Pas mbledhjes së grupit parlamentar të PS, numri dy i qeverisë, Gjiknuri u pyet nëse u ndje mungesa e Ballës në këtë mbledhje, duke e vënë atë në siklet dhe në tension, gjë e cila u vu re në përgjigjen e tij.

Gjiknuri deklaroi se për këtë gjë duhet pyetur vetë Taulant Balla duke shtuar se ndryshimet janë bërë për të mirën e partisë dhe jo për të ulur apo ngritur dikë.

Pyetje: A u ndje mungesa e zotit Balla?

Damian Gjiknuri: Nuk e di, duhet të pyesni zotin Balla, zoti Balla ka një detyrë të rëndësishme. Të gjitha ndryshimet që janë bërë, janë bërë për të mirën e partisë. Nuk është qëllimi për të ulur apo për të ngritur dikë. /albeu.com/

The post Beteja për pushtet përçan PS? Gjiknuri vihet në siklet për mungesën e Taulant Ballës: Pyeteni vetë! appeared first on Albeu.com.

Kryeministri zgjodhi të mbajë sërish pranë vetes figura të shquara brenda PS si Taulant Balla, Elisa Spiropali, Ogerta Manastirliu, Bledi Çucin, Damian Gjiknuri, ndërkohë futi në pozicione të rëndësishme dhe figura të reja të panjohura për politikën në Shqipëri.

Ajo që ra më së shumti në sy ishte forcimi i pozitave të Damian Gjiknurit në Partinë Socialiste. Ai mori besimin e Ramës për të qenë Sekretari i Përgjithshëm i PS, detyrë e cila i përkiste Taulant Ballës, por jo vetëm kaq.

Gjiknuri mori edhe qarkun e Elbasanit, ku shpallet kryetar i partisë në këtë qark, pozicion i cili i përkiste sërish Taulant Ballës.

Ndërkohë që Gjiknuri i mori dy detyrat e rëndësishme Ballës në PS, Rama e emëroi atë në krye të qarkut të Fierit.

Në këtë mënyrë Damian Gjiknuri bëhet automatikisht numri dy në Partinë Socialiste.

Rikujtojmë se pak vite më parë, Gjiknurit iu desh të spostohej pas akuzave të rënda për korrupsion dhe manipulim zgjedhjesh në Dibër.

Por pavarësisht akuzave të rënda, Rama gjithmonë është shprehur me superlativa për Gjiknurin duke e konsideruar jo vetëm pjesë të PS, por një mik të tij.

Emërimet e Ramës:

Fier- Taulant Balla

Elbasan- Damian Gjiknuri

Kukës- Elisa Spiropali

Durrës – Ardian Çela

Gjirokastër-Mirela Kumbaro

Lezhë – Blendi Klosi

Tiranë -Erion Veliaj

Dibër -Ulsi Manja

Berat-Bledi Çuçi

Shkodër-Edona Bilali

Vlorë-Arben Ahmetaj

Emrat e rinj të qeverisë Rama:

Kryeministër, Edi Rama

Zv.Kryeministër, Arben Ahmetaj

Niko Peleshi, minstria e Mbrojtjes

Olta Xhaçka minister e jashtëm

Ulsi Manja, ministër Drejtësie

Bledi Çuçi, ministër i Brendshëm

Delinda Ibrahimi, minister e Financave

Belinda Balluku, ministre e Instrastrukturës

Ogerta Manastirliu, ministre e Shëndetësisë

Evis Kushi, ministre e Arsimit

Frida Krifca, ministre e Bujqësisë

Mirela Kumbaro, ministre e Turizmit

Elva Margariti, ministre e Kulturës

Elisa Spiropali, ministre Shteti

Edona Bilali, ministre Shteti

Bora Muzhaqi, ministre Shteti

Milva Ekonomi, ministre Shtetit /albeu.com/

The post Çfarë ndodhi brenda PS? Damian Gjiknuri sposton Taulant Ballën, i merr edhe partinë, edhe Elbasanin  appeared first on Albeu.com.

Rama tha se për shkak të justifikimeve, në PS nuk janë afruar figura të reja, duke bërë që politika shqiptare të duket si një “klub çakenjsh”.

“Në sytë e publikut, të rinjve iu duket si klub çakenjsh. Partia nuk mund të zgjohet kur vijnë zgjedhjet dhe nuk mbahet gjallë si moçal interesash në rrethet e të privilegjuarve dhe e vërteta e hidhur se pavarësisht dallimeve me rivalët tanë, pasqyra e partive tona, në sytë e komuniteteve të Shqipërisë ngjan si një copë e filmit ‘Koncert në vitin 1936’, ku kemi një tufë me drejtora…”-tha ndër të tjera Rama.

PJESË NGA FJALA E RAMËS:

Rezultatet jo në lartësinë e duhur janë justifikuar njësoj, duke thënë jo po nuk është kollaj të mos gjesh njerëz të rinj, jo po të mos prishim ekuilibrat se janë zgjedhjet, jo po na mërziten ata poshtë dhe nuk afrohen për zgjedhje, jo po nuk afrohen njerëzit po nuk u dhe punë shteti, jo po rinia është indiferente, jo po statuti, jo po udhëzimi jo po duam mbështetje nga lart, jo po ç’deshi ai te zona ime, jo po se desha atë të vinte te lagjia ime, jo po ajo pi kafe te lokali i PD, jo po ajo ja ka lënë lokalin LSI.

Një parti politike dhe gjykimi i saj nga publiku dhe kthimi në një komunitet vlerash është si të pajtohesh me vetëkyçjen brenda një rrethi vicioz. I gjithë organizmi i partisë ekspozohet ndaj infektimit të gjendrave malinje sepse krijohen ngaqë shtyhet kura e duhur me justifikimin “nuk është ky momenti, më vonë”. Kjo shtyrje e pafundme e përballjes e një kapitali të çmuar si PS, varfëron demokracinë duke e bërë politikën dhe ne kemi kontributin tonë fatkeq, ngjajmë me një cirk pelivanësh. Në sytë e publikut, të rinjve iu duket si klub çakenjsh.

Partia nuk mund të zgjohet kur vijnë zgjedhjet dhe nuk mbahet gjallë si moçal interesash në rrethet e të privilegjuarve dhe e vërteta e hidhur se pavarësisht dallimeve me rivalët tanë, pasqyra e partive tona, në sytë e komuniteteve të Shqipërisë ngjan si një copë e filmit ‘Koncert në vitin 1936’, ku kemi një tufë me drejtora.

Nëse duam një parti të rifitojë përsëri besimin e shqiptarëve, shembëlltyre e asaj parie kapardisur nëpër rrugë e nëpër kafene, duhet zhdukur nga sytë e popullit. Nëse duam që shqiptarët të na afrohen shumë më shumë dhe nëse duam që Shqipëria e kësaj periudhe të historisë që ne kemi fatin ta shkruajmë pas 2 zgjedhjesh të jetë ngjitur në majë. /albeu.com/

The post Rama bën për “ujë të ftohtë” socialistët: Jemi bërë si klub çakenjsh! (VIDEO)   appeared first on Albeu.com.

Duke u nisur nga skandalet e fundit në instancat shtetërore ku individë të PS me pushtet janë përfshirë në afera korruptive, kryeministri deklaroi se këto njerëz nuk do të kenë asnjë lloj mbështetje, duke shtuar se sipas tij janë të “neveritshëm”.

“Kur dikush që e ka në ballë logon e PS-së ekspozohet për abuzime, faji është i tiji, por turpi për mos vendosjen e vijës së kuqe është i joni. Kjo skuadër nuk do të jetë kurrë as streha dhe as mburoja e askujt që me veprimet e veta cënon partinë…”-tha ndër të tjera Rama.

Pjesë nga fjala e Ramës:

Duhet ta ngulitni mirë në kokë se ndërhyrjet për të mbajtur në punë individë të paaftë, apo makutër që kanë dorën në xhepin e qytetarëve, ndërhyrje për të sistemuar njerëz që nuk e meritojnë në punë, të përfaqësojnë partinë Socialiste apo për të ndikuar në procese tenderash e vendmimarrjesh me natyrë materiale janë armiqësore me qëllimet dhe dëshirën e atyre që na dhanë besimin për të drejtuar vendin. Janë të neveritshme. Duhet të jetë e qartë për të gjithë këtë familje politike.

Kur dikush që e ka në ballë logon e PS-së ekspozohet për abuzime, faji është i tiji, por turpi për mos vendosjen e vijës së kuqe është i joni.

Kjo skuadër nuk do të jetë kurrë as streha dhe as mburoja e askujt që me veprimet e veta cënon partinë. Nuk mban përgjgjësi se një individ shkel mbi vlera e parime, por mban përgjegjësi për mënyrën se si reagon. /albeu.com/

The post Rama i prerë me socialistët: Kini kujdes! PS nuk mbron askënd! (VIDEO) appeared first on Albeu.com.

Ish-prefekti i Qarkut të Lezhës, Eduard Ndreca nuk është përmbajtur por ka “shpërndarë” dashurinë e tij për të gjithë socialistët.

Gjatë një aktiviteti politik në Lezhë, ai ka mbajtur një fjalë të shkurtër para qytetarëve, duke e mbyllur me shumë dashuri.

“Nuk do e lëmë në dorën e tyre gjithë ato punë që janë bërë me dashuri nga qeveria shqiptare. Ndaj duhet të votojmë PS, kryeministrin Edi Rama. Votoni 12! Fitore! Iu dua pafund!,”-tha ai.

The post Socialisti hap zemrën në fushatë dhe deklaron: Ju dua pafund!(VIDEO) appeared first on Albeu.com.