Policia reagon për ngjarjen në Korçë, ku raportohet se rreth orës 10:20, në lagjen nr. 16, dyshohet se shtetasi Edmond Naska, 71-vjeç, me probleme mendore, ka qëlluar me armë zjarri nga ballkoni i banesës së tij (në katin e parë të një pallati.
Pas terrorit të krijuar në zonë, policia mbërriti në vendin e ngjarjes dhe rrethoi lagjen.
Sakaq, nga të shtënat nuk ka asnjë shtetas të lënduar.
Shërbimet e Policisë me masa sigurie për jetën e tyre, po mbajnë të rrethuar banesën.
NJOFTIMI:
Sot, rreth orës 10:20, në lagjen nr. 16, dyshohet se shtetasi Edmond Naska, 71 vjeç, me probleme mendore, ka qëlluar me armë zjarri nga ballkoni i banesës së tij (në katin e parë të një pallati).
Shërbimet e Policisë vendore kanë ndërhyrë mënjëherë duke krijuar perimetrin e sigurisë dhe kanë evakuuar banorët e zonës.
Nga të shtënat nuk ka asnjë shtetas të lënduar.
Në drejtim të vendit të ngjarjes po shkojnë shërbimet e Repartit Special RENEA, për të ndërhyrë për neutralizimin e shtetasit E. N., i cili ka mbyllur derën e banesës.
Ndërkohë, shërbimet e Policisë, me masa sigurie për jetën e tyre, po mbajnë të rrethuar banesën.
Aktualisht nuk ka asnjë rrezik për jetën e banorëve.
