Sonte (e martë) nis Eurovision 2025.
Shqipërinë këtë vit e përfaqëson Shkodra Elektronike me këngën “Zjerm”.
Me këtë rast, kryeministri i Shqipërisë, Edi Rama e nisi mëngjesin me një postim duke i uruar suksese për mbrëmjen speciale.
“MIRËMËNGJES, dhe duke i uruar suksese Shqipërisë sonte në Eurovision, me Beatriçen dhe Kolën nga Shkodra Elektronike, ju uroj një ditë të mbarë”, ka shkruar Rama ndër tjerash.
Gjysmëfinalja e parë do të mbahet më 13 maj dhe e dyta më 15 maj, kurse finalja e madhe do të jetë më 17 maj.
Konkursi i Këngës në Eurovision është mbajtur pothuajse çdo vit që nga viti 1956, duke e bërë atë konkursin ndërkombëtar muzikor më jetëgjatë të transmetuar në televizion.
Duhet theksuar se u anulua vetëm në vitin 2020 për shkak të pandemisë së coronavirusit.
