Një aksident i rëndë është shënuar mbrëmjen e sotme në Malësinë e Madhe.
Ngjarja ka ndodhur në aksin rrugor “Shkodër-Hani i Hotit”, ku një automjet me drejtues një 20-vjeçar ka përplasur për vdekje një këmbësor 68-vjeçar.
Ngjarja e rëndë ka ndodhur në vendin e quajtur “Aliaj”.
Policia ka shoqëruar në komisariat të riun ndërsa grupi hetimor vijon hetimet për përcaktimin e shkakut të këtij aksidenti.
Njoftimi i policise
Rreth orës 19:55, në aksin rrugor “Shkodër-Hani i Hotit”, në vendin e quajtur “Aliaj”, automjeti me drejtues shtetasin K. S., 20 vjeç, ka përplasur shtetasin Ll. P., 68 vjeç (këmbësor).
Nga përplasja, 68-vjeçari ka humbur jetën. Ndërkaq, Policia ka shoqëruar në Komisariat, shtetasin K. S., për kryerjen e veprimeve të mëtejshme procedurale.
Grupi hetimor vijon hetimet për përcaktimin e shkakut të këtij aksidenti.
/Albeu.com
