Si pasojë, Erika vendosi që të shkonte tek ai, ku filloi edhe dhuna. Ajo ka treguar se e ka shtyrë dhe i ka drejtuar thikën kur kishte bebin në krahë. Pas kësaj ngjarje ka kërkuar divorcin dhe është kthyer te shtëpia e prindërve të saj. Erika ka një mesazh për të gjitha vajzat që janë në një situatë të tillë, ku thotë se  ‘nuk ka asnjë të keqe të jesh një nënë beqare dhe të fillosh jetën nga e para”.

Historia e Erikës: Historia ime nis kur kam qenë 19 vjeçe, kam qenë e lidhur me një çun. Kjo marrëdhënie zgjati për gati 3 vite, nga kjo marrëdhënie lindi dhe një fëmijë. Është pak e vështirë si histori. Në fillim ka nisur bukur si çdo marrëdhënie. Kam punuar kameriere në një lokal ku ai vinte çdo ditë aty. Një ditë të bukur më ftoi për të dalë, më pëlqeu, dukej tip interesant dhe thashë ‘pse jo’ se vajzë e re. Pëlqimi ishte nga të dyja palët dhe nisëm që të njiheshim. Çdo gjë ishte ok, shumë e bukur, vazhduam marrëdhënien normale.

Derisa vendosëm që t’a kalonim gjënë pak më serioze dhe u fejuam. Në fillim ka qenë shumë i kujdesshëm, falte shumë dashuri, kohë, përkushtim, vëmendje, çdo gjë që një femër ka nevojë, respektin mbi të gjitha. Mbasi u fejuam jetoja te familja e tij, kam ndenjur atje 3 muaj. Gjatë kësaj periudhe unë ngela shtatzënë. Pastaj ai iku jashtë dhe më tha që do të marr. Gjatë periudhës që ngela shtatzënë unë u ktheva te familja ime. Duke qenë se ai iku jashtë, ndihesha më e qetë te shtëpia ime. Aty filluan konfliktet e para për çështje xhelozie.

Erdhi një moment që vendosa të ikja tek ai. Xhelozia lindi nga ana e ish-partnerit tim për veshjen, flokët, për gjërat bazike. Më thoshte ‘pse ke veshur këtë fustanin kaq të shkurtër, pse këto pantallona kaq të ngushtë’. Kaluan në ofendime, gjëra që mua më bënë të ndryshoj mendim për partnerin tim. Shfaqi një gjë që unë nuk e kisha provuar më përpara, gjatë kohës që ne kishim thjesht një marrëdhënie. Isha dhe me një fëmijë në bark, duhej të isha me e qetë në atë periudhë. Në momentin që duhej të ishte më i afruar me mua, më i qetë, filloi duke shfaqur një anë komplet tjetër nga ai që njihja unë. Më ka thënë edhe ‘ti nuk e ke fëmijën me mua’.

Unë vendosa që të ikja tek ai personi edhe pse familja ime nuk ishte dakord. Lashë shkollën e çdo gjë që të shkoja tek ai se jetonte në Itali. Thashë se do të ndryshonte pasi të bëhej baba, si çdo femër që mendon më të mirën për fëmijën e vet, që nuk do t’a rrisë fëmijën pa baba. Në momentin që kam shkuar atje, aty filloi çdo gjë e keqe e mundshme derisa arriti dhe në dhunë fizike, edhe kur isha shtatzënë. Nuk i thashë askujt për këtë gjë, për dhunën që po përjetoja se nuk doja që të shqetësoja familjen time apo të atij. Ishin dy familje në mes, nuk ishim vetëm unë dhe ai, ishte dhe një fëmijë mbi të gjitha. Duke parë që kjo gjëja zgjati, kuptova që duhej t’i jepja fund.

Në periudhën që lindi bebi ka patur dy raste që unë kam thënë ‘stop, nuk funksionon si marrëdhënie’. I pari ka qenë kur më ka shtyrë me fëmijën në krahë dhe e dyta momenti kur më ka drejtuar thikën. Gjëja e parë që më kanë thënë prindërit kur u kam treguar ‘ti derën tonë e ke patur gjithmonë të hapur dhe merre fëmijën e hajde të shtëpia jote’. E kanë rritur fëmijën tim sikur t’a kishin tyrin. E hapa unë divorcin se ai nuk donte. Unë vendosa që të ndahem, i thashë ‘se nuk ka kthim pas’. Unë nuk dua që fëmija im nesër, pasnesër të rritet dhe të jetë një njeri i keq te një femër mbi të gjitha”

The post E reja shokon me historinë e saj: Ish-bashkëshorti më drejtoi thikën kur kisha femijën e porsalindur në krahë appeared first on Albeu.com.

Nga kamerat e sigurisë së kazinosë ku ajo punonte, te stadiumi Air Albania, është kapur momenti i fundit kur Xhoi dhe shoqja e saj e dhomës në ambientet e punës. Vetëm pak çaste më pas, 22-vjeçarja do të dhunohej dhe hidhej nga kati i dytë i ballkonit të shtëpisë në Tiranë.

Prokuroria ka sekuestruar edhe pamjet filmike të kapura nga kamerat e sigurisë në Ambasadën Turke, pas pallati ku banonte Xhoi ndodhej ngjitur me godinën e ambasadës. Gjithashtu, pak ditë më parë është kërkuar ekzaminimi i mbetjeve në trupin e Xhoit, çka mund të ndihmojë në identifikimin e autorit në të ardhmen përmes ADN-së.

E reja nga Kenia u dhunua në 12 gusht, nga persona të paidentifikuar. Ajo u nxor me vështirësi nga ambulanca, për shkak se vendi ku ishte hedhur ishte i rrethuar dhe nul lejohej hyrja. Xhoi ndodhet në gjendje të rënduar shëndetësore nën kujdesin e mjekëve të Spitalit të Traumës në Tiranë. Disa javë më parë, ajo arriti të dalë nga frymëmarrja artificiale, por e ka të pamundur të flasë apo lëvizë.

The post Sapo doli nga kazinoja, del fotografia e fundit e Joy-t para se të dhunohej, çfarë po kërkon Prokuroria appeared first on Albeu.com.

Kjo është Marjana Sahitaj, 25-vjeçarja, e cila kishte pak ditë që kishte lidhur kurorë dhe po priste ditën e udhëtimit për t’u bashkuar me bashkëshortin e saj në Angli.

Marjana ishte martuar në 6 gusht të këtij viti dhe pas një jave do të largohej nga Shqipëria por ëndrra e saj u pre kur 40-vjeçari Sajmir Thaçi humbi kontrollin e mjetit tip “Audi”, u përplas me portën e banesës ku ka goditur të renë.

Sahitaj u dërgua në spitalin e Traumës, por nuk mundi t’i mbijetojë plagëve të marra. Policia ka bërë të ditur se shoferi i mjetit është vënë në pranga si dhe shton se ai dyshohet se kishte konsumuar lëndë narkotike në momentin kur ishte në timon./albeu.com

The post U përplas për vdekje nga makina brenda oborrit të saj, kjo është 25-vjeçarja që priste të nisej drejt Anglisë appeared first on Albeu.com.

Por sikur të mos mjaftonte rrezikimi i jetës së qytetares, shoferja e ka ofenduar dhe e ka kërcënuar gruan që për pak sa nuk e përplasi.

Në një moment dëgjohet teksa thotë se e ka babain prokuror. Në disa momentet të tjera ajo përqesh gruan që kalonte në vija të bardha dhe kryen veprime të papërmbajtshme. Mësohet se gruaja po kalonte vijat e bardha bashkë  me fëmijën e mitur.

Më pas qytetarja tërhiqet nga disa burra, pasi shoferja e inatosur vijon ta ofendojë. Deri më tani nuk është njoftuar asnjë veprim nga policia e Kosovës, për këtë rast të rëndë.

The post “E kam babin prokuror, ta q* nënën” e reja shqiptare për pak sa nuk shtyp kalimtaren, del dhe e kërcon në mes të rrugës (VIDEO) appeared first on Albeu.com.

Duke qenë magjia është një fenomen misterioz dhe i frikshëm edhe përsonat që e bëjnë përgjithësit veprojnë fshehurazi.

Njësoj si vajza në këtë video që është kapur në Shkup ditën e djeshme, e cila për fatin e saj të keq nuk ka qenë në djeni për kamerat në shkallët e pallatit dhe shihet teksa shkon fshehurazi te dera e një familje, sipas Albeu.com.

Vajza nga Shkupi shihet duke u siguruar mirë që askush nuk e sheh dhe më pas qëndron disa minuta te dera e famljes në fjalë e më pas largohet me nxitim.

Video po kometohet shumë edhe për moshën e vajzës në fjalë, pasi përgjithësisht magjia i adresohet grave në moshë të thyer./albeu.com/

The post Kapet “mat” nga kamerat, e reja shqiptare i bën magji fshehtas fqinjëve (VIDEO) appeared first on Albeu.com.

Policia njofton se ka bërë arrestimin e bashkëshortit të së ndjerës, Alfred Gjinin.

Njoftimi i policise:

Specialistët për Hetimin e Krimeve në Komisariatin e Policisë Durrës arrestuan në flagrancë shtetasin A. Gj., 31 vjeç, banues në Durrës, pasi mbrëmjen e djeshme, në banesë, gjatë një konflikti për motive të dobëta me bashkëshorten e tij, shtetasen A. Gj., 24 vjeçe, banuese në Durrës, dyshohet se kjo e fundit është vetëhedhur nga ballkoni i banesës dhe për pasojë ka ndërruar jetë.

The post U zu me bashkëshortin dhe u hodh nga ballkoni, vdes në vend 24 vjeçarja në Durrës appeared first on Albeu.com.

Vajza me inicialet N.N, me shkollë të lartë, lindur dhe banuese në Tiranë, e njohu partnerin në Instagram, por ajo që e priste më vonë ishte një lidhje ferri. Dhuna, përpjekjet e herëpashershme për ta kontrolluar e për t’i skeduluar agjendën, e kanë futur të renë në depresion deri ditën kur ajo është gjendur pas një muri. Në një situatë kritike, e frikësuar dhe nën trysinë e përndjekjes, e reja është paraqitur në komisariatin nr. 3 ku dhe rrëfeu problemin e njëkohësisht kërkoi mbrojtje urgjente.

Burimet e Gazetës “Si” hedhin dritë mbi denoncimin e të resë, që e nisi historinë në vitin 2019.
“E njoha djalin rreth tre vite më parë.  Njihem edhe me prindërit e tij dhe me ta krijova marrëdhënie shumë të mira. Por ai ishte shumë xheloz , më kërkonte llogarinë në Instagram aty ku ne u njohëm, krijoi paranojë nga çdo kontakt në rrjetet sociale”, ka deponuar vajza.

E reja kujton se ish i dashuri e urdhëroi që ajo të mbyllte nga rrjetet sociale.

“Gati gati e tha me kërcënim këtë gjë. Më pas zbulova se ishte konsumues i rregullt i drogës. Mendova që konsumonte rrallë, por pashë që merrte shpesh drogë me shiringë. Merrte kokainë“, ka thënë ajo.

Duke përshkruar ndjesitë e këtij zbulimi N.N i ka thënë policisë se gjatë lidhjes nën efektin e drogës, disa herë partneri kishte përfunduar në spital.

“Lidhja filloi normalisht, e la drogën, mirëpo xhelozia e tij nuk merrte fund. Më urdhëronte të mos dilja nga shtëpia. Një ditë kërkova të zbrisja për kafe me shoqet e mia që më prisnin, u bë i dhunshëm dhe kundërshtoi”, ka thënë ajo.

Mbas këtij momenti e reja rrëfen në komisariatin nr.3 sipas burimit që e citon atë, se ajo mori vendim që të distancohej. Por nga frika vendosi që ndarjen ta kryente gradualisht dhe jo menjëherë

“E takoja njëherë në tre katër ditë derisa ta lija përfundimisht. Pastaj më rrallë ai po bëhej akoma më i dhunshëm dhe filloi rëndshëm alkoolin. Një ditë nga alkooli gjendja e tij u rëndua dhe e dërguan në spital. Aty vendosa t’i qëndroja pranë dhe t’i jepja dhe një shans lidhjes sonë dhe ne të dyve. Por kur u kthye, ai e la alkoolin dhe rinisi drogën, aty më përfshiu edhe mua”, thotë vajza nga kryeqyteti.

Më tej ajo dëshmon fundin drejt ferrit…

“Fillova të marr antidepresantë në doza të mëdha, pasi nuk po e duroja dot situatën. Një natë bashkë me antidepresantët piva edhe alkool dhe të nesërmen kisha një gjendje humbjeje dhe të fikëti. Prindërit po përpiqeshin të më ndihmonin, më kërkuan që të mos dilja më, por doja ta ndihmoja dhe ta shpëtoja. E ndaj dola”, thotë vajza.

E reja tregon për prindërit se në këtë situatë ata të alarmuar e kanë kundërshtuar dhe kanë vendosur ta mbyllin në banesë. Kjo tentativë e prindërve për ta shpëtuar dhe distancuar dhe që e mbylli 22-vjeçaren brenda katër muajve, zgjati gjatë maujve të verës.

Në dosjen policore që Gazeta “Si” mundi të disponojë, vajza ka deponuar: “Mbas verës fillova ta takoj e ta shoh sërisht djalin, ai po sillej i dashur me mua dhe sikur të mos kishte ndodhur asgjë. Vazhduam kështu. Kur ai ngelej pa lekë vidhte ndonjë gjë dhe shfaqej. Në mars mësova se përmes mashtrimit ai i vodhi një fëmije 12 vjeç telefonin”.

Policia tregon për Gazetën “Si” në formë jo zyrtare se rezulton nga këqyrja e të dhënave hetimore se për këtë çështje, mbas kallëzimit të fëmijës përmes prindërve të tij, ai ishte arrestuar dhe mbajtur për disa javë në paraburgim derisa gjykata e ka liruar.

‘I dashuri më mori në telefon nga burgu një natë  dhe unë e ndihmoja me karta  dhe I thashë se kur të dilte duhet të sqaroheshim bashkë. Por edhe kur doli vura re që ai nuk kishte ndyshuar aspak. “

E vendosur, 22-vjeçarja shton se i komunikoi ndarjen dhe se historia e tyre nuk mund të vijonte më.

“Por ai nuk e pranoi vendimin tim, dilte në rrugë, më kërcënonte, më deklaroi se ai nuk mund të jetonte pa e dashur unë, më gjuante. Mbrëmë trokiti në derë të shtëpisë në mesnatë, mami e hapi dhe u traumatizua kur e pa”, thotë N.N.

Policia bën me dije se ka marrë në pyetje prindërit e denoncueses që përmendin se nuk e dinin lidhjen sentimentale të vajzës , deri ditën kur kanë mësuar që ai ishte arrestuar për një telefon.

“I nxitur nga ky informacion delikat dhe I papranueshëm  kur mësuam rreth profilit të tij shoqëror  biseduam me vajzën dhe u dakordësuam që ajo të ndërpriste çdo lidhje me këtë person”, thotë i ati i cili mbasi konfirmon rrëfimin e të bijës për vizitën në mesnatë të djalit, kujton: “Po shkoja ta merrja vajzën në palestër , por në rrugë pashë një djalë që e tërhiqte nga krahët me forcë dhe për ta evituar konfliktin me këtë person njoftova dy efektivë që i ndesha në rrugë.

Policia thotë se vrapuan për ta kapur të riun por ai u largua me shpejtësi dhe për këtë arsye ai është shpallur në kërkim për përndjekje ndaj ish të dashurës 22 vjeçe.

Megjithatë historia nuk mbaron këtu…. /Gazeta si

The post Gjithçka nisi në Instagram, 22 vjeçarja nga Tirana rrëfen si ra në kurthin e përdoruesit të kokainës appeared first on Albeu.com.

Policia bën me dije se më datë 11.05.2021 u referuan materialet në Prokurorinë pranë Gjykatës së Shkallës së Parë Tiranë dhe punohet për kapjen e shtetasit në kërkim E. K., 34 vjeç, sepse në mënyrë të vazhdueshme ka përndjekur ish të dashurën e tij 22-vjeçare.

Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme.

The post Përndiqte vazhdimisht ish të dashurën 12 vite më të re, shpallet në kërkim 34 vjeçari appeared first on Albeu.com.

Dy nga spitalet Covid kanë mbyllur dyert ndërkohë që pavarësisht rënies së rasteve, sërish bluzat e bardha bëjë thirrje për kujdes të shtuar në mënyrë që vendi të mos kalojë në një valë tjetër të virusit.

Ndërkohë sipas postimeve në faqen zyrtare të ministres Manastirliu, deri tani janë kryer 612 mijë vaksinime në të gjithë Shqipërinë.

Konkretisht:

11 maj 2021, 4 viktima

10 maj 2021, 4 viktima

9 maj 2021, 1 viktimë

8 maj 2021, 3 viktima

7 maj 2021, 2 viktima

6 maj 2021, 3 viktima

5 maj 2021, 1 viktimë

Në total, në 7 ditët e fundit janë shënuar 18 viktima. /albeu.com/

The post Ulet ndjeshëm numri i viktimave nga COVID-19 në vend, a po i vjen fundi? appeared first on Albeu.com.