Heroinë në Zvicër, marihuanë në Itali. Një trafik i gjerë, i menaxhuar nga shqiptarë me banim nga Como në Lucca, i zbuluar në vitin 2018 nga Guardia di Finanza i Njësisë së Policisë Ekonomiko-Financiare të Milanos është shkatërruar dhe të dënuarit tashmë kanë dalë në gjyq.
Teksa dy shqiptarë janë ende të pagjurmueshëm, mes tyre është dhe emri i Mariglen Memës, 35-vjeçari që mbeti i vrarë me kallashnikov në një lokal në Vlorë, ku po pinte kafe. Vrasja ndodhi në të njëjtën periudhë në të cilën përfunduan hetimet ndaj tij në Itali.
Të lidhura
None found
Ai u vra nga një bashkatdhetar 33-vjeçar, i njohur në Itali dhe i përfshirë në trafik droge, i cili pasi doli nga lokali i mori jetën me automatik, shkruan Il Giorno.
Hetimet, të koordinuara nga zv.prokurori i Como Antonio Nalesso, flisnin për ngarkesa të shumta me lëndë narkotike në Itali dhe Zvicër, dhe gjatë aksioneve u sekuestruan 450 kilogramëve marihuanë, 10 heroinë dhe 200 të tjera lëndë për përgatitjen e heroinës.
Sipas pretendimeve, të dyshuarit importonin drogë nga Shqipëria për ta rishitur më pas në Itali dhe Zvicër, duke përdorur metoda të koduara komunikimi.
Dënimet më të larta, 5 vjet, ka qënë për 40-vjeçarin Altin Braho, banues në Como dhe për Renato Burrelin, 34 vjeç nga Lucca, i cili ishte ndaluar në Como në nëntor 2013 me 200 kilogramë marihuanë të fshehura në një ndarje të furgonit të tij dhe i dënuar me 4 vjet burg.
Dorian Daku, 52 vjeç, Gentian Prifti, 45 vjeç dhe Arjol Rexhon, 39 vjeç, të dy banues në Shqipëri, u dënuan me 4 vjet burg./Albeu.com/
