet t’i skualifikoje në sytë e çdo qytetari përkundër Eriseldës që nuk është e rënë nga qielli, por është një vajzë e ardhur nga kjo tokë në një rrugëtim që e ka nisur shumë vite më parë dhe ku ka hedhur hapat, duke e pasur ambicien dhe vullnetin pa qenë vajza e dikujt me një mbiemër të famshëm apo dikush që e ngritëm në manjë nga hiçi.

Një vajzë e kësaj zone e cila në këto pak kohë ka treguar se di ti shërbej këtij komuniteti dhe di të jetë dikush që s’i ndan njerëzit në miq dhe kundërshtarë, por i vlerëson të gjithë si qytetarë”, tha Rama./albeu.com/

The post Rama tregon njohjen me kandidaten e PS në Lushnje: Ishte sherri i madh mes 4 burrave, e hanin të gjallë 7 herë në ditë (VIDEO) appeared first on Albeu.com.

Idnrit Sefa mban postin e sekretarit për marrëdhëniet ligjore dhe proceset zgjedhore në PD.

Sefa pritet të zyrtarizohet nga kreu i PD-së, ndërsa do të përballet me kandidaten e PS në Lushnje Eriselda Sefa dhe Elton Banon, kandidatin e koalicionit Berisha-LSI.

Prezantimi i Sefës për kandidat do të bëhet nga Saimir Korreshi që është njëkohësisht deputet i Lushnjes, por edhe kryetar i kësaj dege.

Sipas rregullit në PD, kandidati i propozuar nga baza do i nënshtrohet shqyrtimit dhe miratimit nga Kryesia e PD./albeu.com/

The post PD zyrtarizon kandidatin për Bashkinë e Lushnjes appeared first on Albeu.com.

Vendimin e ka marrë Këshilli Bashkiak i Lushnjës.

Kujtojmë se disa ditë më parë Fatos Tushe u arrestua me urdhër të SPAK për korrupsion dhe abuzim me tenderat së bashku me zyrtarë të tjerë.

Pas arrestit, kryeministri Edi Rama firmosi shkarkimin e tij nga posti i kryetarit të Bashkisë Lushnje dhe një ditë më vonë e përjashtoi edhe nga partia./albeu.com

The post Tushe u shkarkua pas arrestimit për korrupsion, zgjidhet kryetarja e re e Bashkisë Lushnjë appeared first on Albeu.com.