Ka rënë në prangat e Policisë autori i vrasjes së ditës së djeshmë në fier.
Bëhet fjalë për Elton Metën, autorin e vrasjes së Sabrina Bengasit, ish bashkëshortes së tij.
Kujtojmë se Meta para disa kohësh kishte marrë peng gjithë familjen e Sabrinën dhe pasi doli nga burgu kreu aktin e rëndë.
Lajmin për arrestimin e tij e bënë të ditur burime nga Policia e Shtetit, të cilët thanë se ai ishte fshehur në pyll.
Njoftimi i policisë:
Fier/Informacion paraprak
Rreth orës 22:50, në fshatin Zhupan, shtetasi E. M. (B)., 31 vjeç, në banesën e ish-vjehrrit, ka vrarë me armë zjarri ish-bashkëshorten e tij, shtetasen S. B.
Në vendngjarje kanë shkuar shërbimet e Policisë dhe po punojnë për kapjen e autorit dhe zbardhjen e plotë të ngjarjes.
Janë ngritur pika kontrolli në hyrje-dalje të qytetit dhe vijon krehja e zonës për kapjen e 31-vjeçarit.
Po kush është autori Elton Metaj?
Metaj është një shtetas i njohur për Policinë e Shtetit pasi sapo kishte dalë nga burgu ku kishte vuajtur dënimin e tij.
Burgosja e tij lidhej direkt me familjen e viktimës pasi një vit më parë kishte marrë peng familjen Benga, në 20 shtator të vitit 2020.
Në vitin 2020 , Metaj e mbajti peng për më shumë se 5 orë bashkëshorten dhe familjen e saj në shtepinë e babait të kësaj të fundit dhe u desh nderhyrja e RENEA-s dhe FNSH-së për t’i liruar.
Më herët, në 22 shtator 2020, 31 vjecari nga Peshtan Bengasi ,Elton Metaj u paraqit ne gjykaten e Fierit me akuzat “Armëmbajtja pa leje” , “Kundërshtim i punonjësit të policisë” dhe “Dhunë në familje”.
Lirimi nga burgu:
Burimet bëjnë me dije se Elton Metaj është liruar nga burgu pasi ka shfaqur çrregullime mendore.
Mësohet se Metaj ka shkuar në banesën e ish-gruas së tij, Sabrina Bengasi dhe ka qëlluar mbi të, duke ia marrë jetën në derën e shtëpisë. /albeu.com/
