EMRI/ Mes të arrestuarve nga operacioni i SPAK dhe një ish-komisar, u shkarkua vjet nga Rrumbullaku

SPAK ka lëshuar 15 urdhërarreste për persona të përfshirë në ngjarje kriminale. Deri më tani, pas kontrolleve që ka bërë policia janë arrestuar 6 persona.

Mes të arrestuarve është dhe ish-polici Ardit Hasanbega.

Mësohet se ish-Komisari Ardit Hasanbegaj ka shërbyer si Shef i Seksionit për Krimet, në Komisariatin e Policisë Berat.

Ai u përjashtua nga policia në nëntor të vitit te shkuar pas shkarkimit të zinxhirit komandues të policisë së Beratit.

Lexo po ashtu

Policia aksion në disa qytete, arrestohet Pëllumb Gjoka, prokurori i Kukësit dhe disa policë

Policia aksion në disa qytete, arrestohet Pëllumb Gjoka, prokurori i Kukësit dhe disa policë

Nga ish-shefi i Operacionales tek anëtari i bandës së “Bajrave”, kush janë 4 personat që u arrestuan sot, detaje nga operacioni policor

Nga ish-shefi i Operacionales tek anëtari i bandës së “Bajrave”, kush janë 4 personat që u arrestuan sot, detaje nga operacioni policor

Kjo u bë pas zbulimit të serave me kanabis në këtë qark, në fshatin Rërëz.

Të arrestuarit e tjerë janë; drejtuesi i prokurorisë në Kukës, Xhevahir Lita, ish-shefi i Opracionales Oltion Bistri, biznesmeni Pëllum Gjoka, Astmer Bilalin në Shkodër, etj, ndërkohë që nuk ka asnjë njoftim zyrtar nga SPAK për aksionin.

Vendimi i drejtorit të përgjithshëm të Policisë më 22 nëntor 2022, pas zbulimit të serrave me kanabis në Berat:

Drejtori i Përgjithshëm firmosi në nëntor 2022 përjashtimin nga Policia e Shtetit, për shkelje të rëndë, të 7 punonjësve të Policisë, të nivelit të parë dhe të nivelit të mesëm drejtues, konkretisht:

1. Kryekomisar Baki Musaku, me detyrë Shef Sektori për Krimet, në DVP Berat;

2. Kryekomisar Sokol Lazaj, me detyrë Shef i Komisariatit të Policisë Berat;

3. Komisar Ardrit Hasanbegaj, me detyrë Shef i Seksionit për Krimet, në Komisariatin e Policisë Berat;

4. Nënkomisar Artan Musai, me detyrë Shef i Stacionit të Policisë Dimal;

5. Nënkomisar Miço Rakazia., me detyrë Specialist për Krimet, në Stacionin e Policisë Dimal;

6. Inspektor Vladimir Toska., me detyrë Ndihmësspecialist për Policimin në Komunitet, në Stacionin e Policisë Dimal;

7. Inspektor Gazmend Sula, me detyrë Ndihmësspecialist për Policimin në Komunitet, në Stacionin e Policisë Dimal.

-Është vendosur ulja në gradë, për një periudhë 6-mujore, për zëvendësdrejtorin për Hetimin e Krimeve, në Drejtorinë Vendore të Policisë Berat, Drejtues Shkëlqim Xhezairaj.

-Është vendosur dhënia e masave disiplinore “Vërejtje me paralajmërim”, për 8 punonjës policie.

-Është vendosur shtyrja e afatit të gradimit, me 2 vjet, për 2 punonjës të tjerë policie.

/albeu.com/