Njerëzit mund të jetojnë nën rrënojat e tërmetit për një javë ose më shumë, me ekspertët që thonë se të plagosurit rëndë duhet të nxirren sa më parë që të kenë mundësi të mbijetojnë.
Ekipet e shpëtimit janë ende në kërkim të të mbijetuarve të tërmetit në Turqi dhe Siri.
“Njerëzit mund të mbijetojnë në rrënojat e tërmetit deri në një javë ose më shumë, në varësi të lëndimeve të tyre, mënyrës se si janë bllokuar dhe kushteve të motit”, thanë ekspertët.
Ekipet e kërkimit nga e gjithë bota janë bashkuar me punonjësit e urgjencës lokale në Turqi dhe Siri për të gjetur viktimat e tërmetit shkatërrues të kësaj jave që vrau mijëra njerëz.
Dr. Jaron Lee, një specialist i mjekësisë së urgjencës dhe fatkeqësive në Spitalin e Përgjithshëm të Massachusetts, tha se ndërsa mbijetesa përtej një jave është e rrallë, “ka shumë histori të mbijetesës që kalojnë kufirin e shtatë ditëve”.
Dr Lee tha: “Në përgjithësi, mbijetesa përtej ditës së pestë deri në të shtatën është e rrallë dhe shumica e ekipeve të kërkimit dhe shpëtimit do të konsideronin ndalimin e operacionevederi atëherë.”
“Megjithatë, ka shumë histori të njerëzve që mbijetojnë pas shtatë ditëve. Për fat të keq, këto janë zakonisht ngjarje të rralla dhe të jashtëzakonshme.”
Njerëzit me lëndime traumatike, duke përfshirë lëndimet e shtypjes dhe amputimet, përballen me situatën më kritike për mbijetesë, tha Dr. George Chiampas, një specialist i mjekësisë urgjente në Shkollën Mjekësore Feinberg të Universitetit Northëestern.
Ai tha: “Nëse nuk i nxirrni brenda një ore, në atë orë të artë, ka shumë pak shanse për të mbijetuar.”
Ata me sëmundje para-ekzistuese ose ata që varen nga mjekimet gjithashtu përballen me shanse të tmerrshme, shton Dr. Chiampas.
Mosha, gjendja fizike dhe mendore janë të gjitha të rëndësishme.
Dr Christopher Colëell, një specialist i mjekësisë së urgjencës në Universitetin e Kalifornisë, San Francisko, tha: “Ju shihni shumë situata të ndryshme ku kemi pasur disa shpëtime vërtet të mrekullueshme dhe njerëzit i kanë mbijetuar situatave të tmerrshme.”
“Ata priren të jenë të rinj dhe kanë pasur fatin të gjejnë xhepa në rrënoja ose ndonjë mënyrë për të aksesuar gjërat thelbësore si ajri dhe uji.”
Pas tërmetit dhe cunamit në Japoni të vitit 2011, një adoleshent dhe gjyshja e tij 80-vjeçare u gjetën të gjallë pas nëntë ditësh të bllokuar në shtëpinë e tyre.
Vite më parë, një vajzë 16-vjeçare nga Haiti në Port-au-Prince u shpëtua nga rrënojat e tërmetit pas 15 ditësh.
Statusi mendor gjithashtu mund të ndikojë në mbijetesën. Njerëzit e bllokuar pranë trupave të pajetë, pa asnjë kontakt me të mbijetuarit apo shpëtuesit e tjerë, mund të heqin dorë nga shpresa, vuri në dukje Dr. Chiampas.
Ai shtoi: “Nëse njëri prej jush mbijeton, ju mbështeteni tek njëri-tjetri për të vazhduar luftën”.
Më shumë se 16,000 njerëz kanë vdekur dhe mijëra të tjerë janë plagosur pas një tërmeti të tmerrshëm në Turqi dhe Siri më 6 shkurt të kaluar.
Tërmeti me magnitudë 7.8 shembi pjesën më të madhe të qendrës së qytetit dhe rrëzoi ndërtesa të larta, duke bllokuar mijëra njerëz.
Ekipet e zgjeruara të shpëtimit vazhdojnë punojnë pa ndërprerje me shpresën për të gjetur ende të mbijetuar./Albeu.com/
