Ditën e djeshme, është ndarë nga jeta në moshën 21-vjeçare, futbollisti që ishte pjesë e Akademisë së Shënkollit.
Prej 12 ditësh, ai ishte në koma pasi ishte rrëzuar nga tarraca e një biznesi që ishte në pronësinë e familjes së tij në Torovicë të Lezhës.
Pavarësisht gjithë përpjekjeve maksimale të mjekëve, Çuni ndërroi jetë në spitalin e Traumës në Tiranë, duke mos i mbijetuar plagëve të marra në pjesën e kokës.
Lajmi u konfirmua edhe nga akademia e klubit, ku nëpërmjet një postimi prekës, kanë shprehur gjithë dhimbjen për ndarjen nga jeta të talentit Çuni.
